قوعام حاۋىپسىزدىگى ورگاندارى بيرمانىڭ سولتۇستىگىندە تەلەكوم مەن ينتەرنەتتەن پايدالانىپ ەلىمىزگە ساياتىن الدامكوستىك ىستەگەن قىلمىس كۇماندىلارىنا سوققى بەرۋ جاعىندا تىڭ تابىستارعا قول جەتكىزدى
تەلەكوم مەن ينتەرنەتتەن پايدالانىپ الدامكوستىك ىستەگەن قىلمىس كۇماندىلارىنان 2349 ادامدى ءبىر رەتتە ەلىمىزگە وتكىزىپ بەردى
2023.10.23 14:27 كەلۋ قاينارى : حالىق تورابى
سۋرەتتە: تەلەكوم مەن ينتەرنەتتەن پايدالانىپ الدامكوستىك ىستەگەن قىلمىس كۇماندىلارىنان 2349 ادامدى ءبىر رەتتە ەلىمىزگە وتكىزىپ بەردى. سۋرەتتى قوعام حاۋىپسىزدىگى مينيسترلىگى بەرگەن
حالىق تورابىنىڭ ءتىلشىسى لياڭ چيۋپيڭ، لي ناننان 10 - ايدىڭ 16 - كۇنى بەيجيڭنەن حابارلايدى. قوعام حاۋىپسىزدىگى ورگاندارى بيرمانىڭ سولتۇستىگىندە تەلەكوم مەن ينتەرنەتتەن پايدالانىپ ەلىمىزگە ساياتىن الدامكوستىك ىستەگەن قىلمىس كۇماندىلارىن باستان - اياق جازباي قاداعالاپ، كوپ رەت سوققى بەرۋ ارەكەتىن ۇزدىكسىز ورىستەتىپ، الدامكوستىك اپاندارىن باتىل الاستاپ، الدامكوستىككە ساياتىن ادامداردى زاڭ بويىنشا تۇتقىنداۋ نەگىزىندە، جۋىردا يۇننان ولكەسى پۋ - ىر قوعام حاۋىپسىزدىگى ورگاندارى بيرماداعى قاتىستى جەرگىلىكتى زاڭ اتقارۋ تاراۋلارىمەن بىرگە شەكاراداعى ساقشى قىزمەتى جانە زاڭ اتقارۋ جاعىندا سەلبەستىك ورىستەتىپ، تەلەكوم مەن ينتەرنەتتەن پايدالانىپ الدامكوستىك ىستەگەن جۇڭگولىق قىلمىس كۇماندىلارىنان 2349 ادامدى ەلىمىزگە وتكىزىپ بەردى. بۇل بيرمانىڭ سولتۇستىگىندە تەلەكوم مەن ينتەرنەتتەن پايدالانىپ ەلىمىزگە ساياتىن الدامكوستىك ىستەگەن قىلمىس كۇماندىلارىنا سوققى بەرۋ ارەكەتى ورىستەتىلگەننەن بەرى، ءبىر رەتتە وتكىزىپ بەرگەن ادام سانى ەڭ كوپ بولعان ارەكەت سانالادى، مۇندا زاڭ بويىنشا ينتەرنەت ارقىلى قۋعىنداۋ بۇيرىعى تۇسىرىلگەن قاشىپ جۇرگەن قىلمىس كۇماندىلارىنان 111 ادام قامتىلعان.
الدىڭعى مەرزىمدەگى قىزمەتتەر نەگىزىندە، يۇننان قوعام حاۋىپسىزدىگى ورگاندارى بيرماداعى قاتىستى جەرگىلىكتى ورىندارداعى زاڭ اتقارۋ تاراۋلارىمەن شەكاراداعى ساقشى ىستەرى جاعىنداعى سەلبەستىكتى ۇزدىكسىز كۇشەيتىپ، ەڭ جاڭا تۇجىرىمدالعان الدامكوستىك اپانى مەن الدامكوستەردىڭ دەرەكتەرىن ۇزدىكسىز حابارلادى ءارى جۋىردا شوعىرلى تۇردە تۇتقىنداۋ ارەكەتىن ورىستەتىپ، تەلەكوم مەن ينتەرنەت ارقىلى الدامكوستىك ىستەگەن ءبىر توپ قىلمىس كۇماندىلارىن ىركەس - تىركەس قولعا ءتۇسىردى. 10 - ايدىڭ 14 - كۇنى، قىلمىس كۇماندىلارىنان 2349 ادامدى ەلىمىزدەگى يۇننان ولكەسىنىڭ كۇنميڭ قالاسى، سونداي - اق، جياڭسۋ، حىنان، شاندۇڭ، حۋنان، چۇڭچيڭ قاتارلى جەرلەردەگى قوعام حاۋىپسىزدىگى تاراۋلارى جەكە - جەكە ايداپ اكەلىپ، دەلونى تەكسەرۋ قىزمەتىن كۇش سالا ورىستەتتى. قازىرگە دەيىن، يۇننان ولكەسىندەگى كوپ جەردەگى قوعام حاۋىپسىزدىگى ورگاندارىنىڭ قۇلشىنۋىنىڭ ارقاسىندا، بيرمانىڭ سولتۇستىگىندە تەلەكوم مەن ينتەرنەتتەن پايدالانىپ ەلىمىزگە ساياتىن الدامكوستىكپەن شۇعىلدانعان قىلمىس كۇماندىلارىنان 4666 ادامدى ەلىمىزگە وتكىزىپ بەردى، مۇندا زاڭ بويىنشا ينتەرنەت ارقىلى قۋعىنداۋ بۇيرىعى تۇسىرىلگەن قاشىپ جۇرگەندەردەن 205 ادام بار. بيىل 8 - ايدان بەرى، بۇكىل ەلىمىزدەگى تەلەكوم مەن ينتەرنەتتەن پايدالانىپ الدامكوستىك ىستەۋگە ساياتىن دەلولاردىڭ سانى، وسى دەلولار تۋىنداتقان زيان مولشەرى سايكەستى مەزگىلدەگىدەن جەكە - جەكە %24، %20.5 تومەندەگەن.
قوعام حاۋىپسىزدىگى ورگاندارىنىڭ قاتىستى جاۋاپتىسى مىنانى ءبىلدىردى: جۋىردان بەرى، بيرمانىڭ سولتۇستىگىندە تەلەكوم مەن ينتەرنەتتەن پايدالانىپ ەلىمىزگە ساياتىن الدامكوستىك جۇرگىزۋ قىلمىسىنىڭ جاعدايىنا باعىتتاي وتىرىپ، قوعام حاۋىپسىزدىگى ورگاندارى سوققى بەرۋ تەبىنىن ۇزدىكسىز كۇشەيتىپ، ارناۋلى سوققى بەرۋ ارەكەتىن ۇزدىكسىز ۇيىمداستىرىپ، كورنەكتى ناتيجەلەرگە قول جەتكىزدى. قوعام حاۋىپسىزدىگى ورگاندارى ۇزدىكسىز كۇش سالىپ، الدامكوستىك اپاندارىن كۇش سالا الاستاپ، الدامكوستىكپەن شۇعىلداناتىن دامدارعا زاڭ بويىنشا اشىق قۋعىنداۋ جاريالادى ءارى ولاردى تۇتقىندادى، بيرمانىڭ سولتۇستىگىندە تەلەكوم مەن ينتەرنەتتەن پايدالانىپ ەلىمىزگە ساياتىن الدامكوستىك جۇرگىزەتىن قىلمىس ”اپاندارىن“ باتىل الاستاپ، حالىق بۇقاراسىنىڭ مال - مۇلكىنىڭ حاۋىپسىزدىگى مەن زاڭدى ۇقىق - مۇددەسىن شىنايى قورعادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
