ەكى تاراۋ: ورتالىق قازىنا ەكونوميكالىق جاقتا قيىنشىلىعى بار، ءوزىن - ءوزى كۇتىمدەۋ قۋاتىنان ايرىلعان قارتتاردى شوعىرلى كۇتىمدەۋدەگى قىزمەت وتەۋگە قولداۋ كورسەتەدى
2023.10.23 14:28 كەلۋ قاينارى : حالىق تورابى
حالىق تورابىنىڭ 10 - ايدىڭ 20 - كۇنى بەرگەن حابارى (شياۋ سۇڭسۇڭ، ۋىن لۋ) حالىق ىستەرى مينيسترلىگى 10 - ايدىڭ 20 - كۇنى ءۇشىنشى توقسانداعى كەزەكتى اقپار جاريالاۋ ءماجىلىسىن اشتى. ماجىلىستە حالىق ىستەرى مينيسترلىگىنىڭ قارتتاردى كۇتىمدەۋ جاعىندا قىزمەت وتەۋ مەڭگەرمەسىنىڭ ورىنباسار باستىعى لي باڭحۋا حالىق ىستەرى مينيسترلىگى مەن قازىنا مينيسترلىگى بىرگە جاريالاعان «ورتالىق قازىنانىڭ ەكونوميكالىق جاقتا قيىنشىلىعى بار، ءوزىن - ءوزى كۇتىمدەۋ قۋاتىنان ايرىلعان قارتتاردى شوعىرلى كۇتىمدەۋدەگى قىزمەت وتەۋدى ۇيىمداستىرىپ ورىستەتۋ جونىندەگى ۇقتىرۋىنا» (تومەندە قىسقارتىلىپ «ۇقتىرۋ» دەپ اتالادى) قاتىستى جاعدايدى تانىستىردى.
لي باڭحۋا مىنانى ءبىلدىردى: ورتالىق قازىنانىڭ ەكونوميكالىق جاقتا قيىنشىلىعى بار، ءوزىن - ءوزى كۇتىمدەۋ قۋاتىنان ايرىلعان قارتتاردى شوعىرلى كۇتىمدەۋدەگى قىزمەت وتەۋگە قولداۋ كورسەتۋىنىڭ باستى فورماسى — ورتالىق قازىنانىڭ قيىنشىلىعى بار بۇقاراعا كومەك بەرۋ، قوسىمشا قاراجات تاراتۋ ارناسى ارقىلى قاراجات ورنالاستىرىپ، قارتتاردى كۇتىمدەۋ قۇرىلىمدارىنا ورنالاسقان ەكونوميكالىق جاقتا قيىنشىلىعى بار، ءوزىن - ءوزى كۇتمدەۋ قۋاتىنان ايرىلعان قارتتارعا كومەك بەرۋ ءارى ولاردى قابىلداعان قارتتاردى كۇتىمدەۋ ورىندارىنىڭ ونىمدىلىگىن باعالاۋ ناتيجەسىنە قاراي وتىرىپ، ولارعا ۇيلەسىمدى مولشەردە قوسىمشا قاراجات بەرۋ. قازىر كومەك بەرۋ وبيەكتىلەرى ۋاقىتشا ەڭ تومەنگى تۇرمىس دەڭگەيىن قامتاماسىزداندىرۋ كولەمىنە ەنگىزىلگەن، ونىڭ ۇستىنە، ءوزىن - ءوزى كۇتىمدەۋ قۋاتىنان بۇكىلدەي ايرىلعان دارەجەدە دەپ سانالعان ءارى قارتتاردى كۇتىمدەۋ قۇرىلىمدارىنا كىرۋدى قالايتىن قارتتار دەپ بەلگىلەنگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
