يزرايل ارمياسىنىڭ باس شتاپ باستىعى: گازا وڭىرىنە جەر بەتىنەن شابۋىلداۋعا ساقاداي ساي تۇرمىز
2023.10.25 15:04 كەلۋ قاينارى : حالىق تورابى
شينحۋا اگەنتتىگىنىڭ 10 ـ ايدىڭ 24 ـ كۇنى يەرۋساليمنەن بەرگەن حابارى. يزرايل ارمياسىنىڭ باس شتاپ باستىعى حاللەۆي 10 ـ ايدىڭ 24 ـ كۇنى بىلاي دەدى: يزرايل ارمياسى گازا وڭىرىنە جەر بەتىنەن شابۋىل جاساۋعا ساقاداي ساي بولدى.
حاللەۆي سول كۇنى يزرايل گازا ءوڭىرىنىڭ شەكاراسىنىڭ ماڭىندا وتكىزىلگەن تىلشىلەردى قابىلداۋ جينالىسىندا يزرايل ارمياسىنىڭ جەر بەتى شابۋىلى ءۇشىن دايارلىق كورگەندىگىن جانەدە قۇپيا جوسپار جاساپ جوسپاردى ىسكە اسىرۋعا دايىندالعاندىعىن، ەندىگى باسقىشتا شابۋىل فورماسى مەن ۋاقىتى تۋراسىندا قارار شىعاراتىندىعىن ءبىلدىردى. ول بىلاي دەدى: جەر بەتىنەن شابۋىل جاساۋ جوسپارى ”تاكتيكانى، ٴتىپتى ستراتەگيانى ويلاسۋدان“ كەشەۋىلدەپ تۇر، بۇل يزرايل ارمياسىنىڭ ءتىپتى دە تولىق دايىندالۋىنا مۇمكىندىك جاسادى.
مەملەكەت قورعانىس مينيسترى گالانت 10 – ايدىڭ 23 – كۇنى يزرايل ارمياسىنىڭ گازا رايونىنا جەر بەتى شابۋىلىن قوزعايتىندىعىن، مۇندا قۇرلىق، تەڭىز، اۋە بىرلەسپە شابۋىلىن قولداناتىندىعىن ءبىلدىردى.
يزرايل ارمياسى 10 – ايدىڭ 24 – كۇنى كەشتە بايانداما جاريالاپ، پالەستينا يسىلام قارسىلىق كورسەتۋ قوزعالىسىنىڭ (حاماس) بىرنەشە قارۋلى قىزمەتكەرلەرى سول كۇنى گازا رايونىنان تەڭىز جولى ارقىلى يزرايلعا جاسىرىن كىرمەكشى بولعاندىقتان، يزرايل ارمياسى جاعىنان اتىپ ءولتىرىلدى دەدى. يزرايل ارمياسى جانە دە حاماس قارۋلى قىزمەتكەرلەرى وتىرعان ءبىر سوعىس ۇشاعىن اتىپ تۇسىرگەن.
يزرايل اقپارت قۇرالدارىنىڭ حابارىنا قاراعاندا، پرەمەر مينيسترى نيتانياحۋ 10 – ايدىڭ 24 - كۇنى بىلاي دەدى: يزرايل ارمياسىنىڭ 10 – ايدىڭ 23 - كۇنى گازا وڭىرىنە جاساعان اۋە شابۋىلى ”ءبىر كۇن ىشىندەگى ەڭ سۇراپىل شابۋىل“ سانالادى. مەملەكەت قورعانىس ارمياسى 10 – ايدىڭ 24 – كۇنى تاڭەرتەڭ مالىمدەمە جاريالاپ بىلاي دەدى: يزرايل ارمياسى وتكەن ءبىر كۇندە گازا وڭىرىندەگى 400 دەي حاماستىڭ اسكەري نىساناسىنا اۋەدەن شابۋىل جاسادى، حاماستىڭ كوپتەگەن قولباسشىلارىن اتىپ ءولتىردى.
يزرايل ارمياسىنىڭ تاعى ءبىر حابارىنا قاراعاندا، قىرۋار زىمىران وعى 10 – ايدىڭ 24 – كۇنى گازا رايونىنان يزرايلعا اتىلعان. ەكى زىمىران بومبى سيريادان يزرايلدىڭ مەڭگەرۋىندەگى گولان ۇستىرتىنە قاراي اتىلعان ءارى الاڭقايعا تۇسكەن.
پالەستينانىڭ دەنساۋلىق ساقتاۋ تاراۋلارى 10 – ايدىڭ 24 – كۇنى بايانداما جاريالاپ، يزرايل ارمياسىنىڭ گازا وڭىرىنەن جاساعان شابۋىلىنان 5700 ادام قازا بولىپ، 16 مىڭ ادام جارالاندى. يوردان وزەنىنىڭ باتىس جاعالاۋىنان 95 ادام قازا بولدى، 1836 ادام جارالاندى دەدى. يزرايل دەنساۋلىق ساقتاۋ مينيسترلىگىنىڭ ساندى مالىمەتىندە كورسەتىلۋىنشە، وسى رەتكى قاقتىعىستا يزرايل جاقتان 1400 دەن استام ادام قازا بولعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
