وسى اپتادا سولتۇستىك شينجياڭنىڭ سولتۇستىگىندە جاۋىن – شاشىن ءجيى بولادى تەمپەراتۋرا از مولشەردە وزگەرەدى
2023.10.24 15:48 كەلۋ قاينارى : حالىق تورابى
10 ـ ايدىڭ 23 ـ كۇنى شينجياڭ اۋا رايى ستانسياسى ءبىر اپتالىق ماڭىزدى اۋا رايى ەسكەرتۋىن جاريالادى: مەجەمەن وسى اپتادا سولتۇستىك شينجياڭنىڭ سولتۇستىگىندە جاۋىن ـ شاشىن ءجيى بولادى، باسقا وڭىرلەردە كۇن اشىق بولىپ سوڭىنان بۇلتتايتىن اۋا رايىن نەگىز ەتەدى، سولتۇستىك شينجياڭنىڭ اۋا تەمپەراتۋراسى از مولشەردە وزگەرەدى.
10 - ايدىڭ 25 - كۇنى كۇندىزدەن 26 - كۇنى كۇندىزگە دەيىن، تارباعاتاي ايماعىنىڭ سولتۇستىگى، التاي ايماعىنىڭ باتىسى، ءۇرىمجى قالاسىنىڭ وڭتۇستىك قالا ماڭىنان دابانچىڭ وڭىرىنە دەيىن ، سانجى وبلىسىنىڭ ءىشىنارا وڭىرلەرىندە 4 تە 5 بال قيىس شىعىس جەلى سوعادى، مۇنىڭ ىشىندە تارباعاتاي ايماعىنىڭ سارعۋسىن جانە مايتاس جەل ٴوتى، التاي ايماعىنىڭ نوقاي جەل ٴوتى، ءۇرىمجى قالاسىنىڭ ۇلانباي جانە حۇڭيانچى سياقتى جەل وتتەرىندە جەل كۇشى 8 بال اينالاسىندا بولادى.
10 – ايدىڭ 26 – كۇنى تۇننەن 29 - كۇنىنە دەيىن تارباعاتاي ايماعىنىڭ سولتۇستىگى، التاي ايماعىندا از مولشەردە جاڭبىر نەمەسە قار جاۋدى، ءىشىنارا وڭىرلەردە ورتاشا جانە قالىڭ جاڭبىر نەمەسە قار جاۋدى، تاۋلى وڭىرلەردىڭ ءىشىنارا جەرلەرىندە قالىڭ قار جاۋدى.
جاڭا ءبىر اپتادا، ورتالىق قالا ۇرىمجىدە كۇن اشىق نەمەسە بۇلتتى بولادى، تاڭەرتەڭگى جانە كەشكى تەمپەراتۋرا پارقى ءبىرشاما زور بولادى، قالا تۇرعىندارى كيىمدى ۋاقىتىندا قالىڭ كيىنۋى كەرەك. ءۇرىمجى قالالىق اۋا رايى ستانسياسى جاريالاعان ءبىر اپتالىق الدىن الا مالىمەتتە كورسەتىلۋىنشە، وسى اپتادا ۇرىمجىدە كورنەكتى سۋىق اعىس بولمايدى، مەجەمەن سارسەنبى تۇننەن بەيسەنبى كۇندىزگە دەيىن، قالا رايونىندا شىعىس وڭتۇستىكتەن 4 تە 5 بال مەزەتتىك جەل سوعادى، وڭتۇستىك قالا ماڭىنان ساياپىلعا دەيىن، ۇلانبايدان حۇڭيانچىعا دەيىن، شيشاننان 1 - تامىز بولات - تەمىر زاۆودىنا دەيىنگى جەرلەردە مەزەتتىك جەل كۇشى 7 بالعا جەتەدى. اپتا ىشىندەگى باسقا ۋاقىتتاردا ءارقايسى رايونداردا كۇن اشىق نەمەسە بۇلتتى بولادى، اۋا تەمپەراتۋراسى تۇراقسىز كۇيدە باياۋ ورلەيدى. ورتالىق اۋا رايى ستانسياسىنىڭ اۋا رايى بولجامىندا كورسەتىلۋىنشە، جەكسەنبى كۇنى ۇرىمجىدە جوعارى تەمپەراتۋرا 23 سەلتسي گرادۋسقا شىعادى.
اۋا رايى تاراۋلارى مىنانى ەسكەرتتى: وسى ەكى كۇندە سولتۇستىك شينجياڭنىڭ سولتۇستىگىندە قار جاۋىپ، تەمپەراتۋرا تومەندەيدى، بوران سوعادى، تاۋلى ءوڭىردىڭ ءىشىنارا جەرلەرىندە جاۋىن - شاشىن مول بولادى، جول قاتىناسى، ەگىن، مال شارۋاشىلىق ءوندىرىسى سياقتىلارعا ءتيىمسىز ىقپال جاسايدى، الدىن الا ساقتانىڭىزدار.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
