ساۋ گۋاڭجيڭعا ءبىرىنشى سوت اشىلدى!
2023.10.27 15:02 كەلۋ قاينارى : حالىق تورابى
2023 – جىلى 10 – ايدىڭ 26 – كۇنى، جياڭسۋ ولكەسى شۇيجوۋ قالالىق ورتا دارەجەلى حالىق سوت مەكەمەسى حۋبەي ولكەلىك حالىق ۇكىمەتى پارتيا باسشىلىق گرۋپپاسىنىڭ بۇرىنعى مۇشەسى، ورىنباسار ولكە باستىعى ساۋ گۋاڭجيڭنىڭ پارا الۋ، ىشكى ينفورماتسيانى شاشۋ دەلوسىن ءبىرىنشى سوتتا اشىق قارادى.
شۇيجوۋ قالالىق حالىق پروكۋراتۋراسى بىلاي دەپ ايىپتادى: 2004 - جىلدان 2022 - جىلعا دەيىن ايىپكەر ساۋ گۋاڭجيڭ جۇڭگو چاڭجياڭ ءۇش قىساڭ ينجەنەرياسىن اشۋ باس سەرىكتىگىنىڭ ورىنباسار باس مەڭگەرۋشىسى، جۇڭگو چاڭجياڭ ءۇش قىساڭ توبى سەرىكتىگىنىڭ ورىنباسار باس مەڭگەرۋشىسى، باس القاسى، حۋبەي ولكەلىك حالىق ۇكىمەتىنىڭ ورىنباسار ولكە باستىعى قاتارلى قىزمەتتەردى وتەگەن كەزىندە قىزمەت قولايلىلىعىنان پايدالانىپ، سونداي - اق قىزمەت ۇقىعى نەمەسە ورنى قالىپتاستىرعان قولايلى شارت – جاعدايدان پايدالانىپ قاتىستى ورىندار مەن جەكەلەردىڭ كاسىپورىن تيجاراتى، قۇرىلىستى كوتەرىپ الۋ، نىسان اشۋ، قىزمەتىن ءوسىرۋ سياقتى ىستەرىنە كومەك بەرگەن، جوعارىدا ايتىلعان ورىندار مەن جەكەلەردىڭ بەرگەن مال - مۇلكىن حالىق اقشاسىنا سىندىرعاندا زاڭسىز قابىلداعان مال - مۇلكى جيىنى 216 ميلليون يۋاننان اسقان. بۇدان سىرت، ساۋ گۋاڭجيڭ حۋبەي ولكەسىنىڭ ورىنباسار ولكە باستىعى بولعان كەزدە، حۋبەي ولكەسىندەگى بەلگىلى بازارعا شىققان سەرىكتىكتىڭ جارنا تىزگىندەۋ سەرىكتىگىنىڭ قيىنشىلىق قىسپاعىنان قۇتىلىپ، قايتا قۇرۋ ىستەرىنە جەتەكشىلىك ەتكەن.2021 ـ جىلى 1 ـ ايدا ساۋ گۋاڭجيڭ وسى قيىنشىلىقتى جەڭىپ، قايتا ۇيىمداستىرۋدىڭ ىشكى ينفورماتسياسىن باسقالارعا بەرىپ، باسقالاردىڭ وسى ىشكى ينفورماتسيا جاريا بولۋدان بۇرىن وسى بازارعا شىعارىلعان سەرىكتىكتىڭ جارنا بەلەتىن ساتىپ الۋىنا، كەيىن جارنا بەلەتىن ساتىپ، 10 ميلليون 420 مىڭ يۋاننان استام پايدا تابۋىنا سەبەپشى بولعان. الەۋمەتتىك ايىپتاۋ ورگانى پارا الۋ قىلمىسى، ىشكى ينفورماتسيانى شاشۋ قىلمىسى بويىنشا ساۋ گۋاڭجيڭنىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتتى.
سوتتا الەۋمەتتىك ايىپتاۋ ورگانى قاتىستى دالەل - ىسپاتتاردى كورسەتتى، ايىپكەر ساۋ گۋاڭجيڭ مەن ونىڭ اقتاۋشىسى فاكت كورسەتتى، ايىپتاۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتتى، ساۋ گۋاڭجيڭ سوڭعى ءسوزىن سويلەدى ءارى سوت ۇستىندە قىلمىسىن تانىپ، رايىنان قايتقاندىعىن ءبىلدىردى. ەڭ سوڭىندا سوت ءوزىلىس جاساعانىن، ۇكىمدى ارتىنان جاريالايتىندىعىن ايتتى.
مەملەكەتتىك حالىق قۇرىلتايىنىڭ ۋاكىلدەرىنەن، ساياسي كەڭەس مۇشەلەرىنەن جانە قوعامنىڭ ءار سالاسىنداعى بۇقارادان 40 تان استام ادام سوت تەرگەۋىن سىرتتاي تىڭدادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
