زەينەتكە شىعۋ جاسىنان اسقان شارۋا جۇمىسكەر جۇمىستان قايتقان جولدا جارالانىپ، سوت مەكەمەسى جۇمىس ۇستىندە جارالانعان دەپ قاراعان
2023.10.26 14:10 كەلۋ قاينارى : حالىق تورابى
جۇمىسشىلار گازەتىنىڭ ءتىلشىسى چىن داندان حابارلايدى. جۋىردا بەيجيڭ قالاسى پيڭگۋ رايوندىق حالىق سوتى ادام ىستەتۋشى ورىن ادام كۇشى بايلىعى جانە قوعامدىق قامتاماسىزداندىرۋ مەكەمەسى شىعارعان ”زاڭدا بەلگىلەنگەن زەينەتكە شىعۋ جاسىنان اسقان ەڭبەكشىنى جۇمىس ۇستىندە جارالانعان دەپ كەسىم جاساۋ“ سىندى ۇيعارىمعا مويىنسال بولماعاندىقتان ارىزدانعان دەلو جونىندە تەرگەۋ جۇرگىزىپ، ارىزعا تويتارىس بەرىپ، اسىلگى ۇكىمدى ساقتاپ قالعان.
1971 - جىلى تۋعان سۇن X اۋىل شارۋاشىلىعى نوپوسىندا، زەينەتكە شىعۋ رەسميەتىن بىتىرمەگەن، زەينەتكەرلىك قاراجاتىن الماعان. 2013 - جىلى سۇن X بەلگىلى باستاۋىش مەكتەپكە قىزمەتكە قابىلدانىپ، تۇرمىس مۇعالىمى مىندەتىن اتقارعان، قىزمەتتى تۇنگى كەزەك بويىنشا ىستەگەن.
2022 - جىلى 1 - ايدىڭ 10 - كۇنى ساعات 8 دەن 37 مينۋت وتكەندە، سۇن X جۇمىستان قايتقان جولىندا قاتىناس شىرعالاڭىنا ۇشىراپ، تاڭ X پەن سوعىلىسىپ قالعان، قاتىناس ساقشىسى بارلىق جاۋاپكەرشىلىكتى تاڭ X ارقالايدى، سۇن X جاۋاپكەرشىلىك ارقالامايدى دەپ ۇكىم شىعارعان. وسىدان سوڭ، ادام كۇشى بايلىعى جانە قوعامدىق قامتاماسىزداندىرۋ مەكەمەسى سۇن X تىڭ جارالانۋى جۇمىس ۇستىندە جارالانۋعا جاتادى دەپ قاراعان. اتالعان باستاۋىش مەكتەپ ونىڭ جارالانۋىن جۇمىس ۇستىندە جارالانۋ دەپ قاراعان ۇكىمگە موينسال بولماي، سوت مەكەمەسىنە ارىزدانعان.
سوت مەكەمەسى تەرگەۋ جۇرگىزۋ ارقىلى بىلاي دەپ قاراعان: قاتىستى بەلگىلەمەلەرگە نەگىزدەلگەندە، ادام ىستەتۋشى ورىن زاڭدا بەلگىلەنگەن زەينەتكە شىعۋ جاسىنان اسىپ كەتكەن شارۋا جۇمىسكەردى قىزمەتكە قابىلداسا، ول قىزمەت ۋاقىتىندا قىزمەت سەبەبىنەن جارالانسا، «جۇمىس ۇستىندە جارالانۋدان قامسىزداندىرۋ ەرەجەسىندەگى» قاتىستى بەلگىلەمەلەردى ۇيلەسىمدى قولدانىپ، جۇمىس ۇستىندە جارالانعان دەپ قاراۋ كەرەك. زاڭدا بەلگىلەنگەن زەينەتكە شىعۋ جاسىنا جەتكەن نەمەسە اسقان، زەينەتكە شىعۋ رەسميەتىن بىتىرمەگەن نەمەسە قالا - قالاشىقتاعى جۇمىسشى - قىزمەتكەرلەردىڭ نەگىزدىك زەينەتكەرلىك قامسىزداندىرۋىنان يگىلىكتەنبەگەن بولسا، اسىلگى ادام ىستەتۋشى ورىنداعى قىزمەت ۋاقىتىندا شىرعالاڭعا ۇشىراپ زياندالسا نەمەسە كاسىپتىك اۋرۋعا شالدىقسا، ادام ىستەتۋشى ورىن زاڭ بويىنشا جۇمىس ۇستىندە جارالانۋدان قامسىزداندىرۋ جاۋاپكەرشىلىگىن ارقالاۋى كەرەك.
سوت مەكەمەسى بىلاي دەپ قاراعان: وسى دەلوداعى سۇن X شارۋا جۇمىسكەر، ءىس تۋىلعان كەزدە زاڭدا بەلگىلەنگەن زەينەتكە شىعۋ جاسىنان اسىپ كەتكەن، الايدا زەينەتكە شىعۋ رەسميەتىن بىتىرمەگەن، قالا - قالاشىقتاعى جۇمىسشى - قىزمەتكەرلەردىڭ نەگىزدىك زەينەتكەرلىك قامسىزداندىرۋىنان زاڭ بويىنشا يگىلىكتەنبەگەن، زەينەتكە شىعۋ جاسىنا جەتكەن سوڭ دا بەلگىلى باستاۋىش مەكتەپتە قىزمەت ىستەگەن، سۇن X تىڭ ءىس تۋىلعان كۇنى جۇرگەن جولى، ءىس تۋىلعان ۋاقىت، باستاۋىش مەكتەپتىڭ قىستىق دەمالىسقا تاراتۋ جونىندەگى ۇقتىرۋى قاتارلى ىسپاتتارعا نەگىزدەلىپ، سۇن X تىڭ قىزمەت ۋاقىتىندا قىزمەتتەن تۇسكەن جولدا قاتىناس شىرعالاڭىنا ۇشىراعانىن تۇراقتاندىرۋعا بولادى، ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ كەسىمى دۇرىس بولعان. ەڭ سوڭىندا، سوت مەكەمەسى دەلوعا قاتىستى باستاۋىش مەكتەپتىڭ ارىزىنداعى بارلىق تالاپتارىنا تويتارىس جاسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
