بيىكتەن زات لاقتىرىپ، باسقالاردىڭ اۆتوموبيلىن ءبۇلدىردى
شينجياڭنىڭ شونجى اۋدانىندا بيىكتەن زات لاقتىرعان ايىپكەر جازالاندى
2023.10.25 13:06 كەلۋ قاينارى : حالىق تورابى
حالىق سوتى گازەتىنىڭ ءتىلشىسى ۋاڭ شۋلين، ەرىكتى ءتىلشىسى جاڭ شۇي، ۋاڭ مىڭ حابارلايدى. جۋىردا شينجياڭ ۇيعۇر اۆتونوميالى رايونى شونجى اۋداندىق حالىق سوتى مەكەمەسى بيىكتەن زات لاقتىرۋ دەلوسى جونىندە تەرگەۋ جۇرگىزدى، بيىكتەن زات لاقتىرۋ قىلمىسى بويىنشا لي X تى مەرزىمدى قاماق جازاسىنا ۇكىم ەتتى ءارى وعان اقشالاي ايىپ سالدى.
2022 - جىلى 9 - ايدىڭ 11 - كۇنى ساعات نولدە، ايىپكەر لي X وتباسىنداعى ۇساق - تۇيەك ىستەرگە بولا اراق ءىشىپ، وتباسىندا ايەلىمەن جاڭجالداسقان سوڭ، اس ءۇيىنىڭ اينەك ەسىگى، ءتۇتىن سورعىش قاتارلى زاتتاردى بۇلدىرگەن ءارى ءبىر توك قازان، فارفور ىدىس - اياقتار، ءمارمار كەسەكتەر قاتارلى زاتتاردى اس ءۇيدىڭ تەرەزەسىنەن سىرتقا قاراي لاقتىرعان، بۇل زاتتار عيماراتتىڭ تۇبىندەگى كولىك توقتاتۋ ورنىنداعى دالالىق تيپتەگى اۆتوموبيلگە ءتيىپ، اۆتوموبيلدىڭ سول جاعىنداعى ارتقى جاقتى كورۋ اينەگى، سول جاق الدىڭعى ەسىگى، سول جاق الدىڭعى ۇلكەن شىراعىنىڭ قاپتاماسى، سول جاق قاناتشا تاقتاسى، الدىڭعى اينەگى قاتارلى بولىمدەرىن بۇلدىرگەن. تەكسەرۋ ارقىلى بۇلىنگەن اۆتوموبيل بولشەكتەرىنىڭ قۇنى 7850 يۋان ەكەنى تۇراقتاندىرىلعان. لي X تەكسەرۋگە الىنعان سوڭ جاعدايدى شىنايى بايانداپ، قىلمىسىن مويىنداپ، جازاعا موينسال بولعان، زياندالۋشىنىڭ ەكونوميكالىق زيانىن ىرىقتىلىقپەن تولەپ بەرگەن ءارى ونىڭ كەشىرىمىنە يە بولعان.
تەرگەۋدان سوڭ، سوت مەكەمەسى بيىكتەن زات لاقتىرۋ قىلمىسى بويىنشا لي X تى التى ايلىق مەرزىمدى قاماق جازاسىنا ۇكىم ەتىپ، جازانى ءبىر جىل كەشەۋىلدەتىپ اتقاراتىن بولعان ءارى وعان 3000 يۋان اقشالاي ايىپ سالعان.
سۋديانىڭ زاڭدى ءتۇسىندىرۋى
«جۇڭحۋا حالىق رەسپۋبليكاسىنىڭ قىلمىستىق ىستەر زاڭىنىڭ» 291 - تارماعىنىڭ 2 - تارماقشاسىندا بىلاي بەلگىلەنگەن: عيماراتتان نەمەسە باسقا بيىك جەردەن زات لاقتىرسا، ماسەلەسى اۋىر بولعان جاعدايدا ءبىر جىلدان تومەن مەرزىمدى قاماق جازاسىنا ۇكىم ەتۋ، قولدا ۇستاپ تۇرۋ نەمەسە باسقارۋعا الۋ جازاسى بەرىلەدى، جازاعا قوسا نەمەسە ايىرىم تۇردە اقشالاي ايىپ سالىنادى. بۇرىن وسىنداي ارەكەت وتكىزگەن بولسا، سونىمەن بىرگە، باسقا قىلمىس قالىپتاستىرعان بولسا، جازا ءبىرشاما اۋىر بەرىلەتىن بەلگىلەمە بويىنشا قىلمىسىن تۇراقتاندىرىپ جازا بەرىلەدى.
بيىكتەن زات لاقتىرۋ ارەكەتى جەڭىل بولعاندا جۇرگىنشىلەردى شوشىتىپ، مال - مۇلىكتى زياندايدى، اۋىر بولعان باسقالاردىڭ ومىرىنە حاۋىپ توندىرەدى، مۇنداي ارەكەتتى باتىل تيۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
