شينحۋا اگەنتتىگىنىڭ سەنىمدى جەدەل حابارى: وتانشىلدىق جونىندەگى ءتالىم - تاربيە زاڭى ماقۇلداۋدان وتكىزىلدى، جاڭا جىلدان باستاپ اتقارىلادى
2023.10.25 13:08 كەلۋ قاينارى : حالىق تورابى
14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 6 - ءماجىلىسى 10 - ايدىڭ 24 - كۇنى «جۇڭحۋا حالىق رەسپۋبليكاسىنىڭ وتانشىلدىق جونىندەگى ءتالىم - تاربيە زاڭىن» ماقۇلداۋدان وتكىزدى، 2024 - جىلى 1 - ايدىڭ 1 - كۇنىنەن باستاپ اتقارىلادى. وتانشىلدىق جونىندەگى ءتالىم - تاربيەنى كۇشەيتىپ، وتانشىلدىق رۋحقا مۇراگەرلىك ەتۋدى جانە ونى ساۋلەلەندىرۋدى ماقسات ەتكەن بۇل زاڭ جيىنى 5 تاراۋدان 40 تارماقتان قۇرالادى، جالپى ەرەجە، قىزمەت جاۋاپكەرشىلىگى مەن مىندەتى، اتقارىلاتىن شارالار، قولداۋ جانە كەپىلدىك ەتۋ، قوسىمشا ەرەجە قاتارلى مازمۇندار قامتىلادى.
وتانشىلدىق جونىندەگى ءتالىم - تاربيە زاڭىندا وتانشىلدىق جونىندەگى ءتالىم - تاربيەنىڭ باستى مازمۇنى بەلگىلەنگەن، يدەولوگيا جانە ساياسي، تاريح پەن مادەنيەت، مەملەكەتتىڭ نىشاندىق بەلگىلەرى، وتاننىڭ ايبىندى تاۋ - وزەنى مەن تاريحي، مادەني مۇرالارى، نەگىزگى زاڭ جانە زاڭدار، مەملەكەتتىڭ تۇتاستىعى جانە ۇلتتار ىنتىماعى، مەملەكەت حاۋىپسىزدىگى جانە مەملەكەت قورعانىسى، قاھارماندار مەن قۇربانداردىڭ، وزاتتاردىڭ ىزگى ىستەرى قاتارلى جاقتاردى قامتيدى. بارلىق ازاماتتارعا باعىتتاي وتىرىپ، وتانشىلدىق جونىندە ءتالىم - تاربيە جۇرگىزۋمەن بىرگە، مەكتەپ پەن وتباسىنىڭ جاستاردى، ورەندەردى جانە بالالاردى تاربيەلەۋىن كورنەكتىلەندىرۋ ءارى ۇكىمەت قىزمەتكەرلەرى، كاسىپورىندار مەن ءىسورىندارىنىڭ جۇمىسشى - قىزمەتكەرلەرى، قىستاق تۇرعىندارى، شياڭگاڭدىق، اۋمىندىق، تايۋاندىق باۋىرلاستار مەن شەتەلدەگى چياۋباۋلار قاتارلى توپتارعا وتانشىلدىق جونىندە ءتالىم - تاربيە جۇرگىزۋ تۋرالى جەكە - جەكە سايكەستى بەلگىلەمەلەر ورتاعا قويىلعان.
وتانشىلدىق جونىندەگى ءتالىم - تاربيە زاڭىن بەلگىلەۋ جاڭا داۋىردەگى وتانشىلدىق جونىندەگى ءتالىم - تاربيەنى زاڭمەن جونگە سالۋ فورماسى ارقىلى ىلگەرىلەتۋدە جانە ونى قامتاماسىزداندىرۋدا، ۇلت رۋحىن سەرپىلتىپ، حالىقتىڭ كۇش - قۋاتىن جۇمىلدىرۋعا، قۇدىرەتتى مەملەكەت قۇرىلسىن، ۇلتتى گۇلدەندىرۋدى ىلگەرىلەتۋدە توتەنشە ماڭىزدى ءارى تەرەڭ ءمان الادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
