قۇلجا اۋەجايىن كوشىرىپ سالۋ نىسانىنىڭ الدىڭعى مەرزىمدىك قىزمەتى جەدەل ىلگەرىلەتىلدى
2023.10.27 15:09 كەلۋ قاينارى : حالىق تورابى
10 – ايدىڭ 23 – كۇنىنەن 24 - كۇنىنە دەيىن جۇڭگو حالىقتىق اۆياتسيا مەكەمەسى قۇلجا اۋەجايىن كوشىرىپ سالۋ نىسانىنىڭ ورنىن تاڭداۋ جونىندەگى باعالاۋ ءماجىلىسىن اشتى، بۇل قۇلجا اۋەجايىن كوشىرىپ سالۋ نىسانىنىڭ العا قاراي ماڭىزدى قادام تاستاعاندىعىنىڭ بەلگىسى.
قۇلجا اۋەجايى 1936 - جىلى سالىنعان، قۇلجا قالاسىنىڭ شىعىس سولتۇستىگىنە ورنالاسقان، يەلەگەن جەر كولەمى شامامەن 299 گەكتار، ۇشۋ اۋماعىنىڭ دارەجەسى 4C، اۋەجاي سىرعىما جولىنىڭ ۇزىندىعى 2400 مەتر، شينجياڭ كولەمىندە ەڭ ەرتە سالىنعان اۋەجايلاردىڭ ءبىرى.
سونىمەن بىرگە، قۇلجا اۋەجايى مەملەكەتتىك ءبىرىنشى دارەجەلى وتكەل، قۇلجا قالاسىنىڭ ورتالىعىنان شامامەن 3 كيلومەتر قاشىقتىقتا، بۇكىل ەل بويىنشا قالاعا ەڭ جاقىن اۋەجاي، تيپتىك قالا ىشىندەگى اۋەجايعا جاتادى، قالانىڭ دامۋىمەن بولعان قايشىلىق كۇن سايىن كورنەكتىلەنەدى، ونىڭ ۇستىنە ءبىرشاما زور اۆياتسيا اينالىمى حاۋىپسىزدىك حاۋىپ – قاتەرى، كومەسكى قاتەرى ءومىر ءسۇرىپ وتىر.
قۇلجا اۋەجايى كوشىرىپ سالىنعاننان كەيىن، قالانىڭ دامۋىمەن بولعان قايشىلىق پەن اينالىم ورتاسىن ءونىمدى تۇردە جاقسارتىپ، ”ءبىر بەلدەۋ، ءبىر جول“ ماڭىزدى تۇيىندەگى اۋەجايىنا، حالىقارالىق اۆياتسيا وتكەلى اۋەجايىنا اينالىپ، وڭىرلىك جوعارى ساپالى دامۋعا جانە جوعارى دەڭگەيدە ەسىك اشۋعا تىرەك بولاتىن ماڭىزدى تەكشەگە اينالادى، جىبەك جولى ەكونوميكالىق بەلدەۋى وزەكتى رايونى قۇرىلىسىن جەدەلدەتۋدە، شينجياڭ ەكونوميكاسىنىڭ جوعارى ساپالى دامۋىن جەبەۋدە توتەنشە ماڭىزدى رەال مانگە يە.
بيىل 9 – ايدا قۇلجا اۋەجايىن كوشىرىپ سالۋ نىسانى «”14 – بەسجىلدىق“ حالىقتىق تاسىمال اۋەجايى قۇرىلىسى ارناۋلى جوباسىنىڭ ورتا مەرزىمدىك رەتتەۋ جوباسىنا» رەسمي ەنگىزىلدى. جۇڭگو حالىقتىق اۆياتسيا مەكەمەسى شينجياڭنىڭ ورىن تاڭداۋ جونىندەگى ءوتىنىشىن تاپسىرىپ العاننان كەيىن ءبىر اپتا ىشىندە ماماندار ۇيىمداستىرىپ باعالاۋ ءماجىلىسىن اشىپ، نىساننىڭ الدىڭعى مەرزىمدىك قىزمەتىندە كەزەڭدىك ىلگەرىلەۋشىلىككە قول جەتكىزۋدى ىلگەرىلەتتى.
كەلەسى قادامدا شينجياڭ ۇيعۇرۇ اۆتونوميالى رايوندىق دامۋ جانە رەفورما كوميتەتى نىساننىڭ الدىڭعى مەرزىمدىك قىزمەتتەرىن ساتىلار بويىنشا ىلگەرىلەتەدى، سونىمەن بىرگە مەملەكەتتىك دامۋ جانە رەفورما كوميتەتى، جۇڭگو حالىقتىق اۆياتسيا مەكەمەسى سياقتى تاراۋلارمەن ۇشتاسۋ تەبىنىن كۇشەيتىپ، نىسانداردىڭ ەرتەرەك جۇمىس باستاۋىن، قۇرىلىس جۇرگىزۋىن جەدەل ىلگەرىلەتىپ، ونىمدىلىگىن ساۋلەلەندىرەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
