شينجياڭ اۋا رايى ستانسياسى نوسەردەن ساقتانۋدىڭ كوك ءتۇستى ساقتىق سيگنالىن تاراتتى
ٴىشىنارا جەرلەردە قالىڭ قار جاۋادى جاڭادان جاۋعان قاردىڭ قالىڭدىعى 20 سانتيمەتردەن اسادى
2023.10.30 16:19 كەلۋ قاينارى : حالىق تورابى
شينجياڭ اۋا رايى ستانسياسى 2023 ـ جىلى 10 ـ ايدىڭ 29 ـ كۇنى ساعات 9 دان 29 مينۋت وتكەندە نوسەردەن ساقتانۋدىڭ كوك ءتۇستى ساقتىق سيگنالىن جاريالادى: مەجەمەن 9 – ايدىڭ 29 – كۇنى كۇندىزدەن 10 – ايدىڭ 31 – كۇنى تۇنگە دەيىن تارباعاتاي ايماعىنىڭ سولتۇستىك بولەگى، التاي ايماعى قاتارلى جەرلەردىڭ ءىشىنارا وڭىرلەرىندە نوسەر جاۋىپ، تەڭىز دەڭگەيىنەن 1600 مەتردەن جوعارى تاۋلى وڭىرلەردە جاڭبىر سوڭى قارعا اينالادى نەمەسە قار جاۋادى، جاۋىن ـ شاشىن مولشەرى 30 ~ 60 ميلليمەترگە جەتەدى؛ تاۋلى وڭىرلەردىڭ ءىشىنارا جەرلەرىندە تاۋ تاسقىنى جانە لاي تاسقىنى، تاۋ كوشكىنى سياقتى گەولوگيالىق اپاتتاردىڭ تۋىلۋ اۋا رايى حاۋىپ - قاتەر دارەجەسى ءبىرشاما جوعارى، جول بەتى تايعاق بولعاندىقتان ساقتىقتى كۇشەيتۋ كەرەك.
10 – ايدىڭ 29 – كۇنىنەن 30 – كۇنىنە دەيىن ەلىمىزدە جاۋىن – شاشىن وڭتۇستىك جۇڭگوعا جانە شينجياڭ، شيزاڭ قاتارلى جەرلەرگە شوعىرلانادى، مۇنىڭ ىشىندە شينجياڭنىڭ ءىشىنارا جەرلەرىندە قالىڭ قار جاۋادى، جاڭادان جاۋعان قاردىڭ قالىڭدىعى 20 سانتيمەتردەن اسادى. مەجەمەن وسى رەتكى قار، جاڭبىر، قىراۋ ۇسىگى، بوران قاتارلى اۋا رايى سولتۇستىك شينجياڭ مەن قۇمىل قالاسىنىڭ ءىشىنارا وڭىرلەرىندەگى ماقتا جانە جۇگەرىنى جيناۋ، كەپتىرۋ، دۇمبە ءبيداي ەگۋ، قۇرىلعىلى اۋىل شارۋاشىلىعى، مال جايىلىسى، سونداي ـ اق مال شارۋاشىلىعىنىڭ كوشى ـ قۇنىنا ءتيىمسىز ىقپال جاسايدى، جەرگىلىكتى ورىن ساقتانۋعا كوڭىل ءبولۋى كەرەك.
وسىدان كەيىن تارباعاتاي ايماقتىق اۋا رايى ستانسياسى، التاي ايماقتىق اۋا رايى ستانسياسى جەكە - جەكە قالىڭ قاردان ساقتانۋدىڭ كوك ءتۇستى ساقتىق سيگنالىن، قالىڭ قاردان ساقتانۋدىڭ سارى ءتۇستى ساقتىق سيگنالىن جاريالادى.
تارباعاتاي ايماقتىق اۋا رايى ستانسياسى 2023 - جىلى 10 - ايدىڭ 29 - كۇنى ساعات 11 دەن 12 مينۋت وتكەندە قالىڭ قاردان ساقتانۋدىڭ كوك ءتۇستى ساقتىق سيگنالىن جاريالادى: مەجەمەن بۇگىن كۇندىزدەن ەرتەڭ كۇندىزگە دەيىن شاۋەشەك (قۇلىستاي) ويپاتىنىڭ توڭىرەگىندەگى تارباعاتاي تاۋى، بارلىق تاۋى وڭىرلەرىندە قالىڭ قار جاۋادى، ءتۇرلى ساقتانۋ قىزمەتتەرىن كۇنى بۇرىن ويداعىداي ىستەۋگە تۋرا كەلەدى.
التاي ايماقتىق اۋا رايى ستانسياسى 2023 – جىلى 10 – ايدىڭ 29 – كۇنى ساعات 11 دەن 47 مينۋت وتكەندە قالىڭ قاردان ساقتانۋدىڭ سارى ءتۇستى ساقتىق سيگنالىن جاريالادى: مەجەمەن 10 – ايدىڭ 29 – كۇنى تۇستەن 11 – ايدىڭ 1 – كۇنى كۇندىزگە دەيىن قابا اۋدانىنىڭ داسازى، تەرەكتى اۋىلىنان نارىن جايلاۋىنا دەيىنگى ءبىرىنشى شەپ، بۋىرشىن اۋدانى قاناس، قوم كورىنىس رايونى، جەكپۋلين قار شاڭعى الاڭى، التاي قالاسىنىڭ تورعايتى، ەكاشا، جىڭىشكە قىران، ۋشىلىك، بۋرىلتوعاي اۋدانىنىڭ جايلاۋى، قىزىلتاۋ اۋىزى شەكاراسى، كوكتوعاي اۋدانىنىڭ اقسالا جايلاۋى، سايقىنبۇلاق جايلاۋى، جىڭگە جايلاۋى، كوكتوعاي حالىقارالىق قار شاڭعى الاڭى، شىڭگىل اۋدانىنىڭ ۇشكول جايلاۋى، ۇلكەن - كىشى شىڭگىل قاتارلى جەرلەردە قالىڭ قار جاۋدى. ساقتىقتى كۇشەيتۋگە نازار اۋدارىڭىزدار.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
