ساق بولىڭىزدار! اۆتوموبيلدى زاڭعا قايشى توقتاتقاندا جاپسىرىلاتىن ۇقتىرۋ قاعازدىڭ ەكى ولشەمدى كود ارقىلى اقى تولەۋگە بولاتىن نۇسقاسى شىققانى جالعان
2023.10.30 14:40 كەلۋ قاينارى : حالىق تورابى
جۋىردا حىبەي ولكەسى شىجياجۋاڭ قالالىق قاتىناستى باسقارۋ مەكەمەسىنىڭ جۇرتشىلىق اڭىسى ورتالىعى قالا تۇرعىندارىنىڭ لەبىزىن تاپسىرىپ الادى، ايتۋعا قاراعاندا، ولار اۆتوموبيلدى زاڭعا قايشى توقتاتقاندا جاپسىرىلاتىن ۇقتىرۋ قاعازدىڭ ەكى ولشەمدى كود ارقىلى اقى تولەۋگە بولاتىن نۇسقاسىن تاپسىرىپ الىپ، جالعان بولار دەپ كۇماندانعان.
وسى جونىندە شىجياجۋاڭ قاتىناس ساقشى مەكەمەسى بارشا اۆتوموبيل يەلەرىنە ەسكەرتۋ جاريالادى، اۆتوموبيلدى زاڭعا قايشى توقتاتقاندا جاپسىرىلاتىن ۇقتىرۋ قاعازدىڭ ەكى ولشەمدى كود ارقىلى اقى تولەۋگە بولاتىن نۇسقاسى شىققانى تۇگەلدەي جالعان. سونىمەن بىرگە، مۇنداي جالعان ۇقتىرۋ قاعازدى تاپسىرىپ الساڭىز، دەرەۋ ساقشىعا مالىمدەڭىز!
ەگەر اۆتوموبيل يەلەرى وسىنداي جالعان ۇقتىرۋ قاعازدى تاپسىرىپ السا، ەكى ولشەمدى كودتى، مۇلدە، جايمالاۋعا بولمايدى. الدىمەن ”قاتىناس باسقارۋ 12123“ تەكشەسىنە شىعىپ تەكسەرىپ، ايىپ تالونى بار - جوعىن انىقتاۋ كەرەك، شىنىمەن دە ايىپ تالونى بار بولسا، ”قاتىناس باسقارۋ 12123“ تەكشەسى ارقىلى نەمەسە قاتىناس باسقارۋ ۇلكەن اترەتىنىڭ زاڭعا قايشى ىستەردى ءبىر جاقتى ەتۋ تەرەزەسى ارقىلى بىتىرۋگە بولادى. اۆتوموبيلدى زاڭعا قايشى توقتاتقاندا جاپسىرىلاتىن ۇقتىرۋ قاعازدىڭ جالعان نۇسقاسى شىن نۇسقاسىنا قاتتى ۇقساعانىمەن، ونىڭ شيكىلىگى كوپ:
بىرىنشىدەن، قوعام حاۋىپسىزدىگى ورگاندارى شىعارعان «اۆتوموبيلدى زاڭعا قايشى توقتاتقاندا بەرىلەتىن ۇقتىرۋ قاعازعا» ەشقانداي فورماداعى ەكى ولشەمدى كود باسىلماعان نەمەسە قاتىستى ادامنان اقشا جوتكەۋدى تالاپ ەتەتىن جاعداي جوق.
ەكىنشىدەن، «اۆتوموبيلدى زاڭعا قايشى توقتاتقاندا بەرىلەتىن ۇقتىرۋ قاعازدىڭ» رەسمي نۇسقاسىندا، باستىسى، اۆتوموبيلدى زاڭعا قايشى توقتاتۋ ارەكەتىنىڭ ۋاقىتى، ورنى، زاڭعا قايشى توقتاتىلعان اۆتوموبيلدىڭ جاعدايى، زاڭعا قايشى ارەكەت ەستەلىككە الىنىپ، ىسكە قاتىستى ادامعا زاڭعا قايشى اۆتوموبيل توقتاتقانىن ۇقتىرۋعا قولدانىلادى. «اۆتوموبيلدى زاڭعا قايشى توقتاتقاندا بەرىلەتىن ۇقتىرۋ قاعازدىڭ» جالعان نۇسقاسى ىسكە قاتىستى ادامدى اقشا جولداۋعا الداۋ ماقساتىندا قولدانىلاتىندىقتان، وعان جازالاۋ شاراسى قاتارلى مازمۇندار قوسىلادى.
سوندىقتان، قاتىناسقا ساياتىن زاڭعا قايشى ارەكەت جونىندە ءارقانداي فورماداعى ۇقتىرۋدى تاپسىرىپ العان كەزدە، الدىمەن سالىستىرىپ تەكسەرىپ كورىپ، ونان سوڭ ءبىر جاقتى ەتكەن ءجون. سالىستىرىپ تەكسەرۋ ءادىسى ەكى ءتۇرلى:
1. ”قاتىناس باسقارۋ 12123“ قولفون App دەتالى ارقىلى تەكسەرۋ؛
2. سول ماڭداعى قاتىناس ساقشى ۇلكەن اترەتىنىڭ زاڭعا قايشى ارەكەتتەردى ءبىر جاقتى ەتۋ تەرەزەسىنە بارىپ سالىستىرىپ تەكسەرۋ.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
