ەڭ جوعارى حالىق پروكۋراتۋراسى: ازامات جاسىنا تولماعاندارعا ينتەرنەت ارقىلى زيان جەتكىزەتىن قىلمىستىق ارەكەتتەرگە مۇلدە جول بەرمەۋ كەرەك
2023.10.30 14:42 كەلۋ قاينارى : حالىق تورابى
حالىق تورابىنىڭ 10 - ايدىڭ 29 - كۇنى بەيجيڭنەن بەرگەن حابارى (گاۋ چيڭياڭ) مەملەكەتتىك كەڭەس اقپارات كەڭسەسى جۋىردا اشقان مەملەكەتتىك كەڭەستىڭ «ازامات جاسىنا تولماعانداردى ينتەرنەتتە قورعاۋ ەرەجەسىنە» قاتىستى كەزەكتى ساياساتتى قۇلاق قاعىس ەتۋ ماجىلىسىنەن ۇعىسۋعا قاراعاندا، ەڭ جوعارى حالىق پروكۋراتۋراسى 9 - پروكۋراتۋرا مەكەمەسىنىڭ باستىعى شيان جيە مىنانى بىلدىرگەن: پروكۋراتۋرا ورگاندارى ازامات جاسىنا تولماعاندارعا ينتەرنەت ارقىلى زيان جەتكىزەتىن قىلمىستارعا ”مۇلدە جول بەرمەۋ“ پوزيتسياسىن ۇستانىپ، زاڭعا قايشى قىلمىستىق ارەكەتتەرگە زاڭ بويىنشا باتىل سوققى بەرەدى.
ۇعىسۋعا قاراعاندا، 2020 - جىلى 1 - ايدان بيىل 9 - ايعا دەيىن، پروكۋراتۋرا ورگاندارى ەرەسەكتەردىڭ تەلەكوم مەن ينتەرنەتتەن پايدالانىپ ازامات جاسىنا تولماعاندارعا زيان جەتكىزۋىنە ساياتىن قىلمىستار بويىنشا 11 مىڭ 600 ادامنىڭ ۇستىنەن شاعىم ايتقان. ينتەرنەتتە سويلەسۋ ارقىلى قىز بالالاردى ءوزىنىڭ جالاڭاش سۋرەتىن تارتۋعا ماجبۇرلەۋ قاتارلى ماسەلەلەرگە باعىتتاي وتىرىپ، ەڭ جوعارى حالىق پركۋراتۋراسى جەتەكشى سيپاتتى دەلولاردى جاريالاپ، ”دەنەگە جاقىنداماي ادەپسىزدىك ىستەۋ ارەكەتى قاتارلىلاردى ينتەرنەتتەن تىس قىلمىستارمەن بىردەي قاراۋ“ سىندى ۇستەمە ارىز بەرۋ پرينسيپىن تۇراقتاندىردى، قازىرگە دەيىن جيىنى 3000 نان استام ادامنىڭ ۇستىنەن ۇستەمە ارىز بەردى.
سونىمەن بىرگە، پروكۋراتۋرا ورگاندارى ينتەرنەت ارقىلى زيانداۋعا ۇشىراعان ازامات جاسىنا تولماعاندار جونىندە كوپ نەگىزدى، جان - جاقتى قۇتقارۋ - كومەكتەسۋ قىزمەتىن ورىستەتىپ، ازاماتتىق ۇقىق - مۇددەسى ينتەرنەت ارقىلى زيانداۋعا ۇشىراعان ازامات جاسىنا تولماعانداردىڭ شاعىمدانۋىنا زاڭ بويىنشا قولداۋ كورسەتىپ، بەلگىلى ەمەس كوپ ساندى ازامات جاسىنا تولماعانداردىڭ ينتەرنەتتەگى ۇقىق - مۇددەسىنە زيان جەتكىزۋگە بايلانىستى الەۋمەتتىك يگىلىك سيپاتىندا شاعىم ايتتى. ءۇش جىلدان بەرى، پروكۋراتۋرا ورگاندارى ازامات جاسىنا تولماعانداردىڭ ۇقىق - مۇددەسىنە جانە جەكەلىك ينفورماتسياسىنا ساياتىن دەلولاردان 524 دەلو جونىندە الەۋمەتتىك يگىلىك سيپاتتى شاعىم ايتقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
