شينجياڭ ۇيعۇر اۆتونوميالى رايونىنىڭ جەرگىلىكتى زاڭ ەرەجە شىعارۋ قىزمەتى ءماجىلىسى اشىلدى
جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ زاڭمەن باسقارۋ نەگىزىن بەكەمدەۋ كەرەك
2023.10.30 16:17 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاڭ لەي 10 - ايدىڭ 28 - كۇنى ۇرىمجىدەن حابارلايدى. 10 - ايدىڭ 27 - كۇنى اۆتونوميالى رايوننىڭ جەرگىلىكتى زاڭ ەرەجە شىعارۋ قىزمەتى ءماجىلىسى ۇرىمجىدە اشىلدى. ءماجىلىس شي جينپيڭ جاڭا ءداۋىر جۇڭگوشا سوتسياليزم يدەياسىن، اسىرەسە، شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ اۆتونوميالى رايون مەن بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن دايەكتىلەندىرىپ، تياناقتاندىرىپ، مەملەكەتتىك حالىق قۇرىلتايى تۇراقتى كوميتەتى زاڭ شىعارۋ قىزمەتى ءماجىلىسىنىڭ جانە مەملەكەتتىك جەرگىلىكتى زاڭ ەرەجە شىعارۋ قىزمەتى اڭگىمە ءماجىلىسىنىڭ رۋحىن دايەكتىلەندىرىپ، تياناقتاندىرىپ، اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ زاڭ ەرەجە شىعارۋ جوباسىن دايەكتىلەندىرۋ، تياناقتاندىرۋ قىزمەتىن اقىلداسىپ ورنالاستىردى، بۇكىل رايونىمىزدىڭ جەرگىلىكتى زاڭ ەرەجە شىعارۋ قىزمەتىنىڭ تاجىريبەلەرىن قورىتىندىلادى، پىكىر اۋىستىردى، ورنىقتىلىق بارىسىندا ىلگەرىلەپ، جاڭا داۋىردەگى اۆتونوميالى رايوننىڭ زاڭ ەرەجە شىعارۋ قىزمەتىنىڭ جوعارى ساپالى دامۋىن جەبەدى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ءزۇمىرات وبۇل ماجىلىسكە قاتىناستى ءارى ءسوز سويلەدى.
ءماجىلىس مىنالاردى اتاپ كورسەتتى: جەرگىلىكتى زاڭ ەرەجە شىعارۋ قىزمەتىن جاڭا داۋىردەگى پارتيانىڭ شينجياڭدى باسقارۋ جالپى جوباسىنا قالاي اناعۇرلىم ويداعىداي بويسۇندىرۋ، قىزمەت وتەتتىرۋ − ءداۋىردىڭ شينجياڭنىڭ زاڭ ەرەجە شىعارۋ قىزمەتىنە جۇكتەگەن ماڭىزدى بورىشى. ساياسي دەڭگەيدى شىن مانىندە جوعارىلاتىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، جەرگىلىكتى زاڭ ەرەجە شىعارۋ قىزمەتى جونىندەگى تانىمدى ۇزدىكسىز تەرەڭدەتىپ، شينجياڭ زاڭ ەرەجە شىعارۋ قىزمەتىنىڭ جوعارى ساپالى دامۋىن ىلگەرىلەتۋدىڭ جاۋاپكەرشىلىك سەزىمىن، كوكەي تەستىلىك سەزىمىن كۇشەيتۋ كەرەك.
ءماجىلىس مىنالاردى باسا دارىپتەدى: زاڭ ەرەجە شىعارۋ قىزمەتىنىڭ دۇرىس ساياسي بەتالىسىن مىقتى يگەرىپ، پارتيانىڭ جالپى بەتتىك باسشىلىعىنا تاباندى بولۋدى زاڭ ەرەجە شىعارۋ قىزمەتىنىڭ تۇتاس بارىسىنىڭ ءارقايسى جاعىندا دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋدى زاڭ ەرەجە شىعارۋ قىزمەتىن ولشەيتىن ماڭىزدى ولشەم ەتىپ، جۇڭحۋا ۇلتىنىڭ ورتاقتىعىن نىعايتۋدى، جۇڭحۋا ۇلتى ورتاق تۇلعا تانىمىن كۇشەيتۋدى ەڭ الدىمەن ويلاسىپ، جەرگىلىكتى زاڭ ەرەجە شىعارۋدىڭ اتقارۋ سيپاتتى، تولىقتاۋ سيپاتتى، ىزدەنىس سيپاتتى فۋنكتسيالىق ورنىن تۇراقتاندىرۋعا تىعىز ساباقتاستىرىپ، حالىق ءۇشىن ىستەپ، حالىققا سۇيەنىپ، ورنىقتىلىق بارىسىندا العا ىلگەرىلەپ، تۋراشىلدىقتان اينىماي جاڭالىق اشىپ، زاڭ ەرەجە شىعارۋ ۇقىعىن زاڭ بويىنشا اتقارىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى زاڭمەن باسقارۋ كۇشىمەن ىلگەرىلەتۋ كەرەك. زاڭ ەرەجە شىعارۋ ساپاسى مەن ونىمدىلىگى سىندى وسى شەشۋشى بۋىندى مىقتى يگەرىپ، ماسەلەنى باعدار ەتۋدەن، امالياتتى باعدار ەتۋدەن، نىسانانى باعدار ەتۋدەن جازباي، جەرگىلىكتى زاڭ ەرەجە شىعارۋ جۇيەسىن كەمەلدەندىرىپ، حالىق قۇرىلتايىنىڭ جەتەكشىلىك رولىن ساۋلەلەندىرىپ، جالپى بارىستىق حالىق دەموكراتياسىن امالياتتا ايگىلەپ، زاڭ ەرەجە شىعارۋدى، زاڭ جالپىلاستىرۋدى جانە زاڭمەن باقىلاۋدى ءبىر تۇتاس جوسپارلاپ، زاڭ ەرەجە شىعارۋ قابىلەتى قۇرىلىسىن كۇشەيتىپ، دارىندى باۋلۋدى، اقىل - پاراسات جاعىنان قولداۋدى، تەحنيكالىق جاقتان تىرەك بولۋدى ويداعىداي يگەرىپ، جوعارى ساپالى زاڭ ەرەجە شىعارۋ ارقىلى جوعارى ساپالى دامۋدى قامتاماسىز ەتۋ، رەفورمانى جاپپاي تەرەڭدەتۋدى ىلگەرىلەتۋ، قوعامدىق كەلەلى جاعدايدىڭ ورنىقتىلىعىن قورعاۋ كەرەك.
ءماجىلىس مىنالاردى تالاپ ەتتى: اۆتونوميالى رايوندىق 14 - كەزەكتى حالىق قۇرىلتايى تۇراقتى كوميتەتىنىڭ 5 جىلدىق زاڭ ەرەجە شىعارۋ جوباسىن ويداعىداي دايەكتىلەندىرىپ، تياناقتاندىرىپ، زاڭ ەرەجە شىعارۋ مىندەتىن ءبولىپ تياناقتاندىرىپ، تاراپتاردىڭ قارىم - قاتىناسىن ءبىر تۇتاس جوسپارلاپ سايكەستىرىپ، زاڭ ەرەجە شىعارۋ جوباسىنىڭ اتقارىلۋىن تىڭعىلىقتى ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ ءۇشىن زاڭمەن باسقارۋ نەگىزىن بەكەمدەۋ كەرەك.
ماجىلىستە اۆتونوميالى رايوندىق حالىق قۇرىلتايى تۇراقتى كوميتەتى زاڭ - ءتۇزىم قىزمەت كوميتەتىنىڭ، اۋىل شارۋاشىلىعى جانە اۋىل - قىستاق قىزمەتى كوميتەتىنىڭ، اۆتونوميالى رايوندىق دامۋ جانە رەفورما كوميتەتىنىڭ، ءادىليا مەڭگەرمەسىنىڭ، سانجى حۇيزۋ اۆتونوميالى وبلىستىق حالىق قۇرىلتايى تۇراقتى كوميتەتىنىڭ قاتىستى جاۋاپتىلارى پىكىر اۋىستىرىپ، لەبىز ءبىلدىردى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
