قوڭىر كۇزدە ءوتىپ كەتتى: سولتۇستىك شينجياڭداعى باسىم كوپ ساندى رايونداردا تەمپەراتۋرا 5 تە 8 سەلتسي گرادۋس تومەندەيدى
ۇرىمجىدە جاڭبىر ارالاس قار جاۋادى
2023.10.31 15:39 كەلۋ قاينارى : حالىق تورابى
11 – ايدىڭ كەلۋىمەن ءارقايسى ەلەكتروندى ساۋدا تەكشەلەرى جىل سوڭىنداعى قاۋىرت ساتۋ قيمىلىن باستادى. سىبەريانىڭ سۋىق اعىسى شىن نيەتىن ءبىلدىرۋ ءۇشىن سۋىق اعىستى شينجياڭداعى دوستارعا سيعا تارتتى دەۋگە بولاتىنداي بولدى. ءتىلشىنىڭ شينجياڭ اۋا رايى مەكەمەسىنەن ۇعىسۋىنشا، وسى اپتادا سولتۇستىك شينجياڭنىڭ باسىم كوپ جەرىندە تەمپەراتۋرا 5 تە 8 سەلتسي گرادۋس تومەندەيدى، سونىمەن بىرگە ۇقساماعان دارەجەدە قىراۋ ۇسىگى جۇرەدى.
2023 – جىلدىڭ كۇزى بۇرىنعى جىلدارمەن سالىستىرعاندا ءسال جايىراق سۋىتتى. شينجياڭ كليمات ورتالىعىنىڭ ساناعىنا نەگىزدەلگەندە، بيىل كۇزدەن كەيىن، بۇكىل شينجياڭنىڭ باسىم كوپ جەرىندە تەمپەراتۋرا جوعارىلاۋ بولعان. بىلتىر 10 ـ ايدىڭ سوڭىندا سولتۇستىك شينجياڭنىڭ كوپ جەرىندە ادامدار ماقتالى شاپان كيىپ العان بولاتىن، بيىل 10 ـ ايدىڭ سوڭىندا جۇقا كيىممەن ٴجۇردى. شينجياڭ اۋا رايى ستانسياسىنىڭ باس مالىمەتشىسى لي رۋچي تىلشىگە بىلاي دەدى: بيىل كۇزدىڭ جىلى بولۋى، كۇزدە كورنەكتى سۋىق اعىس وڭتۇستىككە كەلمەدى، سوندىقتان بۇرىنعى جىلدارمەن سالىستىرعاندا بيىل جانعا جايلى بولۋدىڭ ”plus نۇسقاسى“ بولدى دەۋگە بولادى.
سەيسەنبى تۇننەن جۇما كۇندىزگە دەيىن سولتۇستىك شينجياڭنىڭ باسىم كوپ رايوندارى مەن شىعىس شينجياڭدا از جاڭبىر جاۋادى نەمەسە جاڭبىر سوڭى قارعا اينالادى، مۇنىڭ ىشىندە سولتۇستىك شينجياڭنىڭ باتىس سولتۇستىك بولەگى، تيانشان تاۋلى رايونى جانە سولتۇستىك بەتكەيى، قۇمىل قالاسىنىڭ سولتۇستىك بولەگى سياقتى جەرلەردىڭ ءىشىنارا وڭىرلەرىندە ورتاشادان باستاپ قالىڭ جاڭبىر جاۋادى نەمەسە قار جاۋادى، ىلە وبلىسى، تارباعاتاي ايماعىنىڭ سولتۇستىك بولەگى، التاي ايماعى، تيانشان تاۋلى رايونى سياقتى جەرلەردىڭ ءىشىنارا جەرلەرىندە قالىڭ قار جاۋادى؛ سولتۇستىك شينجياڭنىڭ، شىعىس شينجياڭنىڭ كوپ بولەگىندە 5 بال اينالاسىندا باتىس سولتۇستىك جەلى سوعادى، جەل وتتەرىندەگى جەل كۇشى 9 دا 10 بالعا جەتەدى، مەزەتتىك وتكىنشى جەل كۇشى 11 بالعا جەتەدى؛ سولتۇستىك شينجياڭنىڭ باسىم كوپ بولەگىنىڭ تەمپەراتۋراسى 5 تە 8 سەلتسي گرادۋس تومەندەيدى ءارى ۇقساماعان دارەجەدە قىراۋ ۇسىگى جۇرەدى.
ءۇرىمجى قالاسىندا سەيسەنبى تۇننەن سارسەنبى كۇندىزگە دەيىن، نەگىزگى قالا رايونىندا، ميدۇڭ رايونىندا ورتاشا جاڭبىر جاۋىپ سوڭى جاڭبىر ارالاس قارعا اينالادى، وڭتۇستىك قالا ماڭى مەن تاۋلى رايوندا جاڭبىر ارالاس قار جاۋىپ سوڭىندا ورتاشا قارعا اينالادى، ءىشىنارا جەرلەردە قالىڭ قار جاۋادى، ءارقايسى رايون، اۋدانداردا تەمپەراتۋرا 8 سەلتسي گرادۋس اينالاسىندا تومەندەيدى؛ اپتا ىشىندەگى باسقا ۋاقىتتاردا ءارقايسى رايونداردا كۇن اشىق نەمەسە بۇلتتى بولادى، نەگىزگى قالا رايونىندا ەڭ جوعارى تەمپەراتۋرا 8 دە 19 سەلتسي گرادۋس بولادى، ەڭ تومەن تەمپەراتۋرا 0 دە 6 سەلتسي گرادۋس اينالاسىندا بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
