”شينجياڭ · ۇلكەن شىعاناق رايونى قوناق قابىلداۋ زالىنىڭ“ ماڭدايشالىعى اشىلدى
2023.10.30 16:27 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى جاڭ يانفاڭ 10 - ايدىڭ 26 - كۇنى ۇرىمجىدەن حابارلايدى. ۇنامدى جاقتاعى ۇگىتتى ونان ارى كۇشەيتىپ، شينجياڭنىڭ اشىق، سەنىمدى جاڭا بەت - بەينەسىن، جاڭا تىنىسىن ايگىلەپ، جاڭا داۋىردەگى شينجياڭ حيكاياسىن، شىنجىننىڭ شينجياڭعا باعىتتامالى كومەكتەسۋ حيكاياسىن كوپ ارنامەن، كوپ فورمامەن ويداعىداي بايانداۋ ءۇشىن، 10 - ايدىڭ 26 - كۇنى ”شينجياڭ · ۇلكەن شىعاناق رايونى قوناق قابىلداۋ زالىنىڭ“ ماڭدايشالىعى اشىلدى.
”شينجياڭ · ۇلكەن شىعاناق رايونى قوناق قابىلداۋ زالىن“ شينجياڭ جىبەك جولى يۋە ماۋشيڭ سيفرلى ەكونوميكا زەرتتەۋ ورنى شىنجىن گازەتشىلىك توبى، شىنجىن ەرەكشە رايون گازەتى، شياڭگاڭ ساۋدا گازەتى، شينجياڭ گازەتى مەكەمەسى (توبى)، شينجياڭ راديو - تەلەۆيزيا ستانسياسى سياقتى ورىندارمەن سەلبەسىپ بىرگە قۇرعان.
شىنجىن مەن شينجياڭ ”تەڭىز“، ”قۇرلىق“ەكى جاقتا ”ءبىر بەلدەۋ، ءبىر جول“قۇرىلىسىن ىشكەرىلەي ىلگەرىلەتۋدە بىردەي تاريحي بورىش ارقالاپ وتىر، ءبىرىن - ءبىرى تولىقتايتىن، ءبىرىن - ءبىرى جەبەيتىن، جوعارى ساپالى دامۋدى بىرگە ىلگەرىلەتەتىن تاماشا سەلبەستىك نەگىزى بار. وسى رەتكى ”شينجياڭ. ۇلكەن شىعاناق رايونى قوناق قابىلداۋ زالى“ قۇرىلىپ، قارىم - قاتىناس كوپىرىنىڭ سالىنۋى شينجياڭنىڭ شىنجىنمەن، گۋاڭدۇڭ − شياڭگاڭ − اۋمىن ۇلكەن شىعاناق رايونىمەن ىشكەرىلەي سەلبەستىگىن، اۋىس - كۇيىسىن ىلگەرىلەتۋگە تاماشا قوعامدىق پىكىر ورتاسىن ازىرلەيدى.
”شينجياڭ. ۇلكەن شىعاناق رايونى قوناق قابىلداۋ زالىندا“ كورمە زالى، ستۋديا (تىكە تاراتۋ بولمەسى)، اۋىس - كۇيىس جاساۋ رايونى سياقتىلار جوبالانىپ ورنالاستىرىلعان. ول ”اقپارات قوناق قابىلداۋ زالى“ رەتىندە، كۇندەلىكتى حابارلاۋدى جاقسى ىستەۋدەن سىرت، شينجياڭنىڭ ءىشى - سىرتىنان سيلى قوناقتاردى ءار ايدا مەرزىمدى نەمەسە مەرزىمسىز تۇردە قوناق قابىلداۋ زالىندا قوناق بولۋعا ۇسىنىس ەتىپ، شينجياڭنىڭ جەرگىلىكتى ماڭىزدى قيمىلدارى، شينجياڭ مەن گۋاڭدۇڭ − شياڭگاڭ − اۋمىن ۇلكەن شىعاناق رايونى سەلبەستىگى، شىنجىننىڭ شينجياڭعا باعىتتامالى كومەكتەسۋى سياقتى تاياۋدا جاڭادان تۋىلعان اقپاراتتىق قولامتالى تۇيىندەر جونىندە جالپى مەديالاردا حابار تاراتادى.
شينجياڭنىڭ قالا وبرازى، قالا ماركاسى، سيفرلى ءونىمى سياقتىلاردىڭ ”جوسپارلاۋ - ساتۋ قوناق قابىلداۋ زالى“ رەتىندە، ول بولاشاقتا قالانىڭ جوسپارلاۋ - ساتۋىن جاقسى ىستەپ، بىرلەسىپ جۇمىس جۇرگىزۋ جونىندە ىزدەنىس جاساپ، قوناق قابىلداۋ زالىنىڭ كورمە رايونىندا كورمە تۇعىرى، كورمە سورەسى سياقتى فورمالار ارقىلى، سۋرەت، ناقتى زات، LED ۇلكەن ەكرانى، تولىق كەسكىندى پروەكتسيا، كوپ مەديالى ىقپالداسىپ ءتۇسىندىرۋ سياقتى تاسىلدەرمەن شينجياڭنىڭ قالالارىن، كاسىپورىندارىن، ونىمدەرىن جان - جاقتى، كوپ تۇرعىدان ۇگىتتەيدى، تانىستىرادى. ”شينجياڭ. ۇلكەن شىعاناق رايونى قوناق قابىلداۋ زالىن“ شينجياڭنىڭ شىنجىنمەن، گۋاڭدۇڭ − شياڭگاڭ − اۋمىن ۇلكەن شىعاناق رايونىمەن بايلىق جاعىنداعى ىقپالداستىعىن، اۋىس - كۇيىسىن، سەلبەستىگىن ىلگەرىلەتەتىن ”جاڭا تۇعىرعا“ ، شينجياڭ حيكاياسىن، ۇلكەن شىعاناق رايونى حيكاياسىن، ”ءبىر بەلدەۋ، ءبىر جولدى“ بىرگە قۇرۋ حيكاياسىن تارتىمدى بەينەلەيتىن ”جاڭا مەدياعا“، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ جەتىستىكتەرىن تاراتاتىن ”جاڭا شەپكە“ اينالدىرۋعا قۇلشىنادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
