ءۇرىمجى قالاسىنداعى مىڭنان استام وقىتۋشى - وقۋشى «شاباندوز» اتتى كينو فيلمدى توپتىق كوردى
2023.10.31 16:14 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى سۇڭ حايبو 10 - ايدىڭ 29 - كۇنى ۇرىمجىدەن حابارلايدى. 10 - ايدىڭ 27 - كۇنى ءۇرىمجى قالالىق 34 - باستاۋىش مەكتەپتەگى مىڭنان استام وقىتۋشى - وقۋشى چيانتاڭجياڭ جولى 103 كينو باقشاسىنىڭ 7 كينو زالىندا بالالاردى شابىتتاندىراتىن كينو فيلم «شاباندوزدى» كوردى. بۇل كينو فيلمدى اۆتونوميالى رايوندىق پارتكوم ۇگىت ءبولىمى ۇيىمداستىرىپ جوبالاعان، تيانشان كينو ستۋدياسى جاساپ تۇسىرگەن، وندا ەسەيىپ - ەرجەتۋ، باتىلدىق، جاۋاپكەرشىلىك جونىندەگى حيكايا باياندالعان.
«شاباندوز» كينو فيلمى 10 - ايدىڭ 16 - كۇنى شينجياڭداعى كينوحانالاردا اشىق قويىلعاننان بەرى كەڭ كولەمدى جاقسى باعاعا يە بولدى. كينو فيلمدە شينجياڭنىڭ التاي ايماعىنىڭ ”ات ونەرىن مەكتەپكە ەنگىزۋدى“ ىلگەرىلەتۋى ارتقى كورىنىس ەتىلىپ، اڭسار ەسىمدى قازاق ۇل بالانىڭ جايلاۋداعى ەڭ مىقتى شاباندوز بولۋعا بەل بايلاپ، قيىنشىلىقتاردى جەڭىپ، ارمانعا قۇلاش سەرمەگەندىگى باياندالادى، سونىمەن بىرگە ونىڭ وتباسىنداعىلارمەن، دوستارىمەن، مۇعالىمدارىمەن بولعان باۋىرمالدىق حيكايالارى دا ايگىلەنەدى. كينو فيلمدە بالا، وتباسى، سپورت سياقتى تيپتىك كينو ەلەمەنتتەرى توعىستىرىلعان، ارتيستەردىڭ ورىنداۋى تابيعي، كورىنىس كەسكىنى كوركەم، جاندى جادىراتاتىن ”كىرشىكسىز“ كينو فيلم سانالادى.
كينو فيلم اياقتاعاننان كەيىن، ساباقتاستار ونداعى وقيعا جەلىسىن بەلسەنە تالقىلادى. وسى مەكتەپتىڭ 3 - جىلدىعىنىڭ وقۋشىسى ابدۇللا نۇرالي بىلاي دەدى: ”كينو فيلمدى كورگەن سوڭ، ءارقانداي ءىستى تاباندىلىقپەن ىستەسەم بولعانى، ءسوز جوق، تابىسقا جەتەتىندىگىمدى ءتۇسىندىم“. 5 - جىلدىقتىڭ وقۋشىسى دۇڭ جۇنبو بىلاي دەدى: ”كينو فيلمدەگى باس كەيىپكەر اڭسار ءوزىنىڭ قۇلشىنىسى ارقىلى ەڭ سوڭىندا ارمانىنا جەتتى، وتە اسەرلى“. وقىتۋشى ۋي يۇنشيا مىنالاردى ءبىلدىردى: وقۋشىلار كينو فيلمدەگى ادامدى شابىتتاندىراتىن حيكايانى كورۋ ارقىلى تۇرمىستا تاباندى بولۋ مەن قۇلشىنۋدىڭ ماڭىزدىلىعىن اناعۇرلىم تەرەڭ تۇسىنەتىن بولادى.
36 - كەزەكتى جۇڭگو كينو التىن اتەش سيلىعى 11 - ايدىڭ باسىندا جاريالانادى، اتالعان كينو فيلم ەڭ تاڭداۋلى بالالار كينوسى، ەڭ تاڭداۋلى مۋزيكا سىندى ەكى ءتۇرلى اتاققا ۇسىنىلدى. «شاباندوز» تاعى 28 - كەزەكتى حالىقارالىق بالالار، جاستار مەن ورەندەر كينو فەستيۆالىندا بىرلەسكەن مەملەكەتتەر ۇيىمىنىڭ وقۋ - اعارتۋ، عىلىم، مادەنيەت ۇيىمى حالىقارالىق بالالار كينو ورتالىعى تاراتقان ەڭ تاڭداۋلى كينو سيلىعىن ەنشىلەدى، بەيجيڭ حالىقارالىق كينو فەستيۆالى. 30 - كەزەكتى جوعارى مەكتەپ وقۋشىلارى كينو فەستيۆالى ”ساعىممەن جارىسقان جاس داۋرەن“ وتاندىق تاڭداۋلى كينو فيلم قاتارىنا ەنگىزىلدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
