شينجياڭدا 2024 - جىلعى اۋە ارمياسىنا ۇشقىش قابىلداۋدىڭ العاشقى تاڭداۋى 11 - ايدىڭ 5 - كۇنى باستالادى
2023.10.31 14:54 كەلۋ قاينارى : حالىق تورابى
انار بۇلت \ شينجياڭ گازەتىنىڭ ءتىلشىسى شىن زۋشياۋ حابارلايدى. ءتىلشىنىڭ اۋە ارمياسى ۇشقىش قابىلداۋ مەكەمەسى لانجوۋ ۇشقىش تاڭداۋ ورتالىعىنان ۇعىسۋىنشا، 2023 - جىلى 11 - ايدىڭ 5 - كۇنىنەن 11 - ايدىڭ 9 - كۇنىنە دەيىن، شينجياڭنان 2024 - جىلى اۋە ارمياسىنا ۇشقىش قابىلداۋدىڭ العاشقى تاڭداۋ قىزمەتى ورىستەتىلەدى.
وسى رەتكى سارالاۋ وبيەكتىسى: جاي ورتا مەكتەپتەن وقۋ تاۋىساتىن (تاۋىسقان) ورتا مەكتەپتىڭ 3 - جىلدىعىنداعى ەر وقۋشىلار (جاي تۇردەگى جوسپار)، مۇندا تىزىمدەلگەن نەمەسە تىزىمدەلۋ ۋاقىتىن وتكىزىپ العان جاي ورتا مەكتەپتەن وقۋ تاۋىساتىن (وقۋ تاۋىسقان) ورتا مەكتەپ 3 - جىلدىعىنداعى ەر وقۋشىلار قامتىلادى. جوعارى تەحنيكۋم وقۋشىلارى (اسكەري جوعارى مەكتەپتەرگە ەمتيحانعا تىزىمدەلۋىنە بولمايدى دەپ ايقىن بەلگىلەنگەن)، جاي جوعارى مەكتەپ ەمتيحانىنا قاتىناسپايتىن كوركەمونەر، سپورت تۇرلەرىندەگى ەرەكشەلىگى بار وقۋشىلار اۋە ارمياسىنا ۇشقىش قابىلداۋ جاعىنداعى ساراپتاۋعا قاتىناسپاڭىزدار.
ساراپتاۋعا قاتىناساتىن وقۋشىلار ءوزىنىڭ ازاماتتىق كۋالىگىن نەمەسە وتباسىنىڭ نوپوس داپتەرىن، سونداي - اق، «اۋە ارمياسىنا ۇشقىش قابىلداۋ سىناعىنا تىزىمدەلۋ، دەنساۋلىق تەكسەرتۋ كەستەسىن» الا بارۋى كەرەك، كەستەنى الماعان وقۋشىلار ”اۋە ارمياسى باتىس سولتۇستىك ۇشقىش قابىلداۋ ورنى“ (空军西北招飞) ۋيچات تەكشەسىنەن تۇسىرۋىنە نەمەسە العاشقى سىناق الاتىن ورنىنان الۋىنا بولادى.
سىناققا قاتىناساتىن وقۋشىلارعا ەرەكشە ەسكەرتەتىن جايت: دەنساۋلىق تەكسەرىلۋگە قاتىناسۋعا اش قارىن بارۋدىڭ قاجەتى جوق، تاماق ىشكەن سوڭ بارۋىنا بولادى؛ وسىنىڭ الدىندا تىزىمدەلەتىن ۋاقىتتى وتكىزىپ العان، نەگىزگى شارتقا ساي كەلەتىن وقۋشىلاردىڭ دەنساۋلىق تەكسەرۋ ورنىنا توتە بارىپ تىزىمدەلىپ، تەكسەرۋگە قاتىناسۋىنا بولادى؛ تەكسەرەتىن تۇرلەر — كوز بەن سىرتقى اۋرۋلار، تەكسەرىلەتىن وقۋشىلاردىڭ تازالىقتى ويداعىداي ىستەگەنى ءجون؛ بۇل رەتكى العاشقى ساراپتاۋعا سايكەس كەلمەيتىن شينجياڭنىڭ باسقا قالا - وبلىستارىنان تىزىمدەلگەن وقۋشىلار ”空军西北招飞“ تەكشەسىندەگى ”空军招飞“ دەگەن جەردەن «اۋە ارمياسىنا ۇشقىش قابىلداۋ سىناعىنا تىزىمدەلۋ، دەنساۋلىق تەكسەرتۋ كەستەسىن» ءتۇسىرىپ، ءوزى تۇرعان مەكتەپتىڭ ەمحاناسىنداعى كوز اۋرۋلارى جانە سىرتقى اۋرۋلار بولىمىنە بارىپ دەنساۋلىعىن تەكسەرتسە بولادى. وقۋشىلار جەكەلىك ينفورماتسياسىن تولىق تولتىرۋى، مەكتەپ كورسەتۋ پىكىرىن جازۋى، تاڭبا باسقان سوڭ سۋرەتكە تارتىپ، سۋرەتتى اۋە ارمياسىنا ۇشقىش قابىلداۋ مەكەمەسىنىڭ لانجوۋ ۇشقىش تاڭداۋ ورتالىعىنىڭ حات ساندىعىنا جولداۋ كەرەك:
kjzflzxbzx@163.com
تەكسەرۋگە قاتىناساتىن وقۋشىلار كۇن تارتىپتە جازىلعان ۋاقىتقا قاتاڭ بويسۇنىپ، ۋاقىتىندا تەكسەرىلۋى، الدىن الا 10 - 15 مينۋت بۇرىن بارىپ تىزىمدەلىپ، وشىرەتكە تۇرۋى قاجەت.
تەكسەرىلۋگە قاتىناساتىن وقۋشىلاردا كۇماندى سۇراۋلار بولسا، اۋە ارمياسىنا ۇشقىش قابىلداۋ مەكەمەسى لانجوۋ ۇشقىش تاڭداۋ ورتالىعىنان كەڭەس سۇراۋىنا بولادى، كەڭەس سۇراۋ تەلەفونى:
0931-4865353 جانە 8958033-0931
اۋە ارمياسىنا ۇشقىش قابىلداۋ، اسكەري مەكتەپتەرگە وقۋشى قابىلداۋعا جاتادى، قابىلدانعان ۇشقىشتار اۋە ارمياسىنىڭ اۆياتسيا داشۋەسىنە بارىپ وقيدى، ناتيجەسى ۇزدىك بولعانداردىڭ چيڭحۋا داشۋەسى، بەيجيڭ داشۋەسى، بەيجيڭ اۆياتسيا - عارىش داشۋەسى قاتارلىلاردىڭ ”قوس مەكتەپتى“ ۇشقىشتار كلاسىنا بارىپ وقۋ مۇمكىندىگى بار.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
