الدىڭعى 9 ايدا شينجياڭ تەمىر جولى 33 ميلليوننان استام جولاۋشى (رەت) جونەلتتى
2023.10.31 16:11 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى لۋ فىڭباۋ 10 - ايدىڭ 29 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، 1 - ايدان 9 - ايعا دەيىن شينجياڭ تەمىر جولى 33 ميلليون 882 مىڭ جولاۋشى (رەت) جونەلتكەن.
بيىل جىل باسىنان بەرى شينجياڭنىڭ ەكونوميكالىق اينالىمىنىڭ قالپىنا كەلۋىنە، جاقسارۋىنا بايلانىستى، شينجياڭ ىشىندە جولاۋشىلار اعىنى ءبىرشاما كوبەيىپ، شينجياڭعا كىرىپ - شىققان جولاۋشىلار كورنەكتى ارتتى. ”ادام اعىنى مولشەرىنىڭ ارتۋى تەمىر جول تاسىمالىنا وراي اپەردى“. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى جولاۋشى تاسىمال ءبولىمىنىڭ ورىنباسار مەڭگەرۋشىسى سۇڭ چياڭ: ”شينجياڭنىڭ تەمىر جول تاراۋلارى جاڭا كەزەڭدەگى جولاۋشى تاسىمالىنداعى ءتۇيىندى قىزمەتتەردى ءبىر تۇتاس جوسپارلاپ، ءتۇيىندى ۋاقىت كەزەڭدەرى، مەرەكە - دەمالىس كۇندەرى، سونداي - اق ساياحات پويەزدەرىنىڭ قاتىناۋى سياقتى جولاۋشى تاسىمال قىزمەتىن تابىستى اياقتاتتى“، - دەدى.
شينجياڭ تەمىر جولى بار كۇشپەن جىلدامدىقتى تەزدەتىپ، قۋاتتى ارتتىرىپ، جولاۋشىلار پويەزىنىڭ تاسىمال قۋاتىن بارىنشا جوعارىلاتتى. قۇمىل، كۇيتۇن، قۇلجا، كورلا، قاشقار، حوتان سياقتى وڭىرلىك ورتالىق قالالاردى سۇيەنىش ەتە وتىرىپ، قولايلى تەمىر جول قاتىناس تورىن قۇرىپ، جولاۋشى پويەزدەرىن وڭىرلىك، الەۋمەتتىك قاتىناس ەسەبىندە جۇرگىزىپ، جولاۋشىلاردىڭ ءجۇرىس - تۇرىسىنا ءتىپتى دە قولايلىلىقتار جاراتتى.
ءتىپتى دە كوپ جولاۋشىلاردى باۋراۋ ءۇشىن، شينجياڭ تەمىر جولى جولاۋشى تاسىمال ساپاسىن جوعارىلاتىپ، جولاۋشى تاسىمال ۆوگزالدارىندا ۆوگزالعا كىرگەندە ناقتى اتى - ءجونىن تەكسەرۋ، بەلەت تەكسەرىپ وتكىزۋ، ۆاگونعا كىرەردە ناقتى اتى - ءجونىن تەكسەرۋ جانە پويەزدە بەلەت تەكسەرۋ بەلگىلەمەسى سياقتى بارىستى ساپالىلاندىرۋمەن بىرگە، جولاۋشى تاسىمال ۆوگزالى بولمەلەرىنىڭ قاتتى بولشەكتەرىنىڭ قىزمەت وتەۋ قامتاماسىزداندىرۋ قۋاتىن جوعارىلاتىپ، پويەزگە وتىرۋ ورتاسىن اناعۇرلىم جاقسارتتى.
شينجياڭ ىشىندەگى ساياحاتشى مولشەرىنىڭ بارىنشا ارتۋىنا مەڭزەس، شينجياڭ تەمىر جولى پويەز دارەجەسىن جوعارىلاتۋ، جاڭالاۋ سەرپىنىن ارتتىرىپ، ”جۇڭگونىڭ قار قالاسى . التاي“، ”پويەزبەن شينجياڭدى ساياحاتتاۋ . تيانشان“ اتتى ەرەكشەلىكتەرگە يە ساياحات پويەزدەرىنىڭ قاتىناۋ ەرەكشەلىكتەرىنە مەڭزەس، ۆاگونعا جۇمساق توسەك، قاتتى توسەك ورناتتى ءارى پويەز يقۋاتىن اناعۇرلىم كەمەلدەندىرىپ، ساياحاتشىلاردىڭ پويەزگە وتىرىپ سەزىنۋ اسەرىن جوعارىلاتتى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
