جوعارى ونىمدىلىك، جوعارى ساپا، مول ءونىم
− تيانشان الابىندا كۇزگى جيىن - تەرىننىڭ ءبىرىنشى شەبىنەن كورگەن - بىلگەندەرىمىز
شينحۋا اگەنتتىگىنىڭ ءتىلشىسى گوۋ ليفىڭ
2023.10.31 16:13 كەلۋ قاينارى : شينجياڭ گازەتى
قولايلى قىزمەت وتەۋ قامتاماسىزدىعى، جوعارى ءونىمدى جۇمىس جۇرگىزۋ ءتاسىلى، الاڭسىز تابىستاۋ، ساتۋ، قابىلداۋ، قامبادا ساقتاۋ... كۇزگى جيىن - تەرىننىڭ سوڭعى كەزەڭگە اياق باسۋىنا ساي، شينجياڭنىڭ كۇزگى استىقتان مول ءونىم الاتىندىعى بەلگىلى بولدى، جۇگەرىنىڭ زور اۋماقتاعى بىرلىك ءونىمى جوعارىلاپ، ونىمدىلىگى كورنەكتىلەندى، ماقتا، سويا بۇرشاق، قانت قىزىلشاسى سياقتى داقىلدار جيىن - تەرىنى ءتارتىپتى جۇرگىزىلدى، تيانشان الابىنداعى كەڭ كوسىلگەن قۇنارلى اتىزداردا مول ءونىم شاتتىعى ەستى.
كولىكپەن ەگىس باسىنا بارىپ كومبايننىڭ ورىپ، جيناعانىن قاداعالاپ، تارازىعا تارتىپ، سالماعىن انىقتاپ، اقشا الۋدى كۇتىپ وتىردى. وسى كۇزگى جيىن - تەرىن مەزگىلىندە شينجياڭنىڭ شونجى اۋدانىنداعى جۇگەرى ەگەتىن ءىرى وتباسى جيا بيننىڭ جۇمىسى اناعۇرلىم جەڭىلدەدى.
”كەپتىرۋ زاۆودى كومبايندى ىستەتۋگە بايلانىس جاساپ بەردى، استىق تاسيتىن كولىكتى دە ولار الدىن الا ورنالاستىرىپ قويدى“. جيا بين تىلشىگە ءوزىنىڭ بيىل 1400 مۋدان استام جەرگە جۇگەرى ەككەندىگىن، ەگىن ورۋ جۇمىسىنىڭ اياقتاپ قالعاندىعىن، مۇنىڭ بارلىعى ساتىپ الۋ - ساقتاۋ كاسىپورىندارىنىڭ ۇيگە كەلىپ قىزمەت وتەگەندىگىنىڭ ارقاسى ەكەندىگىن، وسىنىڭ ارقاسىندا ءبىرتالاي وزىندىك قۇن شىعىنى ۇنەمدەلىپ، جۇگەرى ساتىپ الۋ باعاسىنىڭ دا بۇرىنعى جىلدارداعىدان اناعۇرلىم جوعارى بولعاندىعىن، بيىل كىرىستىڭ ارتۋىندا ”ماسەلە جوق“ ەكەندىگىن ايتتى.
شارۋا وتباسىلارىنىڭ استىقتى الاڭسىز تابىستاۋىنا، كوڭىلدەگىدەي تاپسىرۋىنا شىنايى كەپىلدىك ەتۋ ءۇشىن، شونجى اۋدانى الدىن الا دايىندىق جاساپ، قامبالاردى بوساتىپ، بىرىكتىردى، ”ءبىز باعانى قابىرعاعا اشىق جازىپ، ۇلگىنى ۇستەلگە قويۋعا كەپىلدىك ەتتىك“. چاڭلياڭ توبى شونجى استىق - ماي شەكتى جاۋاپكەرشىلىك سەرىكتەستىگى ورتالىق قامباسىنىڭ مەڭگەرۋشىسى پان بين تىلشىگە بىلاي دەدى: بيىل كۇزگى استىق ساتىپ الۋدا شونجى ۇزدىكسىز ساپالى استىقتىڭ باعاسى جوعارى بولۋ پرينسيبى بويىنشا، ساپالى استىقتىڭ جاقسى باعادا ساتىلۋىنا شىنايى كەپىلدىك ەتەدى، ”شارۋا وتباسىلارى استىقتى تاپسىرعاندا ادەتتە سول كۇننىڭ وزىندە اقشا ەسەپكە كىرەدى، كۇن اسىرىپ ەسەپ جابۋ دەگەن نەگىزىنەن بولمايدى“.
”ءبىزدىڭ بيىلعى جۇگەرى ەككەن جەر اۋماعىمىز 460 مىڭ 100 مۋ، جالپى ءونىم مولشەرى 425 مىڭ توننا بولاتىندىعى مەجەلەنۋدە“. شونجى اۋدانىنداعى اۋىل شارۋاشىلىق تاراۋىنىڭ جاۋاپتىسى بىلاي دەپ تانىستىردى: كەزەكتە جەرگىلىكتى ورىننىڭ كۇزگى جيىن - تەرىن قىزمەتى نەگىزىنەن تامامدالدى، استىق ساتىپ الۋ - ساقتاۋ كاسىپورىندارىنان سىرت، كوپتەگەن شيكىزات زاۆودتارى دا ساپالى جۇگەرى ساتىپ الۋ ءۇشىن جابال ەگىس باسىنا باردى، ەگىمشىلىك وتباسىلارى كىرىسىنىڭ ارتۋى كورنەكتى بولدى.
تاياۋ جىلداردان بەرى شينجياڭنىڭ اۋىل شارۋاشىلىق تاراۋلارى سورتتى تۇقىم، قۇنارلى اتىز، وزىق تەحنيكا، ءتيىمدى وراي، تاماشا ءادىستى توعىستىرا كەمەلدەندىرۋ جونىندە ىزدەنىس جاساۋ ارقىلى ”100 مۋدان قامال الۋ، 1000 مۋ قۇرۋ، 10 مىڭ مۋدان ۇلگى كورسەتۋ“ سىندى استىق بىرلىك ونىمىنەن قامال الۋ ارەكەتىن بار كۇشپەن اتقارىپ، عىلىم - تەحنيكا كومەسكى كۇشىن ناقتى ءونىم مولشەرىنە اينالدىرۋعا، ماماندار ايتقان ءونىم مولشەرىن شارۋالاردىڭ ءونىم مولشەرىنە اينالدىرۋعا، تيپتىك ءونىم مولشەرىن كەڭ اتىز ءونىم مولشەرىنە اينالدىرۋعا بار كۇشىن سالىپ، جۇگەرى سياقتى كۇزگى استىقتىڭ بىرلىك ونىمىندە ءۇرتىس تىڭ دامۋشىلىقتى قارسى الدى.
”بيىل مۋ باسىندىق ءونىم 1400 كيلوگرام اينالاسىندا بولىپ، ءار مۋ جەردىڭ جالپى كىرىسى 2500 يۋانعا تايادى“. شينجياڭنىڭ شاعانتوعاي اۋدانىنداعى جۇگەرى ەگەتىن وتباسى ياڭ حۇڭياۋ تىلشىگە بىلاي دەدى: اۋىل شارۋاشىلىق تەحنيكاسىن جالپىلاستىرۋ تاراۋلارىنىڭ جەتەكشىلىگىندە، تارباتاعاي ايماعى جۇگەرى ەگىمشىلىگى تەحنيكاسىنا ۇزدىكسىز جاڭالىق ەنگىزىپ، جۇگەرى ەگۋ تىعىزدىعىن ارتتىرۋ سياقتىلار ارقىلى جۇگەرىنىڭ بىرلىك ءونىمىن بارعان سايىن جوعارىلاتتى.
ءتىلشىنىڭ تاياۋدا شينجياڭ اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىنا قاراعاندا، شينجياڭنىڭ شاۋەشەك قالاسىنىڭ 103 مىڭ 900 مۋ جەردەگى شوعىرلى، ۇلاسپالى جۇگەرى اتىزى بۇكىل ەلدىڭ تۇڭعىش 100 مىڭ مۋ جەردەگى شوعىرلى، ۇلاسپالى جۇگەرىنى ماشينامەن جيناپ الاتىن ”توننالىق قۇنارلى اتىزىنا“ اينالىپ، ءدان ناق تابىسىنىڭ ورتاشا مۋلىق ءونىمى 4. 1117 كيلوگرام (％14تىك ولشەمدى سۋ قامتىم مولشەرى بويىنشا ەسەپتەلدى) بولعان.
كۇزگى جيىن - تەرىننىڭ ءساتتى جۇرگىزىلۋىنە كەپىلدىك ەتۋ ءۇشىن، شينجياڭنىڭ اۋىل شارۋاشىلىق تاراۋلارى كۇنى بۇرىن جوسپار جاساپ، كوپ شارانى قاتار قولدانىپ، ماشينا - جابدىقتاردى تەكسەرۋ - جوندەۋ جانە كۇتىمدەۋ جونىنەن قىزمەت وتەۋدى ويداعىداي ىستەۋگە جەتەكشىلىك ەتىپ، قۋزاۋ سالدى. مۇنان سىرت، اۋىل شارۋاشىلىق تاراۋلارى ماشينا - جابدىقتارمەن قامداۋ - قاجەتسىنۋ، جيۋ - ەگۋ ۋاقىتى، جۇمىس قارقىنى، كليمات وزگەرىسى سياقتى ينفورماتسيالاردى دەر كەزىندە جاريالاپ، اۋىل شارۋاشىلىق ماشينالارىنىڭ جۇمىستىق قىزمەت وتەۋى مەن قامداۋ - قاجەتسىنۋىن ءتۇيىلىستىرۋدى تىڭعىلىقتى، ەگجەي - تەگجەيلى ىستەپ، كۇزگى استىقتى جوعارى ونىمدىلىكپەن جيناپ الۋعا شىنايى كەپىلدىك ەتتى.
”بيىل 700 مۋدان استام جەرگە ماقتا ەكتىم، ماقتا تەرۋ ماشيناسىمەن 5 كۇندە عانا تەرىپ بولۋعا بولادى“. كورلا قالاسى پۋحۇي اۋىلىنداعى ماقتاشى ما شيياۋ تىلشىگە بىلاي دەدى: وسى 2 جىلدا ماقتا تەرۋ ماشيناسى بارعان سايىن كوبەيدى، ماشيناعا بايلانىس جاساۋ دا ەرەكشە قولايلى بولدى.
جوعارى ولشەمدى ەگىنجاي قۇرىلىسىن ءۇرتىس ىلگەرىلەتىپ، اۋىل شارۋاشىلىق عىلىم - تەحنيكاسىن جانە جابدىق تىرەگىن كۇشەيتۋ ارقىلى شينجياڭ ”استىق القاپتارىن قورعاپ، ەگىستىك جەر بايلىعىنان عىلمي، ۇيلەسىمدى پايدالانۋ“ سىندى ماتەريالدىق نەگىزدى ۇزدىكسىز بەكەمدەدى، قازىرگى تاڭدا، شينجياڭنىڭ ماقتا ەگىمشىلىگى اۋماعى ءۇرتىس نەشە جىل بۇكىل ەل بويىنشا 1 - ورىندا تۇردى، جۇگەرىنىڭ بىرلىك ونىمىندە ارت - ارتىنان رەكورد جاراتىلىپ، بۇكىل ەلدىڭ ءارقايسى ءىرى ءوندىرىس رايوندارىندا الدىڭعى قاتاردى يەلەدى. 10 - ايدىڭ 22 - كۇنىنە دەيىن شينجياڭ كۇزگى استىقتان 19 ميلليون 407 مىڭ مۋ جيناپ الىپ، جيىن - تەرىن اياق الىسى ％80كە تايادى.
(شينحۋا اگەنتتىگىنىڭ 10 - ايدىڭ 29 - كۇنى ۇرىمجىدەن بەرگەن حابارى)
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
