1 - تامىز بولات - تەمىر شەكتى سەرىكتەستىگىنىڭ دومنا پەش ۇلگى كورسەتۋ نىسانى جىلىنا ءبىر ميلليون تونناعا جۋىق كومىر قىشقىل گازىن از شىعارۋعا كۇش سالدى
2023.10.31 16:12 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى شى شين 10 - ايدىڭ 29 - كۇنى ۇرىمجىدەن حابارلايدى. باۋگاڭ توبى شينجياڭ 1 - تامىز بولات - تەمىر شەكتى سەرىكتەستىگىنەن ۇعىسۋىمىزشا، وسى سەرىكتەستىكتىڭ 2500 تەكشەمەتر مول سۋتەگى - كومىرتەگى اينالمالى وتتەكتى دومنا پەش ساۋدالىق ۇلگى كورسەتۋ نىسانى 10 - ايدىڭ 26 - كۇنى تولىق وتتەگىندىك قورىتۋ، كومىر گازى اينالمالى تەحنولوگياسىنىڭ تۇتاس جەلىسىن تۇتاستىرعان. دۇنيە جۇزىندەگى وسى تۇڭعىش مول سۋتەگى - كومىرتەگى اينالمالى وتتەكتى دومنا پەش ساۋدالىق ۇلگى كورسەتۋ نىسانى جىلىنا ءبىر ميلليون تونناعا جۋىق كومىر قىشقىل گازىن از شىعارۋدى جۇزەگە اسىرادى، بۇل شينجياڭدا تاعى دا 1000 شارشى كيلومەترلىك ورمان وتىرعىزۋمەن بارابار.
10 - ايدىڭ 29 - كۇنى 2500 تەكشەمەترلىك مول سۋتەگى - كومىرتەگى اينالمالى وتتەكتى دومنا پەش ساۋدالىق ۇلگى كورسەتۋ نىسانىنىڭ ورتالىق مەڭگەرۋ بولمەسىنىڭ ۇلكەن ەكرانىندا پەشتە جالىن لاۋلاپ، ءتۇرلى كورسەتكىشتەردىڭ اينالىمى ورنىقتى كورسەتىلىپ تۇر. 1 - تامىز بولات - تەمىر سەرىكتەستىگىنىڭ تەمىر قورىتۋ تەحنولوگياسىنىڭ باس مامانى لي تاۋ بىلاي دەپ تانىستىردى: 9 - ايدىڭ 26 - كۇنى ساعات 18 مولشەرىندە نىسان A دومنا پەشى توقتاي باستادى، كەپىل كلاپان تارتۋ جۇمىسى سياقتى ءبىر قىدىرۋ كومىر گازىن اۋىستىرۋ جۇمىستارى ارقىلى دومنا پەش ءوڭىرى مەن كومىرتەكسىزدەندىرىلگەن وڭىردەگى ءتۇرلى قۇبىر جەلىلەرى تۇگەلدەي جالعانىپ، كومىرتەكسىزدەندىرىلگەن كومىر گازى جۇيەسى رەسمي ءوندىرىس كۇيىنە ءوتتى.
مول سۋتەگى - كومىرتەگى اينالمالى وتتەكتى دومنا پەشى − جۇڭگو باۋ - ۋ بولات - تەمىر توبى شەكتى سەرىكتەستىگىنىڭ ءداستۇرلى ۇزاق بارىستاعى بولات - تەمىر تەحنولوگياسىنىڭ جاسىل، تومەن كومىر قىشقىل گازدى بولۋعا قاراي تيبىن وزگەرتۋدى ىلگەرىلەتۋدەگى جاسامپاز شاراسى. ونىڭ قاعيداسى − ءداستۇرلى دومنا پەشتەن پايدا بولعان كومىر گازىن سىعۋ جانە كومىر گازىن شىعارۋ سياقتى كۇردەلى تەحنولوگيادان كەيىن، دومنا پەشكە قايتالاي پايدالانىپ، جانار زاتتىڭ سارىپ بولۋى مەن كومىر قىشقىل گازىن شىعارۋ كۇشەمەلىلىگىن بارىنشا تومەندەتۋ. 2020 - جىلى 7 - ايدا باۋ - ۋ تومەن كومىر قىشقىل گازدى مەتاللۋرگيا تاجىريبە تۇعىرى قۇرىلىپ، 1 - تامىز بولات - تەمىر شەكتى سەرىكتەستىگىنىڭ بۇرىن بار 2 - ءنومىرلى 430 تەكشەمەترلىك دومنا پەشىنەن پايدالانىپ ونەركاسىپ سىناعىن ورىستەتتى، قازىر تەحنولوگيا تۇتاس بارىستا تولىق ىسكە قوسىلدى.
1 - تامىز بولات - تەمىر شەكتى سەرىكتەستىگى باس ديرەكتورىنىڭ كومەكشىسى، كومىر قىشقىل گازىن بەيتاراپتاندىرۋ كەڭسەسىنىڭ مەڭگەرۋشىسى شۇي شياۋبيڭ بىلاي دەپ تانىستىردى: 2500 تەكشەمەتر مول سۋتەگى - كومىرتەگى اينالمالى وتتەكتى دومنا پەش ساۋدالىق ۇلگى كورسەتۋ نىسانىنا 676 ميلليون يۋان قارجى قوسىلدى، بيىل 3 - ايدىڭ سوڭىندا جۇمىس باستاپ، 9 - ايدىڭ 28 - كۇنى وت تۇتاندىرىلىپ ىسكە قوسىلدى. ول باۋ - ۋ تومەن كومىر قىشقىل گازدى مەتاللۋرگيا تاجىريبە تۇعىرىنداعى 430 تەكشەمەتر مول سۋتەگى - كومىرتەگى اينالمالى وتتەكتى دومنا پەش تەحنيكاسىن ءداستۇرلى 2500 تەكشەمەتر ۇلكەن دومنا پەشكە كوبەيتۋ، كوشىرۋ اۋىر مىندەتىن ارقالاپ، جۇڭگونىڭ بولات - تەمىر ونەركاسىبىنىڭ جاسىل، تومەن كومىر قىشقىل گازدى بولۋعا قاراي تيبىن وزگەرتۋىن شىنايى اتقارۋعا بولاتىن شەشۋ جوباسىمەن قامدادى، سوندىقتان كاسىپ سالاسىنىڭ نازارىن اۋدارىپ وتىر.
ۇعىسۋعا قاراعاندا، وسى ساۋدا نىسانىنىڭ مەجەلى نىساناسى: دومنا پەشتىڭ پايدالانۋ كوەففيتسەنتى ％40 جوعارىلاۋ، قاتتى كۇيدەگى جانار زات سالىستىرماسى ％30 تومەندەۋ، بالقىعان شويىن كومىر قىشقىل گازىن شىعارۋ كۇشەمەلىلىگى جالپى تۇلعالىق جاقتان ％21 تومەندەۋ. جىلىنا 55 توننا كۇكىرت قوس توتىعىن، جىلىنا 75 توننا ازوت توتىعىن از شىعارۋ. ”نىساننىڭ ءتۇرلى مەجەلى نىسانالارىن ورىنداۋعا سەنىمىمىز كامىل“، - دەدى وسى ساۋدا نىسانى ينجەنەريا گرۋپپاسىنىڭ ورىنباسار باستىعى تيان جۋاڭ.
جالپى تۇلعالىق جوبا بويىنشا، كەلەسى قادامدا مول سۋتەگى - كومىرتەگى اينالمالى وتتەكتى دومنا پەش تەحنيكاسى فوتوۆولتتىق ەلەكتر شىعارۋ، مەتاللۋرگيانى ەلەكترلەندىرۋ، بولاتتاندىرۋمەن بىرلەسىپ ءوندىرۋ سياقتى نىساندارمەن ۇشتاستىرىلىپ، دۇنيە جۇزىندەگى تۇڭعىش بولات - تەمىر تۇتاس كاسىپ تىزبەگىنىڭ كومىر قىشقىل گازىن بەيتاراپتاندىرۋ بويىنشا ۇلگى كورسەتۋ ءوندىرىس جەلىسىن قالىپتاستىرادى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
