«جەلەگىڭدى اش − شينجياڭ جاقسى جەر» بايىرعى قالا شي - اندا قويىلدى
كورەرمەندەر ”ءان - ءبي مەكەنى“ داڭقى تەگىن شىقپاعان ەكەن دەپ القادى
2023.10.31 16:13 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى يىن لۋ 10 - ايدىڭ 28 - كۇنى شي - اننان حابارلايدى. 10 - ايدىڭ 28 - كۇنى كەشتە مادەنيەت جانە ساياحات مينيسترلىگى، اۆتونوميالى رايوندىق حالىق ۇكىمەتى بىرلەسىپ سومداعان كولەمدى مۋزيكا، ءبي، ولەڭ، سۋرەت «جەلەگىڭدى اش − شينجياڭ جاقسى جەر» 9 - كەزەكتى جىبەك جولى حالىقارالىق كوركەمونەر فەستيۆالىنىڭ جابىلۋى ساتىندە قويىلدى، كورەرمەندەر شينجياڭنىڭ ”ءان - ءبي مەكەنى“ داڭقى تەگىن شىقپاعان ەكەن دەپ القادى.
كونسەرت «ءبي كەلەدى تيانشاننان»، «جاڭا جىبەك جولىندا ءان قالىقتادى»، «كۇنلۇنعا سۇيىسپەنشىلىك سيمفونياسى» سىندى 3 تاراۋعا ءبولىنىپ، ءبي، ءان، مۋزيكا اسپاپتارىمەن قاتار ورىنداۋ، مۋزيكا تەاترى سياقتى كوپ ءتۇرلى كوركەمونەرلىك بەينەلەۋ فورماسىن قامتىپ، كوپ مەديالى تەحنيكالىق ءتاسىل جانە وسى زامانعى ساحنا كوركەمدىگى جوباسى ارقىلى ”مۋزيكا، ءبي، ولەڭ، سۋرەتتىڭ“ ۇشتاسۋىن ايگىلەپ، جۇڭحۋا تاريحىنىڭ اسىلدىعىن، تاۋ - وزەندەرىنىڭ اسەمدىگىن، مادەنيەتتىڭ كوركەمدىگىن تۇتاس كونسەرت بويىنا ءسىڭىرىپ، جاڭا داۋىردەگى شينجياڭنىڭ رۋحاني بەينەسىن جان - جاقتى، كوپ تۇرعىدان، ستەرەولدى ايگىلەدى.
”«كۇسان مۋزيكاسى مەن ءبيى» ەرەكشە كوز تارتادى، ول جۇڭحۋا ەستەتيكاسى رۋحىنىڭ بەينەلەنۋى، وسى زامانعى ەستەتيكالىق قاجەتكە باپ كەلەدى، بيشىلەردىڭ تارتىمدى ارەكەتتەرى بىزگە مىڭ جىلدىڭ الدىنداعى مادەنيەت جاۋھارىن كورسەتتى“. كەزىندە شينجياڭدا ساياحاتتاپ قايتقان كورەرمەن لي مەي شينجياڭ ءان - ءبيىنىڭ شي - اندا قويىلاتىندىعىنان حابار تاپقاننان كەيىن، اپتا سوڭىندا ۋيناننان ارنايى كەلگەندىگىن ايتتى.
ايبىندى دا اسقاق 12 مۇقام ءۇزىندىسى «جۋلا»، ەرشىمدى، قۋاتقا تولى ءبي «شۇعىلاعا شومعان ماكىت»، قوڭىر سازدى مۋزيكالى ۇلتتىق ەپوس «ماناس» جىرى، اسەم ءبي «سالتاناتتى ساۋىردىن»، جان تەبىرەنتەرلىك مۋزيكالى قىسقا تەاتر «شەكارا قورعاۋشى»... جاندى دا جالىندى وبرازدار، كوركەم دە تاماشا سۋرەت كارتينالارى ساحنادا شىنايى دا جاندى شينجياڭدى ايگىلەدى.
« 12 مۇقام ءبي ويىنىن تۇڭعىش رەت ۇستىندە كورىپ، سونى لەپ اڭعاردىم، شينجياڭنىڭ ءان - ءبيىنىڭ باي مازمۇندى، كوپ نەگىزدى جانە تەرەڭ ءمانىن ىشكەرىلەي سەزىندىم»، - دەدى كورەرمەن باي يۇڭلي.
وسى رەتكى كونسەرت شينجياڭنىڭ بايتاق دالاسىندا جاندانعان قىرۋار بەيزاتتىق مادەنيەت مۇرالاردى توعىستىردى، ادەبيەت - كوركەمونەر قىزمەتكەرلەرى بەيزاتتىق مادەنيەت مۇرالارىن قورعاۋعا، جالعاستىرۋعا، جاندى پايدالانۋعا تىڭ ومىرشەڭدىك كۇش قوسىپ، ونىڭ ۇزدىكسىز جاڭا شۇعىلا شاشۋىنا مۇمكىندىك جاسادى.
”بۇرىندارى ينتەرنەتتەن تالاي رەت كورگەنىممەن، «شۇعىلاعا شومعان ماكىتتى» ۇستىندە كورىپ قاتتى تاڭ قالدىم، جىگىتتەردىڭ تاسقىنداعان ىنتا - ىقىلاسى، ەركىن دەنە ارەكەتتەرى مەنى ءتانتى ەتتى“. كورەرمەن سۇڭ يچاۋ بىلاي دەدى: مەن شينجياڭنىڭ دولان مەكەنى اۋات اۋدانىنا، ماكىت اۋدانىنا بارىپ حالىقتىق كوركەمونەردىڭ اسەمدىگىن سەزىنۋدى ەرەكشە ءۇمىت ەتەمىن.
”مۋزيكا، ءبي، ولەڭ، سۋرەت سىندى وسى كونسەرت ءنومىرى تۇڭعىش قويىلعاننان بەرى تىنباي كەمەلدەندىرىلىپ، دەڭگەيى جوعارىلاپ، جاڭالىق اشىپ وتىردى، ارتيستەر مەن قىزمەتكەرلەر تۋىندىنىڭ جەتكىزبەكشى بولعان رۋحاني ەنەرگياسىن، مادەنيەت ءمانىن جانە كوركەمونەرلىك قۇنىن ارتتىرۋعا قۇلشىندى“، - دەدى شينجياڭ كوركەمونەر تەاترحاناسى ءان - ءبي ۇيىرمەسىنىڭ ورىنباسار باستىعى ءجاسۇر تۇرسۇن.
9 - كەزەكتى جىبەك جولى حالىقارالىق كوركەمونەر فەستيۆالىن مادەنيەت جانە ساياحات مينيسترلىگى، شانشي ولكەلىك حالىق ۇكىمەتى بىرگە وتكىزگەن، ”جىبەك جولى جاڭا سيمفونياسى، كوركەم جاڭا بولاشاق“ نەگىزگى تاقىرىپ ەتىلىپ، 90 نەشە مەملەكەت جانە ءوڭىر كوركەمونەرشىلەرىن قاتىناسۋعا باۋرادى، كوركەمونەر فەستيۆالىندا ادەبيەت - كوركەمونەر كونسەرتى، اسەمونەر كورمەسى، حالىققا تيىمدىلىك جەتكىزۋ بويىنشا ارالاپ كونسەرت قويۋ، ينتەرنەت جەلىسىندە قويۋ سىندى 4 بولىك ورنالاستىرىلدى.
”جىبەك جولى ەكونوميكالىق بەلدەۋى وزەكتى رايونى رەتىندە، شينجياڭنان اكەلىنگەن سارا ءان - ءبي كونسەرتى وسى رەتكى كوركەمونەر فەستيۆالىندا ەرەكشە ءمان الادى، ءبىز بار ىنتا - پەيىلىمىزبەن ءار رەتكى كونسەرت ارقىلى بۇكىل ەلدەگى، ءتىپتى، دۇنيە جۇزىندەگى كورەرمەندەرگە جۇڭگونىڭ ءان - ءبي مادەنيەتىنىڭ كوركەمونەرلىك تارتىمدىلىعىن ايگىلەيمىز“، - دەدى شينجياڭ كوركەمونەر تەاترحاناسى پارتكومىنىڭ شۋجيى ساي شياۋرۇڭ.
«جەلەگىڭدى اش − شينجياڭ جاقسى جەر» 2022 - جىلى 7 - ايدا ءۇرىمجى مادەنيەت ورتالىعى ۇلكەن تەاترحاناسىندا تۇڭعىش رەت قويىلعان، 10 - ايدىڭ 28 - كۇنىنە دەيىن بەيجيڭ، تيانجين، شىنجىن، حاڭجوۋ، شياڭگاڭ سياقتى جەرلەردە 38 مايدان قويىلدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
