شينجياڭ اۋىل شارۋاشىلىق ونىمدەرى بەيجيڭ جارمەڭكەسىندە ءبىر ميلليارد 269 ميلليون يۋاندىق تاپسىرىسقا قول قويىلدى
2023.10.31 16:14 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ ي 10 - ايدىڭ 28 - كۇنى بەيجيڭنەن حابارلايدى. 10 - ايدىڭ 28 - كۇنى شينجياڭ اۋىل شارۋاشىلىق ونىمدەرى بەيجيڭ جارمەڭكەسى 2 - كۇنگە اياق باستى، جارمەڭكەنىڭ ينتەرنەت جەلىسىندە، جەلىدەن تىسقارى تۇعىرىندا ساتىپ الۋ مەن ساتۋ بىردەي كۇسەت بولدى. قازىرگە دەيىن كورمەگە قاتىناسقان ساۋداگەرلەر سول ورىندا ءبىر ميلليارد 269 ميلليون يۋاندىق سەلبەستىك تاپسىرىسىنا قول قويدى، ينتەرنەت جەلىسىندە، جەلىدەن تىسقارى ساتىلعان سوما 9 ميلليون 9800 يۋان بولدى.
وسى كەزەكتى ساۋدا جارمەڭكەسى ”شينجياڭ جاقسى جەر · شينجياڭنىڭ جاقسى ونىمدەرىنەن ءدام تاتۋدى“ نەگىزگى تاقىرىپ ەتە وتىرىپ، ينتەرنەت جەلىسىندە جانە جەلىدەن تىسقارى ساتۋدى ۇشتاستىرۋ ءتاسىلىن قولدانىپ، شوعىرلى تۇردە كورمەگە قويىپ ساتۋ جۇرگىزدى. كادۋەلگى ونىمدەردى كورمەدە ساتۋ اۋماعىن قۇرۋدان سىرت، ۇيىمداستىرۋشى جاق سارا ونىمدەر كورمەسى اۋماعىن دا ەرەكشە قۇرىپ، ەرەكشە، جىنتىكتەي مانەرلەنگەن ءبىر توپ اۋىل شارۋاشىلىق ونىمدەرىن شوعىرلى كورمەگە قويدى ءارى ەل ىشىندەگى ىقپالدى تىكە تاراتۋ جانە ەلەكتروندى ساۋدا تۇعىرلارى ارقىلى فورماسى الۋان ءتۇرلى ينتەرنەت جەلىسىندە تانىستىرۋ قيمىلدارىن ورىستەتتى. ساۋدا جارمەڭكەسىنىڭ باستاپقى كۇنىندە شينجياڭ بالىم توبى ساۋدا - ونەركاسىپ شەكتى سەرىكتەستىگى قازاقستاننىڭ EREN توبى سەرىكتەستىگىمەن سوماسى 360 ميلليون يۋاندىق اۋىل شارۋاشىلىق ونىمدەرىن ساتىپ الۋ - ساتۋ توقتامىنا قول قويىپ، تاماشا باستامانىڭ شىمىلدىعىن اشتى.
قازاقستان EREN توبى سەرىكتەستىگىنىڭ القا باستىعى ءالنۇر جەڭىس مىنالاردى ءبىلدىردى: شينجياڭنىڭ ساپالى اۋىل شارۋاشىلىق ونىمدەرىنىڭ، اسىرەسە، قۇرعاق جەمىستەرىنىڭ جانە ەرەكشە جەمىس - جيدەكتەرىنىڭ قازاقستان بازارىندا بولاشاعى جارقىن، وسى رەت كەلىسىم جاساسقان نىساندار، باستىسى، شينجياڭنىڭ روزا گۇلى قويمالجىڭىن، نانىن جانە قۇرعاق جەمىستەرىن ساتىپ الۋ، قورعاس شەكارا وتكەلىنىڭ قولايلى ساۋدا جاساۋ ورتاسىنا سۇيەنىپ، شينجياڭداعى سەلبەستىك سەرىكتەرمەن ۇزاق ۋاقىتتىق سەلبەستىك قارىم - قاتىناس ورناتۋ، ءتىپتى دە كوپ قازاقستان تۇتىنۋشىلارىنىڭ شينجياڭنىڭ ساپالى اۋىل شارۋاشىلىق ونىمدەرىنەن ءدام تاتۋىنا مۇمكىندىك جاساۋ.
”كاسىپورىن شيكىزات ساتىپ الۋدى مىقتى يگەرىپ، ءوندىرىس باستاپ، 4 اي ىشىندە تاپسىرىستى ورىنداپ بولادى“. شينجياڭ بالىم توبى ساۋدا - ونەركاسىپ شەكتى سەرىكتەستىگىنىڭ القا باستىعى وبۇلاسەن وبۇلقاسىم بىلاي دەدى: ساۋدا جارمەڭكەسىنىڭ سەرىكتەستىكتىڭ ساتۋ بازارى ءورىسىن كەڭەيتۋىنە كومەگى ءتيدى، قازىر باستاپقى قادامدا سەلبەستىك ويىنا كەلگەن تاعى 2 ساتىپ الۋ تاپسىرىسى تۇر، سەرىكتەستىك شينجياڭ ىشىندەگى اناعۇرلىم كوپ تاڭداۋلى اۋىل شارۋاشىلىق ونىمدەرىن مانەرلەۋ كاسىپورىندارىمەن بىرلەسىپ، شينجياڭ سىرتىنداعى ۇلكەن بازاردى بىرگە اشادى.
وسى رەتكى ساۋدا جارمەڭكەسى سول ورىننان تىكە تاراتۋ بولمەسىن قۇرىپ كوپتەگەن تور اعىنى مەن ساۋدا ورايىن جاراتتى. ۇيىمداستىرۋشى جاق كوپتەگەن ينتەرنەتتە تانىمالىلار ۇجىمىن سول ورىنعا كەلىپ تىكە تاراتۋ ارقىلى زات ساتۋ ورىستەتۋگە ۇسىنىس ەتىپ، ينتەرنەت جەلىسىندە ساۋدا جارمەڭكەسىنىڭ قىزۋ ورلەۋىن كوتەردى. ساۋدا جارمەڭكەسى اشىلعاننان بەرى جارمەڭكەنىڭ ينتەرنەت جەلىسىندەگى تىكە تاراتۋ بولمەسى 3 ميلليون 645 مىڭ ادامدى (رەت) تاماشالاۋعا باۋراپ، ءتۇرلى ونىمدەردەن 8 ميلليون 530 مىڭ 800 يۋان ساتتى، شينجياڭنىڭ اۋىل شارۋاشىلىعى ونىمدەرىنىڭ ”جاسىل، ساپالى، ءدامدى، اقاۋسىز“ ايگىلى ماركا وبرازىن ءتىپتى دە كوپ ادام قانىق ءبىلدى.
”كوپتەگەن كاسىپورىندار ءالى دە ۋاقىتتى مىقتى ۇستاپ تۇيىلىسۋدە، كەڭەسۋدە“. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى بازار جانە ينفورماتسيالاندىرۋ باسقارماسىنىڭ باستىعى چيۋ جيانمين بىلاي دەدى: ساۋدا جارمەڭكەسى كەزىندە شوعىرلى تۇردە كەلىسىم جاساسۋ سالتى وتكىزىلۋدەن سىرت، شينجياڭداعى 14 ايماق، وبلىس، قالاداعى جانە بيڭتۋانداعى قاتىستى كاسىپورىندار ەرەكشە اۋىل شارۋاشىلىعى ونىمدەرىن ارناۋلى تاقىرىپتا تانىستىرىپ، بۇكىل ەل كولەمىندەگى ساتىپ الۋشى ساۋداگەرلەرمەن ىشكەرىلەي ۇشتاسىپ، كورمەگە قاتىناسۋ جەتىستىكتەرىن ۇزدىكسىز كەڭەيتەدى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
