پروكۋراتۋرا ورگانى زاڭ بويىنشا جي بينچاڭنىڭ پارا الۋ دەلوسىنا الەۋمەتتىك ايىپتاما بەردى
2023.11.01 14:37 كەلۋ قاينارى : حالىق تورابى
ءتىلشىنىڭ 10 – ايدىڭ 31 – كۇنى ەڭ جوعارى حالىق پروكۋراتۋراسىنان ۇعىسۋىنشا، شاندۇڭ ولكەسى چيڭداۋ قالالىق ساياسي كەڭەس پارتگرۋپپاسىنىڭ بۇرىنعى شۋجيى، ءتوراعاسى جي بينچاڭنىڭ پارا الۋ دەلوسىن مەملەكەتتىك باقىلاۋ – تەكسەرۋ كوميتەتى تەكسەرىپ تۇراقتاندىرۋ ارقىلى، ەڭ جوعارى حالىق پروكۋراتۋراسىنىڭ كورسەتۋىمەن جياڭسۋ ولكەسى ۋشي قالالىق حالىق پروكۋراتۋراسىنىڭ تەكسەرىپ ايىپتاۋىنا بەردى. جۋىردا، ۋشي قالالىق حالىق پروكۋراتۋراسى ۋشي قالالىق ورتا دارەجەلى حالىق سوت مەكەمەسىنە الەۋمەتتىك ايىپتاما بەردى.
پروكۋراتۋرا ورگاندارى تەكسەرىپ ايىپتاۋ بارىسىندا ايىپكەر جي بينچاڭعا ارىزدانۋ ۇقىعى بار ەكەندىگىن ۇقتىردى ءارى ايىپكەردەن سۇراق سۇراپ، اقتاۋشىنىڭ پىكىرىن تىڭدادى. پروكۋراتۋرا ورگانى بىلاي دەپ ايىپتادى: جي بينچاڭ شاندۇڭ ولكەسى ەكونوميكالىق ءتۇزىلىس رەفورماسى كەڭسەسىنىڭ ورىنباسار مەڭگەرۋشىسى، شاندۇڭ ولكەلىك حالىق ۇكىمەتى مەملەكەت مەنشىگىندەگى مال – مۇلىكتى باقىلاۋ – باسقارۋ كوميتەتىنىڭ ورىنباسار مەڭگەرۋشىسى، شاندۇك ولكەسى لۋشين قارجى قوسۋ جارنا تىزگىندەۋ توبى شەكتى سەرىكتەستىگىنىڭ باس جوراسى، شاندۇڭ ولكەلىك ونەركاسىپ جانە ينفورماتسيالاندىرۋ مەڭگەرمەسىنىڭ مەڭگەرمە باستىعى، شاندۇڭ ولكەسىنىڭ ورىنباسار ولكە باستىعى، شاندۇڭ ولكەسى چيڭداۋ قالالىق ساياسي كەڭەستىڭ ءتوراعاسى قاتارلى مىندەتتەردى وتەگەن كەزىندە قىزمەت قولايلىلىعىنان، سونداي – اق ءوزىنىڭ قىزمەت ۇقىعى نەمەسە ورنى قالىپتاستىرعان قولايلى شارت – جاعدايدان پايدالانىپ باسقالارعا پايدا جەتكىزىپ، باسقالاردىڭ مال – مۇلكىن زاڭسىز قابىلداعان، سوماسى ەرەكشە مول، پارا الۋ قىلمىسىمەن زاڭ بويىنشا قىلىستىق ىستەر جاۋاپكەرشىلىگىن قۋزاستىرۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
