مەملەكەتتىك كەڭەس «جۇڭگو (شينجياڭ) ەركىن ساۋدا سىناق رايونى جالپى تۇلعالىق جوباسىن» باسىپ تاراتتى
2023.11.01 15:44 كەلۋ قاينارى : حالىق تورابى
شينحۋا اگەنتتىگىنىڭ 10 - ايدىڭ 31 - كۇنى بەيجيڭنەن بەرگەن حابارى. جۋىردا مەملەكەتتىك كەڭەس «جۇڭگو (شينجياڭ) ەركىن ساۋدا سىناق رايونىنىڭ جالپى تۇلعالىق جوباسىن» (تومەندە قىسقارتىلىپ «جوبا» دەپ الىنادى) باسىپ تاراتتى.
«جوبادا» مىنالار اتاپ كورسەتىلگەن: شينجياڭ ەركىن ساۋدا سىناق رايونىن قۇرۋ — پارتيا ورتالىق كوميتەتى مەن مەملەكەتتىك كەڭەس ورتاعا قويعان كەلەلى شەشىم، جاڭا داۋىردە رەفورما جاساپ، ەسىك اشۋدى ىلگەرىلەتۋدەگى ماڭىزدى ستراتەگيالىق شارا. شي جينپيڭ جاڭا داۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن جالپى بەتتىك تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دۇرىس، جان - جاقتى دايەكتىلەندىرىپ، شينجياڭ ەركىن ساۋدا سىناق رايونىن ورتا، باتىس بولىكتەگى وڭىرلەردىڭ جوعارى ساپالى دامۋىن ىلگەرىلەتۋدەگى ۇلگى نۇسقا ەتىپ قۇرۋعا قۇلشىنىپ، شينجياڭنىڭ ەل ءىشى مەن حالىقارالىق قوس اينالىمنىڭ توعىسۋىنداعى ماڭىزدى توراپتى ورناتىپ، ”ءبىر بەلدەۋ، ءبىر جول“ وزەكتى رايونى قۇرىلىسىنا قىزمەت ەتىپ، ازيا - ەۆروپا التىن ءدالىزى مەن ەلىمىزدىڭ باتىسقا قاراي ەسىك اشۋىنداعى قامالدى قۇرۋعا دەم بەرىپ، جۇڭگو - ورتا ازيا تاعدىرلاس ورتاق تۇلعاسىن بىرگە قۇرۋعا بەلسەندى ۇلەس قوسۋ كەرەك.
«جوبادا» مىنالار ورتاعا قويىلعان: شينجياڭ ەركىن ساۋدا سىناق رايونىنا اناعۇرلىم زور رەفورما جاساۋ دەربەس ۇقىعىن سيلاپ، پارىقتى ىزدەنىس جاساۋدى ىشكەرىلەي ورىستەتىپ، شينجياڭنىڭ ەرەكشەلىككە، ابزالدىلىققا يە كاسىپ سالاسىن جەتىلدىرۋ جانە ۇلعايتۋ كەرەك. ماڭداي الدى ساۋدا ورتاسىن جاراتۋ، ساۋداعا قولايلىلىق جاساۋ ورەسىن جوعارىلاتۋ، ءداستۇرلى باسىمدىلىققا يە كاسىپ سالاسىن زورايتۋ جانە كۇشەيتۋ، كورشىلەس ەلدەرمەن ەكونوميكا - ساۋدا سەلبەستىگىن كۇشەيتۋ قاتارلى 25 ءتۇرلى جاقتان ناقتى شارالاردى ايقىن تۇراقتاندىرعان، شينجياڭ ەركىن ساۋدا سىناق رايونىن ساۋدا ورتاسى تاڭداۋلى، قارجىلاندىرۋعا جانە ساۋداعا قولايلى، ابزالدىلىققا يە كاسىپ سالاسى شوعىرلاندىرىلعان، ماڭىزدى بايلىق قاينارلارىن ورتاق پايدالاناتىن، باسقارۋى سايكەسىمدى ءارى جوعارى ونىمدىلىككە يە، قامتۋ جانە باستاماشىلدىق ەتۋ رولى كورنەكتى بولعان جوعارى ولشەمدى، جوعارى ساپالى ەركىن ساۋدا باقشا رايونى ەتىپ قۇرىپ شىعۋعا قۇلشىنۋ كەرەك.
«جوبادا» مىنالار باسا دارىپتەلگەن: شينجياڭ ەركىن ساۋدا سىناق رايونىن كوركەيتۋ بارىسىندا جالپى تۇلعالىق مەملەكەت حاۋىپسىزدىگى كوزقاراسىن بەرىك ورناتۋ، تومەنگى شەكتىك وي جەلىسى مەن حاۋىپ - قاتەر تانىمىن كۇشەيتۋ، حاۋىپ - قاتەردەن ساقتانۋ - مەڭگەرۋ جۇيەسىنىڭ قۇرىلىسىن شىنايى كۇشەيتۋ، مەملەكەت حاۋىپسىزدىگى مەن قوعام حاۋىپسىزدىگىن قورعاۋ كەرەك. شينجياڭ ۇيعۇر اۆتونوميالى رايونى مەن شينجياڭ ءوندىرىس - قۇرىلىس بيڭتۋانى نەگىزگى تۇلعالىق جاۋاپكەرشىلىگىن شىنايى اتقارۋى، قىزمەت مەحانيزمىن كەمەلدەندىرۋى، جەرگىلىكتى زاڭ جاساۋدى كۇشەيتۋى، جوعارى ساپالى، ماماندانعان باسقارۋ قوسىنىن قالىپتاستىرۋى كەرەك. شينجياڭ ۇيعۇر اۆتونوميالى رايونى، شينجياڭ ءوندىرىس - قۇرىلىس بيڭتۋانى جانە قاتىستى تاراۋلار قاتىستى باسقارۋ ۇقىق شەگىن زاڭ بويىنشا دەر كەزىندە تومەنگە ءتۇسىرۋى، سايكەستى ساياساتتاردى كەمەلدەندىرۋى، ءتۇرلى رەفورما شارالارىن تياناقتاندىرۋعا، اتقارۋعا كەپىلدىك ەتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
