ءدارى - دارمەكتەردىڭ تۇسىندىرمەسىن قارتتارعا ۇيلەسىمدى ەتىپ وزگەرتۋ جانە كەدەرگىسىزدەندىرۋ رەفورماسىن تۇيىندە سىناق ەتۋ باستالدى

2023.11.01 15:41 كەلۋ قاينارى : حالىق تورابى

　　گۋاڭميڭ گازەتىنىڭ ءتىلشىسى چىن حايبو 10 - ايدىڭ 31 - كۇنى بەيجيڭنەن حابارلايدى. مەملەكەتتىك ءدارى - دارمەكتەردى باقىلاۋ - باسقارۋ مەكەمەسى 10 - ايدىڭ 31 - كۇنى «ءدارى - دارمەكتەردىڭ تۇسىندىرمەسىن قارتتارعا ۇيلەسىمدى ەتىپ وزگەرتۋ جانە كەدەرگىسزدەندىرۋ رەفورماسىن تۇيىندە سىناق ەتۋ قىزمەتىنىڭ جوباسىن» جاريالاپ، كەيبىر ىشەتىن، جاعاتىن ت.ب. جاساۋلى ءدارى - دارمەكتەردىڭ تۇسىندىرمەسىن قارتتارعا ۇيلەسىمدى ەتىپ وزگەرتۋ جانە كەدەرگىسىزدەندىرۋ رەفورماسىن تۇيىندە سىناق ەتۋدى ماقۇلدادى. تۇيىندە سىناق ەتۋ قىزمەتىنىڭ ماقساتى — ءدارى - دارمەكتەردىڭ تۇسىندىرمەسىن باسقارۋدى جاقسارتىپ، قارتتاردىڭ، مۇگەدەكتەردىڭ ءدارى - دارمەكتەن پايدالانۋ قاجەتىن قاناعاتتاندىرىپ، ءدارى - دارمەكتەردىڭ تۇسىندىرمەسىن ”انىق كورۋگە بولمايتىن“ ماسەلەنى شەشىم ەتۋ.

　　جوبادا مىنالار ورتاعا قويىلعان: ولكە دارەجەلى ءدارى - دارمەكتەردى باقىلاۋ - باسقارۋ تاراۋلارى ۇيىمداستىرىپ، ءدارى - دارمەكتەردى بازارعا شىعارۋ رۇقسات كۋالىگىنە يە تۇلعا (تومەندە ”كۋالىككە يە تۇلعا“ دەپ قىسقارتىلىپ الىنادى) ءوز ەركىمەن ءوتىنىش ەتۋ، ساتىعا ءبولىپ اتقارۋ پرينسيپى بويىنشا، شاڭحاي، جياڭسۋ، جىجياڭ، جياڭشي، شاندۇڭ، حۋنان، گۋاڭدۇڭ، شانشي قاتارلى ولكە، توتە قاراستى قالالاردى تۇيىندە سىناق ەتەتىن ولكەلەر ەتىپ بەلگىلەۋ كەرەك. تۇيىندە سىناق ەتەتىن ولكەلەردەگى ولكە دارەجەلى ءدارى - دارمەكتى باقىلاۋ - باسقارۋ تاراۋلارى قاراماعىنداعى وڭىردەگى كۋالىككە يە تۇلعالاردان كەمىندە 5 تۇلعانى تۇيىندە سىناق ەتۋ قىزمەتىنە قاتىناسۋعا ۇيىمداستىرادى.

　　جوبادا مىنالار تالاپ ەتىلگەن: كۋالىككە يە تۇلعا «ءدارى - دارمەكتىڭ تۇسىندىرمەسىن (ىقشام نۇسقاسى) جانە ءدارى - دارمەكتىڭ تۇسىندىرمەسىن (ۇلكەن ءارىپتى نۇسقاسى) جازۋ باعدارناماسى» بويىنشا ءدارى - دارمەكتىڭ تۇسىندىرمەسىنىڭ ىقشام نۇسقاسىن، ۇلكەن ءارىپتى نۇسقاسىن دايىنداۋى ءارى ونىڭ شىندىعىنا، دۇرىستىعىنا بۇكىلدەي جاۋاپتى بولۋى كەرەك. ىقشام نۇسقا مەن ۇلكەن ءارىپتى نۇسقا انىق ءارى تانۋعا وڭاي بولۋى، قارتتاردىڭ، سوقىر ادامداردىڭ جانە باسقا كورۋ قۋاتىندا كەمىستىك بار ادامداردىڭ پايدالانۋىنا قولايلى بولۋى كەرەك. سونىمەن بىرگە، كۋالىككە يە ادام ءدارى - دارمەكتىڭ ەڭ شاعىن ساتىلىم قورابىنا نەمەسە ءدارى - دارمەكتىڭ قاعاز نۇسقاداعى تۇسىندىرمەسىنە جولاق كود نەمەسە ەكى ولشەمدى كود باسىپ، جايمالاۋ ارقىلى ءدارى - دارمەكتىڭ تۇسىندىرمەسىنىڭ ەلەكتروندى تولىق نۇسقاسىن كورۋگە مۇمكىندىك جاساۋى كەرەك. كۋالىككە يە تۇلعالاردى ءدارى - دارمەكتىڭ تۇسىندىرمەسىن، بەلگىسىن داۋىستاپ وقىپ بەرەتىن قىزمەت وتەۋدى، سوقىر ادامدارعا ارنالعان ينفورماتسيالاردى قوسۋعا، قارتتاردىڭ، سوقىر ادامداردىڭ جانە باسقا كورۋ قۋاتىنا كەمىستىك بار ادامداردىڭ ءدارى - دارمەكتى حاۋىپسىز پايدالانۋ قاجەتىن قاناعاتتاندىرۋعا شابىتتاندىرۋ كەرەك.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved