11 - ايدان باستاپ اتقارىلاتىن جاڭا بەلگىلەمەلەر تۇرمىسىمىزبەن تىعىز قاتىستى
2023.11.01 15:48 كەلۋ قاينارى : حالىق تورابى
11 - ايدان باستاپ، ءبىرقىدىرۋ جاڭا بەلگىلەمەلەر اتقارىلا باستايدى، قايسى بەلگىلەمەلەر ءبىزدىڭ تۇرمىسىمىزبەن تىعىز قاتىستى؟ بىرگە كورەيىك.
ەلەكترلى ۆەلوسيپەتكە قاتىستى مەملەكەتتىك ءتورت ءتۇرلى ولشەم رەسمي اتقارىلادى
ەلەكترلى ۆەلوسيپەتكە قاتىستى مەملەكەتتىك ءتورت ءتۇرلى ولشەم 11 - ايدىڭ 1 - كۇنىنەن باستاپ رەسمي اتقارىلادى. بۇل ولشەمدەردە ەلەكترلى ۆەلوسيپەتتى جوبالاۋ - جاساۋ، ونىڭ حاۋىپسىزدىگى مەن يقۋاتى، باتەريا جۇيەسى مەن بەلگىلەرى قاتارلى جاقتاردا ايقىن بەلگىلەمە جاسالعان، ەلەكترلى ۆەلوسيپەتتىڭ تۇتقاسى، ليتيلى باتەريا، جالپى توك جولىن جوبالاۋ، ەلەكتروندى مەڭگەرۋ جۇيەسى قاتارلىلارعا سايادى.
جاراتىلىستىق قورىقتاردى جان - جاقتى، كوپ تۇرعىلى باقىلاۋ ىسكە اسىرىلادى
ەكولوگيالىق ورتا مينيسترلىگى جاريالاعان «جاراتىلىستىق قورىقتاردىڭ ەكولوگيالىق ورتاسىن تەكسەرۋ جانە باقىلاۋدىڭ تەحنيكالىق ولشەمى» 11 - ايدىڭ 1 - كۇنىنەن باستاپ اتقارىلادى. «تەحنيكالىق ولشەمدە» جاراتىلىستىق قورىقتارداعى ورگانيزمدەردىڭ الۋان تۇرلىلىگى، ەكولوگيالىق جۇيەسىنىڭ قىزمەت وتەۋ يقۋاتى، ورتا ساپاسى، جاراتىلىستىق شارت - جاعداي جانە اپاتتار مەن ورىنسىز جاسالعان ارەكەتتەر قاتارلى 5 ءتۇرلى جاقتان ءبىرقىدىرۋ تەكسەرۋ جانە باقىلاۋ كورسەتكىشتەرى ورتاعا قويىلعان.
تاس جولدارداعى جوعارى دالدىكتەگى جولجەتەكتى ەلەكتروندى قاريتالار جونىندە جەتەكشى سيپاتتى ولشەم شىعارىلدى
جاراتىلىستىق بايلىق مينيسترلىگى جاريالاعان «تاس جولداعى جوعارى دالدىكتەگى جولجەتەكتى ەلەكتروندى قاريتالاردىڭ ساندى مالىمەتىن جۇيەگە ءتۇسىرۋ»، «تاس جولداعى جوعارى دالدىكتەگى جولجەتەكتى ەلەكتروندى قاريتالاردى ءوندىرۋدىڭ تەحنيكالىق ولشەمى» 11 - ايدىڭ 1 - كۇنىنەن باستاپ اتقارىلادى. بۇل ەكى ولشەمدە تاس جولداعى جوعارى دالدىكتەگى جولجەتەكتى ەلەكتروندى قاريتالاردىڭ ساندى مالىمەتى جونىندەگى نەگىزگى بەلگىلەمە، سۇلبالىق ساندى مالىمەت قالىبى، ماڭىزدى مازمۇندارى جانە ساندى مالىمەتتەردى جەتكىزۋ قاتارلىلاردى ايقىنداعان، ونىڭ اتقارىلۋى ەلىمىزدىڭ جوعارى دالدىكتەگى قاريتالاردى ولشەمدەندىرۋ جۇيەسىن جەدەل كەمەلدەندىرۋگە، قاتىستى كاسىپ سالاسىنىڭ دامۋى مەن ساۋدالىق سيپاتتا پايدالانىلۋىن جەدەلدەتۋگە ءتيىمدى.
ەكسپورت ەتەتىن زاتتاردى اسىلگى وندىرگەن جەردەگى كاسىپورىندار ەستەلىككە الدىرۋ كۇشىنەن قالدىرىلادى
كەدەن باس باسقارماسى 11 - ايدىڭ 1 - كۇنىنەن باستاپ ەكسپورت ەتەتىن زاتتاردى اسىلگى وندىرگەن جەردەگى كاسىپورىندار ەستەلىككە الدىرۋ ءىسىن كۇشىنەن قالدىرۋدى ماقۇلدادى، اسىلگى وندىرگەن جەر كۋالىگىن ءوتىنىش ەتكەن تۇلعانىڭ حالىقارالىق ساۋدانى ”ءبىر تەرەزەدەن ءبىتىرۋ“، ينتەرنەت + كەدەن، جۇڭگو ساۋدانى ىلگەرىلەتۋ قوعامىنىڭ ءوتىنىش بەرۋ جۇيەسى قاتارلىلار ارقىلى اسىلگى وندىرگەن جەر كۋالىگىن تىكەلەي بىتىرۋىنە بولادى. بۇل شەكارا اتتاعان ساۋدا ورتاسىن اناعۇرلىم جاقسارتىپ، ساۋدانىڭ قولايلىلىعىن جوعارىلاتادى.
بۇقارالىق سپورت جارىسىن وتكىزگەندە ءتورت ءتۇرلى كاسىپتىك ولشەمگە بويسۇنۋ كەرەك
مەملەكەتتىك دەنە تاربيە باس مەكەمەسى جاريالاعان بۇقارالىق سپورت سالاسىنداعى ءتورت ءتۇرلى ولشەم 11 - ايدىڭ 1 - كۇنىنەن باستاپ اتقارىلادى. بۇل ولشەمدەردە بۇقارالىق سپورت جارىستارىنىڭ حاۋىپسىزدىگىن ساراپتاۋ بارىسى، جوسپارلاۋ، اتقارۋ جانە قورىتىندىلاۋ، وتكىزۋگە قىزمەت وتەۋ جاعىنداعى نەگىزدىك تالاپتار، قىزمەت وتەۋگە قويىلاتىن تالاپتار، باسقارۋعا قويىلاتىن تالاپتار قاتارلى مازمۇندار ايقىن بەلگىلەنگەن، بۇل ءار دارەجەلى، ءتۇرلى بۇقارالىق سپورت جارىستارىن وتكىزۋگە قولدانىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
