شي جينپيڭ كۋبا عالىمى پەدروعا جاۋاپ حات جازدى

2023.11.01 16:28 كەلۋ قاينارى : حالىق تورابى

　　شينحۋا اگەنتتىگى، 10 - ايدىڭ 31 – كۇنى، بەيجيڭ. تاياۋدا مەملەكەت ءتوراعاسى شي جينپيڭ كۋبانىڭ ايگىلى عالىمى پەدروعا جاۋاپ حات جازدى.

　　شي جينپيڭ مىنالاردى اتاپ كورسەتتى: ءسىز ۇزاق ۋاقىتتان بەرى كۋبا مەن جۇڭگونىڭ ەرەكشە دوستىق قارىم - قاتىناسىن نىعايتۋعا كۇش سالىپ، جۇڭگو مەن شەتەلدىڭ عىلمي زەرتتەۋ سەلبەستىگىن بەلسەنە ىلگەرىلەتىپ، كوپتەگەن تىڭ ىلگەرىلەۋشىلىكتەرگە قول جەتكىزدىڭىز، مەن سىزگە جانە ءسىز باستاعان توپقا قۇتتى بولسىن ايتامىن.

　　شي جينپيڭ بىلاي دەپ دارىپتەدى: حالىقارالىق عىلىم - تەحنيكا سەلبەستىگى − ۇلكەن بەتالىس. ءار ەل عىلىم - تەحنيكادا جاڭالىق اشۋ ارقىلى ادامزاتتىڭ بەيبىتشىلىگى مەن دامۋ ىستەرىن بىرگە جەبەۋى كەرەك. بيىل − مەنىڭ ”ءبىر بەلدەۋ، ءبىر جول“ باستاماسىن العا قويعانىمنىڭ 10 جىلدىعى. بۇل باستامانىڭ ءتۇبىرلى شىعار ءتۇيىنى مەن تابان تىرەر تياناعى الىستاعى تۋىس پەن جاقىن كورشىلەردى بىرگە دامىتۋدىڭ جاڭا ءادىسىن قاراستىرىپ، ءار ەلگە باقىت جاراتاتىن، دۇنيە جۇزىنە تيىمدىلىك جەتكىزەتىن ”باقىت جولىن“ اشۋ. 10 جىلدان بەرى جۇڭگو جاق بىرگە قۇرۋشى مەملەكەتتەرمەن عىلىم - تەحنيكالىق اۋىس - كۇيىس پەن بىلىمنەن ورتاق يگىلىكتەنۋدى جەدەلدەتىپ، جاڭالىق اشۋ ورتاسىن ۇزدىكسىز ساپالىلاندىرىپ، جاڭالىق اشۋ بايلىعىن شوعىرلاندىرىپ، عىلىم - تەحنيكادا جاڭالىق اشۋ سەلبەستىگىن جەدەل ىلگەرىلەتىپ، كورنەكتى ونىمدىلىككە قول جەتكىزدى.

　　شي جينپيڭ بىلاي دەپ اتاپ كورسەتتى: جۇڭگو مەن كۋبانىڭ اعا بۋىن باسشىلارى بىرگە سومداعان ءداستۇرلى دوستىق تولىسىپ، ۇزدىكسىز مول جەمىس بەردى. بىلتىردان بەرى ەكى جاق جۇڭگو مەن كۋبانىڭ تاعدىرلاس ورتاق تۇلعاسىن قول ۇستاسا بىرگە قۇرۋ جونىندە ماڭىزدى ورتاق تانىمعا كەلدى. مەن جاڭا داۋىردە جۇڭگو مەن كۋبانىڭ عىلىم - تەحنيكانى قامتىعان ءار سالاداعى سەلبەستىگىنىڭ ۇزدىكسىز تەرەڭدەپ، ەكى ەل حالىقتارىنا ءتىپتى دە زور باقىت جاراتۋىن شىن جۇرەكتەن ءۇمىت ەتەمىن.

　　بىرنەشە كۇننىڭ الدىندا كۋبانىڭ ايگىلى عالىمى پەدرو ءتوراعا شي جينپيڭگە حات جولداپ، ءوزى باستاعان توپتىڭ جۇڭگودا مي عىلىمىن زەرتتەۋدى جانە جۇڭگو - كۋبا نەرۆ تەحنيكاسى سەلبەستىگىن ىلگەرىلەتۋدە قول جەتكىزگەن تابىستارىن تانىستىرىپ، جۇڭگو - كۋبا دوستىعىن ۇزدىكسىز جەبەپ، ”ءبىر بەلدەۋ، ءبىر جول“ باستاماسىنىڭ دۇنيە جۇزىندە اناعۇرلىم كەڭ كولەمدە تياناقتانۋىنا ۇلەس قوسۋدى قالايتىنىن بىلدىرگەن بولاتىن.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved