قامىرمەن كوپ جىل ”الىسقان“ جۇڭگولىق جىگىت دۇنيە جۇزىلىك بولكە پىسىرۋ باسەكەسىندە اعا جۇلدەگەر بولدى
2023.11.06 16:39 كەلۋ قاينارى : حالىق تورابى
وتكەن سەنبى كۇنى سۋجوۋدا شەبەرلەر اپتالىعى باسەكەسى باستالدى، وتقا قاقتاۋ ءتۇرى بويىنشا وتكەن باسەكەدە باعالاۋشى بولعان 95 - جىلدان كەيىنگى تۇلەك جۋىردا عانا حالىقارالىق جارىستا ەلدەن ەرەك ونەرىن ايگىلەگەن بولاتىن.
”بولكە سالاسىنىڭ وليمپياداسى“ دەپ اتالعان فرانسيادا وتكىزىلەتىن دۇنيە جۇزىلىك بولكە پىسىرۋ جارىسىندا 15 مەملەكەت پەن رايوننان كەلگەن شەبەرلەر وزدەرىنىڭ ەلدەن ەرەك بولكە پىسىرۋ ونەرلەرىن كورسەتتى. سەگىز ساعات قانا ۋاقىت ىشىندە ءجۇز نەشە ءتۇرلى بولكە پىسىرۋدى تالاپ ەتەتىن جوعارى ورەدەگى باسەكەدە جۇڭگو كومانداسى اعا جۇلدەگەر بولدى، بولكە پىسىرۋدا الەمدە الدىڭعى ورىندى بەرمەگەن جارىس وتكىزۋشى ەل فرانسيا تەك ەكىنشى ورىنعا يە بولدى. فرانسياداعى جەرگىلىكتى اقپارات قۇرالدارى: تاڭ قالارلىق جاعداي! جۇڭگولىقتار الەمگە ايگىلى بولكە پىسىرۋ جارىسىنىڭ اعا جۇلدەگەرى بولدى! — دەپ حابارلاعان.
گۇڭ شين بىلاي دەدى: بۇرىنعى جىلدارى نەگىزىنەن ەۆروپا ەلدەرىنىڭ سيلىق الۋى ءبىرشاما كوپ بولاتىن. دۇنيە جۇزىلىك بولكە پىسىرۋ جارىسىنا مەن ەكىنشى رەت قاتىناستىم، ءبىرىنشى رەت 2017 - جىلى كومەكشى بولىپ قاتىناسقانمىن. بيىل ءبىز 9 - كەزەكتى جارىسقا قاتىناسىپ، تاريحتاعى ەڭ جاقسى ناتيجەگە قول جەتكىزدىك، ويتكەنى، ءبىز بۇرىنعى جىلدارى ىلعي التىنشى بولاتىنبىز. سوندىقتان، ءبىز اعا جۇلدەگەر بولدى دەپ جاريالاعان كەزدە، ءبىز توتەنشە تەبىرەندىك. ءبىز بيىل جۇڭگودا عانا بولاتىن ماتەريالداردى بارىنشا كوپ پايدالاندىق، جۇڭگو شيزاڭ ارپاسىن جانە ارپا تالقانىن، سونداي - اق، جياڭسۋ ولكەسىنىڭ جەرگىلىكتى ەرەكشەلىككە يە تىكەندى تۇڭعيىق ءدانىن پايدالاندىق، كوپشىلىك جۇڭگونىڭ ازىقتىقتارىنا ءبىرشاما پەيىل تانىتىپ، ونى تۇسىنۋگە تىرىستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
