جۇقپالى تۇماۋ ءجيى تۋىلاتىن مەزگىل جەتتى، قالاي ىستەگەندە ءونىمدى ساقتانۋعا بولادى؟
2023.11.02 14:55 كەلۋ قاينارى : حالىق تورابى
11 - اي باستالعاننان بەرى، كۇندىز بەن تۇنگى اۋا رايىنىڭ پارقى ۇلعايدى، قازىر ءدال جۇقپالى تۇماۋ ءجيى تۋىلاتىن مەزگىل. جۇڭگو اۋرۋدان ساقتانۋ جانە تىزگىندەۋ ورتالىعى ۆيرۋستىق اۋرۋلاردان ساقتانۋ - تىزگىندەۋ باسقارماسى جۇقپالى تۇماۋدان ساقتانۋ مەملەكەتتىك ورتالىعىنىڭ مەڭگەرۋشىسى ۋاڭ دايان ەلىمىزدەگى جۇقپالى تۇماۋدىڭ جالپى جاعدايى قالاي ەكەنىن، جۇقپالى تۇماۋعا شالدىققاندا قالاي ىستەۋ قاجەت ەكەنىن تانىستىردى، بىرگە كورەيىك.
ەلىمىزدە جۇقپالى تۇماۋدىڭ جالپى جاعدايى قالاي؟
9 - ايدان بەرى، ەلىمىزدىڭ وڭتۇستىگىندەگى ولكەلەردە A تيپتى H3N2 قوسالقى تيپىن نەگىز ەتكەن جۇقپالى تۇماۋ كوبەيدى، ونىڭ ۇستىنە B تيپتى (Victoria) جۇقپالى تۇماۋ ۆيرۋسى دا بىرگە تارالۋدا.
10 - ايدان بەرى، ەلىمىزدىڭ سولتۇستىگىندەگى ءىشىنارا ولكەلەردە جۇقپالى تۇماۋدىڭ تارالۋى جيىلەي باستادى، بۇل A تيپتى H3N2 قوسالقى تيپىن نەگىز ەتكەن.
قازىر ەلىمىزدە جۇقپالى تۇماۋدىڭ تارالۋى ورتاشا - تومەن دەڭگەيدە، الايدا، جوعارىلاۋ بەتالىسى بايقالۋدا.
مامانداردىڭ ايتۋىنشا، مەجەمەن وڭتۇستىكتەگى ولكەلەر مەن سولتۇستىكتەگى ولكەلەر بىرتىندەپ جۇقپالى تۇماۋدىڭ ءجيى تۋىلاتىن مەزگىلىنە قادام تاستايدى ءارى كۇز بەن قىس مەزگىلىندەگى جۇقپالى تۇماۋدىڭ ءجيى تارالۋى سىندى جاعداي بايقالادى، بۇرىنعىمەن ۇقساس، ماۋسىمدىق سيپاتتى تارالۋ جاعدايى تۋىلادى. ”جۇقپالى تۇماۋ، باستىسى، مەكتەپ، بالا باعۋ ورىندارى، قارتتاردى كۇتىمدەۋ قۇرىلىمدارى قاتارلى ادامدار شوعىرلانعان ورىنداردا بايقالادى، ساقتانۋعا الدىن الا دايىندىق جاساعان ءجون“.
جۇقپالى تۇماۋعا شالدىققاندا قالاي ىستەۋ كەرەك؟
جۇقپالى تۇماۋ، كوبىنەسە، وزدىگىنەن تەجەلەتىن اۋرۋعا جاتادى، ادەتتە اۋرۋعا قاراي ەم قولدانىپ، اۋرۋ بەلگىلەرىن باسەڭدەتۋ نەگىز ەتىلەدى، الايدا، كەيبىر ناۋقاستاردىڭ اۋرۋى وكپە قابىنۋى سىندى اۋرۋلارعا اينالۋى ىقتيمال، ءتىپتى تەز ارادا سالماقتى اۋرۋعا اينالۋى دا مۇمكىن. دۇنيە جۇزىلىك دەنساۋلىق ساقتاۋ ۇيىمىنىڭ ساندى مالىمەتىنە قاراعاندا، دۇنيە ءجۇزى بويىنشا جۇقپالى تۇماۋعا شامامەن ەرەسەكتەردىڭ %5 تە %10 ى، بالالاردىڭ %20 دا %30 ى شالدىعادى ءارى كوپ بولعاندا مولشەرمەن 5 ميلليون ادام سالماقتى ناۋقاسقا شالدىعىپ، 650 مىڭ ادام قازا بولادى. جۇقپالى تۇماۋعا وڭاي شالدىعاتىن ادامدار — 5 جاستان تومەنگى بالالار، 65 جاستان جوعارعى قارتتار، جۇكتى ايەلدەر قاتارلىلار، وسى توپتاعى ادامدار جۇقپالى تۇماۋمەن جۇعىمدالعان سوڭ، اۋىر قوسالقى اۋرۋعا شالدىعۋ نەمەسە قازا بولۋ سالىستىرماسى ءبىرشاما جوعارى بولادى، جۇقپالى تۇماۋدىڭ سالماقتى ناۋقاسقا اينالۋىنان ساق بولۋ كەرەك. مەملەكەتتىك بالالار اۋرۋىن ەمدەۋ ورتالىعى بەيجيڭ بالالار ەمحاناسى جۇقپالى ىشكى اۋرۋلار ءبولىمىنىڭ مەڭگەرۋشىسى ليۋ گاڭنىڭ ايتۋىنشا، جۇعىمدالعان سوڭ، ونىڭ جەڭىل نەمەسە سالماقتى بولۋى اۋرۋعا شالدىقتىراتىن ۆيرۋسقا قاتىستى، ەرتەرەك شيپاگەرگە كورىنۋدى، سايكەستى دارىلەرمەن ەمدەلۋدى قۋاتتايمىز، ۆيرسقا قارسى ەمدەۋ، پرينسيپتىك جاقتان ايتقاندا، قانشا تەز بولسا سونشا جاقسى، ەڭ جاقسىسى 48 ساعات ىشىندە ەمدەلۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
