23 جاس جۇڭگو تانۋشى زەرتتەپ ءبىلىم اسىرۋدى اياقتاتىپ، تەرەڭ سۇيىسپەنشىلىكپەن قوشتاستى:
شينجياڭ سيىسىمدى دا جاراسىمدى جەر ەكەن
2023.11.01 16:54 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ مىڭمىڭ 10 - ايدىڭ 30 - كۇنى ۇرىمجىدەن حابارلايدى. 10 - ايدىڭ 30 - كۇنى 2023 - جىلعى جاس جۇڭگو تانۋشىلار زەرتتەپ ءبىلىم اسىرۋ جوسپارى شينجياڭ كلاسى شينجياڭ شىفان داشۋەسىنىڭ ۋىنچۋان مەكتەپ رايونىندا جابىلدى.
وسى رەتكى زەرتتەپ ءبىلىم اسىرۋ كلاسىن مادەنيەت جانە ساياحات مينيسترلىگى ۇيىمداستىرعان، جۇڭگو − شەتەل مادەنيەت اۋىس - كۇيىس ورتالىعى، اۆتونوميالى رايوندىق مادەنيەت جانە ساياحات مەڭگەرمەسى مىندەتىنە العان، شينجياڭ شىفان داشۋەسى سەلبەسىپ ورنالاستىرعان، ۇستاز جەتەكشىلىك ەتۋ، جوعارى دەڭگەيلى ءىلمي لەكسيالار جانە ناقتى ورىندا تەكسەرۋ ءوزارا ۇشتاستىرىلعان زەرتتەپ ءبىلىم اسىرۋ ۇلگىسى قولدانىلىپ، دۇنيە جۇزىندەگى ءار ەلدەن كەلگەن جاس جۇڭگو تانۋشىلاردىڭ جۇڭگونى جاقىن ارالىقتان بايقاۋىنا، ”ءبىر بەلدەۋ، ءبىر جولدى“ بىرگە قۇرۋ جاعدايىندا جۇڭگونىڭ اشىق دامۋ جاڭا ءورىسى مەن جاڭا جاعدايىن ءوز باستارىنان سەزىنۋىنە مۇمكىندىك جاسالدى.
21 كۇندە فيليپپين، گەرمانيا، ارگەنتينا، وزبەكستان قاتارلى 21 ەلدەن كەلگەن 23 جاس جۇڭگو تانۋشى قاشقار داشۋەسى، قاشقار بايىرعى قالاسى، قاشقار مۇراجايى، ءىپارحان باقشاسى سياقتىلارعا بارىپ شينجياڭنىڭ جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ جەتىستىكتەرىن، بايىرعى جىبەك جولىنىڭ دامۋ تاريحىن ناقتى سەزىندى؛ شينجياڭ حالىق تەاترحاناسىندا تيانشان كينو ستۋدياسى تۇسىرگەن بالالاردى جىگەرلەندىرەتىن فيلم «شاباندوزدى» كوردى؛ دۇنيە جۇزىلىك جاراتىلىستىق مۇرا ورنى تيانشان بوعدا كولى كورىنىس ءوڭىرىن كوزدەن كەشىردى؛ شينجياڭ شييۇيچۇن ءسۇت شارۋاشىلىعى شەكتى جاۋاپكەرشىلىك سەرىكتەستىگىندە، شينجياڭ اۋىل شارۋاشىلىق كورمە باقشاسىندا جاقىن ارالىقتان وسى زامانعى ءسۇت شارۋاشىلىعى مەن اۋىل شارۋاشىلىق عىلىم - تەحنيكاسىنىڭ دامۋىن سەزىندى.
جول بويى جاس جۇڭگو تانۋشىلار تابيعي شينجياڭنىڭ ايبىنى مەن كوركەمدىگىن، گۋمانيتارلىق شينجياڭنىڭ مول مايەگى مەن باي مازمۇنىن، كوركەمونەرگە تولى شينجياڭنىڭ اسەمدىگى مەن كوركەمدىگىن ءتۇسىندى، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا كوركەم شينجياڭدى ءتىپتى دە جاقىننان سەزىندى.
”جارتى ايدان استام ۋاقىت ۇيرەنۋ، زەرتتەۋ - تالقىلاۋ جانە ناقتى ورىندا ارالاۋ، اۋىس - كۇيىس جاساۋ ارقىلى مەن شينجياڭداعى كوپ نەگىزدى مادەنيەتتىڭ توعىسۋى مەن كوپ ۇلتتىڭ، كوپ ءدىننىڭ جاراسىمدى قاتار ءومىر سۇرۋىنەن جۇڭگونىڭ اشىق، سيىسىمدى ەكەندىگىن سەزىندىم، بۇل ءىشىنارا باتىس مەديالارىنان كورىپ - بىلگەن ينفورماتسيالارعا مۇلدە ۇقسامايدى ەكەن“. رۋمىنيا عىلىم اكادەمياسىنىڭ كومەكشى زەرتتەۋشىسى باۋلا بىلاي دەدى: قاشقار داشۋەسىنىڭ ورتاسى ماعان تەرەڭ اسەر قالدىردى، اسىرەسە، اۋدانى 37 مىڭ شارشى مەترلىك كىتاپحانا كوپتەگەن وقۋشىلارعا تىنىش تا جايلى ۇيرەنۋ ورتاسىن جاراتىپ بەرىپتى، ”جۇڭگو ۇكىمەتى شينجياڭداعى از ۇلتتاردىڭ مادەنيەتىن قورعاۋ ءۇشىن قىرۋار قۇلشىنىستار جاساپ، تاياۋ جىلداردان بەرى ماشينا بىرتىندەپ ورنىن باسقان قىش ىدىستار، كەستە تىگۋ، سۇيەك ويما سياقتى قولونەر بۇيىمدارىنا ۇزدىكسىز قولداۋ كورسەتىپتى؛ ءداستۇرلى ۇلتتىق سالت - سانانى ساياحاتپەن ۇشتاستىرىپ، مادەنيەت مۇرالارىن قورعاپتى، مىسالى، ءىپارحان باقشاسى، قاشقار بايىرعى قالاسى سياقتى كورىنىس وڭىرلەرى“.
گەرمانيا دەبينگىن داشۋەسىندە دوكتورلىق وقىپ جاتقان شي شياۋحۋا بىلاي دەدى: شينجياڭداعى ساپارىمدا ماعان ەڭ تەرەڭ اسەر قالدىرعانى كەيبىر قاراماققا وتە ۇساق ىستەر بولدى. مىسالى، وقۋشىلاردىڭ ساباقتان تۇسكەننەن كەيىن تاق - تۇق دوپ نەمەسە باسكەتبول ويناعانىن، بۇقارانىڭ كەشتە باقشادا الاڭ ءبيىن بيلەگەنىن كوردىم، جول بويىنداعى كوكونىس بازارىن جانە اسحانانى ارالادىم... ”بۇل جەردە تۇرمىس كەشىرۋ وتە حاۋىپسىز، وتە جايلى ەكەنىن سەزىندىم، بۇلار مەن كەلەردەن بۇرىن ەستىگەندەرىممەن ونشا ۇقسامايدى. مەن وسى ارادا ءبىر مەزگىل ۇيرەنىپ، تۇرمىس كەشىرگەننەن كەيىن عانا، شينجياڭنىڭ باۋراعىشتىعىن سەزىندىم: بۇل ءبىر سيىسىمدى، جاراسىمدى جەر ەكەن، ءتۇرلى ۇلت ادامدارى وسى ارادا شينجياڭنىڭ اناعۇرلىم كوركەم بولاشاعىن بىرگە تۇلعالاۋدا“.
قاشقار بايىرعى قالاسىندا، يران تەگەران داشۋەسى كۇڭزى شۋەيۋانىنىڭ يران جاق باستىعى حاميت پارسى تىلىندەگى ولەڭ - جىرلار ويىلعان كەرپىشتى بايقايدى، وعان ماحاببات جونىندەگى ءبىر شۋماق ولەڭ جازىلعان ەكەن، ول بۇنى كورىپ قاتتى اسەرلەندى. ”قاشقاردىڭ مادەنيەت مۇراسىنان حوتاننىڭ قاس تاسىنا دەيىن، ءتاتتى اناردان حوش ءيىسى اڭقىعان نانعا دەيىن، بارلىعىنان شينجياڭ سىندى وسى جەردىڭ سيىسىمدىلىعىن سەزىنۋگە بولادى. بۇل بۇگىنگى تاڭداعى دۇنيە جۇزىنە ەڭ قاجەتتى رۋح، جۇڭحۋا وركەنيەتىنىڭ كورنەكتى ەرەكشەلىگى عانا ەمەس، بۇكىل جەر شارىنداعى ادامزات ۇيرەنۋگە ءتيىستى ساباق“.
اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى شۇي رۇيجۇن مىنالاردى ءبىلدىردى: جاس جۇڭگو تانۋشىلار شينجياڭعا كەلىپ وسى ارانىڭ ەكونوميكالىق، قوعامدىق دامۋ وزگەرىسىن سەزىنىپ، وبيەكتيۆ، ءادىل تۇرعىعا جانە شىندىققا جۇگىنىپ، جاعدايمەن ساناسۋ سىندى وقىمىستىلىق قاسيەتىن تولىق ايگىلەدى ءارى جۇڭگو حالقىمەن، اسىرەسە، شينجياڭداعى ءار ۇلت حالقىمەن تەرەڭ دوستىق سۇيىسپەنشىلىك ورناتتى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
