الدىڭعى 3 ماۋسىمدا 9 بانكە شينجياڭعا جيىنى ءبىر تريلليون 100 ميلليارد يۋان قارىز اقشا تاراتتى
2023.11.01 16:53 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ۋاڭ يۇڭفي 10 - ايدىڭ 30 - كۇنى ۇرىمجىدەن حابارلايدى. اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسىنەن ۇعىسۋىمىزشا، الدىڭعى 3 ماۋسىمدا اۆتونوميالى رايونمەن ستراتەگيالىق سەلبەستىك كەلىسىمىن جاساسقان 9 بانكە شينجياڭعا جيىنى ءبىر تريلليون 100 ميلليارد يۋان قارىز اقشا تاراتقان. مۇنىڭ ىشىندە، ”8 ءىرى كاسىپ سالاسىنا“ تاراتقان قارىز اقشا 293 ميلليارد 200 ميلليون يۋانعا جەتىپ، جالپى تاراتىلعان سومانىڭ ％6. 26ىن يەلەگەن.
2022 - جىلدان بەرى ساۋدا - ونەركاسىپ بانكەسى، اۋىل شارۋاشىلىق بانكەسى، جۇڭگو بانكەسى، قۇرىلىس بانكەسى، قاتىناس بانكەسى، پوچتا امانات بانكەسى سىندى مەملەكەت مەنشىگىندەگى 6 ءىرى بانكە، مەملەكەتتىك وركەندەتۋ بانكەسى، اۋىل شارۋاشىلىعىن وركەندەتۋ بانكەسى، يمپورت - ەكسپورت بانكەسى سىندى 3 ساياساتتىق بانكە تۇگەلدەي اۆتونوميالى رايونمەن ستراتەگيالىق سەلبەستىك كەلىسىمىن جاساسىپ، ”14 - بەسجىلدىق“ كەزىندە 3 تريلليون 770 ميلليارد يۋاننان كەم بولمايتىن نيەتتىك سەنىمدىلىك سوماسىنا كەلىستى. كەلىسىم جاساسقان 9 بانكە 2022 - جىلى قارجى قوسۋ، قارجى قۇراۋ بويىنشا جيىنى ءبىر تريلليون 280 ميلليارد يۋاندىق قولداۋ كورسەتىپ، جىلدىق نىسانانى ％69. 144 ورىندادى.
بيىل اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى 9 بانكەنىڭ شينجياڭداعى اتقارۋشى بانكەسىمەن بەلسەنە ءتۇيىلىسىپ، جىلدىق كەلىسىم سەلبەستىك تۇرلەرىن تۇرلەر، تارماقتار بويىنشا جىكتەپ، ناقتىلاندىرىپ، تۇتاس جىلدىق تياناقتاندىرۋ نىساناسى مەن ماۋسىمدىق ىلگەرىلەتۋ نىساناسىن ايقىنداپ، ءارقايسى بانكەنىڭ كەلىسىم مازمۇنىن تياناقتاندىرۋىن، ەگجەي - تەگجەيلىلەندىرۋىن ىلگەرىلەتتى.
”كەلىسىم جاساسقان فينانس قۇرىلىمدارى سەلبەستىك كەلىسىمىندەگى مازمۇنداردى ارقاۋ ەتە وتىرىپ، قاتىستى پارىقتى قولداۋ ساياساتىن بەلسەنە شىعارىپ، جالپىلىق ونىمدىلىگى ءبىرشاما جاقسى بولدى“، - دەدى اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى فينانستى دامىتۋ باسقارماسىنىڭ باستىعى لۇي چىندۇڭ.
مۇنىڭ ىشىندە، مەملەكەتتىك وركەندەتۋ بانكەسى كەلەلى نىساندار ءتىزىمىن توپقا ءبولىپ ءتۇيىلىستىرىپ، وركەندەتۋ قىزمەتىنىڭ نىسانعا اينالۋىن، تىزىمگە ءتۇسۋىن، جاۋاپكەرشىلىككە الىنۋىن ىلگەرىلەتتى. 9 - ايدىڭ سوڭىنا دەيىن مەملەكەتتىك وركەندەتۋ بانكەسى شينجياڭ بولىمشە بانكەسىنىڭ حالىق اقشاسى، شەتەل اقشاسى نەسيە قالدىق سوماسى 384 ميلليارد 400 ميلليون يۋانعا جەتىپ، بۇكىل شينجياڭداعى فينانس قۇرىلىمدارىنىڭ قارىز اقشا قالدىق سوماسىنىڭ ％13 اينالاسىن يەلەدى.
تەكسەرىپ بەكىتۋ ۇقىق كولەمىن تومەنگە بەردى، اق تىزىمدەگى قاريدارلارعا پارىقتى ساياسات قولداندى... ءبىر قىدىرۋ پارىقتى شارالاردىڭ قولداۋ كورسەتۋىندە 9 - ايدىڭ سوڭىنا دەيىن اۋىل شارۋاشىلىق بانكەسىنىڭ شينجياڭداعى ءتۇرلى قارىز اقشا قالدىق سوماسى 331 ميلليارد 600 ميلليون يۋان بولدى؛ ءتۇرلى قارىز اقشا جىل باسىنداعىدان 54 ميلليارد 300 ميلليون يۋان ارتتى.
”استىق، ماقتا، مۇناي، اۋىل - قىستاقتى گۇلدەندىرۋ، اۋىل - قىستاق نەگىزدىك قۇرىلعىلار قۇرىلىسى سياقتى ءتۇيىندى سالالارعا مەڭزەس، ءبىز باس بانكەنىڭ ساياسات جاعىنان بەيىمدەلۋىنە قول جەتكىزىپ، تەكسەرىپ بەكىتۋ ءتارتىبىن ساپالىلاندىرىپ، قولداۋ سەرپىنىن ارتتىرامىز“، - دەدى اۋىل شارۋاشىلىعىن دامىتۋ بانكەسى شينجياڭ بولىمشە بانكەسى پارتكومىنىڭ شۋجيى جىڭ بين. 10 - ايدىڭ 19 - كۇنىنە دەيىن وسى بانكەنىڭ ءتۇرلى قارىز اقشا قالدىق سوماسى تۇڭعىش رەت 300 ميلليارد يۋاننان اسىپ، جىل باسىنداعىدان 9 ميلليارد 822 ميلليون يۋان ارتىپ، ارتۋ مولشەرى ％38. 3 بولدى.
”كەلىسىم جاساسقان 9 بانكە امانات - قارىز ساياساتى، قارجى كولەمى، قىزمەت وتەۋ ونىمدىلىگى جانە بايلىق ورنالاستىرۋ جاعىندا شينجياڭعا بەيىمدەلۋ سەرپىنىن ۇزدىكسىز ارتتىرىپ، شينجياڭنىڭ ’8 ءىرى كاسىپ سالاسى شوعىرى‘، ’ءبىر بەلدەۋ، ءبىر جول‘ وزەكتى رايون قۇرىلىسى، اۋىل - قىستاقتى گۇلدەندىرۋ سياقتى’14 - بەسجىلدىق‘ كەزىندەگى ءتۇيىندى سالالارعا، ءتۇيىندى كاسىپ سالالارىنا، ءتۇيىندى نىساندارعا كۇش قاينارىن جانە تەبىندى قوزعاۋشى كۇش ۇستەدى“، - دەدى اۆتونوميالى رايوندىق جەرگىلىكتى فينانستى باقىلاۋ - باسقارۋ مەكەمەسى پارتيا باسشىلىق گرۋپپاسىنىڭ شۋجيى لي شاۋفىڭ.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
