تارىم مۇناي الابىنىڭ گازدى باتىستان شىعىسقا جەتكىزۋ قۇبىر تورىنىڭ قامداعان گازى 340 ميلليارد تەكشەمەتردەن استى
2023.11.01 16:53 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى يۇي جياڭيان، ەرىكتى ءتىلشى ۋاڭ چىڭكاي 10 - ايدىڭ 30 - كۇنى ۇرىمجىدەن حابارلايدى. جۇڭگو مۇناي تارىم مۇناي الابى بولىمشە سەرىكتەستىگىنەن ۇعىسۋىمىزشا، 10 - ايدىڭ 30 - كۇنى ساعات 8گە دەيىن تارىم مۇناي الابىنىڭ گازدى باتىستان شىعىسقا جەتكىزۋ قۇبىر تورى ارقىلى جەتكىزگەن تابيعي گازى جيىنى 340 ميلليارد تەكشەمەتردەن اسىپ، بەيجيڭ، شاڭحاي قاتارلى 15 ولكە، رايون، قالاداعى، 120 نەشە ءىرى، ورتا قالاداعى 400 ميلليوننان استام تۇرعىندى يگىلىككە كەنەلتىپ، تومەنگى اعاردىڭ ەكونوميكالىق، قوعامدىق دامۋىنا، حالىق تۇرمىسىنا پايدالانىلاتىن گازبەن قامتاماسىز ەتۋگە ۇزدىكسىز ”جىلى اعىس“ ۇستەگەن.
تارىم مۇناي الابىنىڭ تابيعي گازدى جينايتىن - جەتكىزەتىن ”جۇرەگى“ اتالعان گازدى باتىستان شىعىسقا جەتكىزۋ 1 - بەكەتى − تارىم مۇناي الابىنىڭ ％85تەن استام تابيعي گازىن سىرتقا جەتكىزۋ مىندەتىن ارقالاعان، تابيعي گازدىڭ جوعارى اعارىنداعى گاز قاينارلارىن جانە تومەنگى اعارداعى گاز جەتكىزۋ قۇبىرى تورىن تۇتاستىراتىن ماڭىزدى توراپ بەكەتى. 1 - ايدىڭ 18 - كۇنى باس شۋجي شي جينپيڭ بەينە ەكران جالعانىمى ارقىلى جۇڭگو مۇناي تارىم مۇناي الابى سەرىكتەستىگى لۇننان مۇناي - گاز ساقتاۋ - تاسىمالداۋ ورتالىعى گازدى باتىستان شىعىسقا جەتكىزۋ 1 - بەكەتى كىلا تابيعي گاز جيناۋ وڭىرىندەگى قىزمەتكەرلەرگە امانداسىپ، ولاردان حال سۇرادى.
ىقىلاستى تاپسىرمانى ەستە بەرىك ساقتاپ، بيىلعى قىستان كەلەر جىلى كوكتەمگە دەيىنگى گازبەن قامداۋدىڭ ”ۇلكەن سىناعىنا“ بەتپە - بەت كەلىپ، تارىم مۇناي الابى قىستا تابيعي گازبەن قامداۋعا دايىندىق جاساۋدى جاپپاي ويداعىداي ىستەپ، ءوندىرىس قۋاتى قۇرىلىسىنداعى ءتۇيىندى ينجەنەريالاردىڭ تاكلاماكان شولىندە ىلگەرىندى - كەيىندى وندىرىسكە قوسىلۋىن ىلگەرىلەتتى. 10 - ايدىڭ 15 - كۇنى بوز تابيعي گازدى ءبىر جاقتى ەتۋ زاۆودى سالىنىپ، وندىرىسكە قوسىلىپ، ەلىمىزدەگى ەڭ ۇلكەن ەرەكشە تەرەڭ قاباتتاعى ۇيىعان گازدى الاپ − بوز - دابەي گاز الابىنىڭ تابيعي گازدى جىلدىق ءبىر جاقتى ەتۋ قۋاتىن 10 ميلليارد تەكشەمەتر ۇلكەن وتكەلدەن اسىرۋىن ىلگەرىلەتتى؛ كەزەكتە فۋمان مۇناي الابى فۋيۋان بىرلەسكەن پۋنكتى قۇرىلىسى اياقتاۋ ساتىسىنا ءوتتى، ينجەنەريا وندىرىسكە قوسىلعاننان كەيىن تابيعي گازدى كۇندىك ءبىر جاقتى ەتۋ كولەمى 2 ميلليون تەكشەمەترگە ارتادى.
”بيىل قىس، كەلەر جىلى كوكتەمگە دەيىن گازدى باتىستان شىعىسقا جەتكىزۋ قۇبىر تورىنىڭ ەڭ جوعارى بولعاندا كۇندىك گازبەن قامداۋ مولشەرى 80 ميلليون تەكشەمەتر اينالاسىنا جەتەدى“. تارىم مۇناي الابى مۇناي - گاز جەتكىزۋ - ساتۋ ىستەرى ءبولىمى پارتكومىنىڭ شۋجيى، اتقارۋشى القاسى چاڭ گۇيچۋان مىنالاردى ءبىلدىردى: گازدى باتىستان شىعىسقا جەتكىزۋ 1 - بەكەتى تابيعي گازبەن 6900 كۇن ءۇرتىس حاۋىپسىز قامداپ، ”قامداۋدى ءبىر ساعات تا توقتاتپاۋ، قامداۋدى ءبىر كۇن دە ۇزبەۋ“سىندى قامداۋدى قامتاماسىز ەتۋ ۋادەسىن امالياتتا ايگىلەدى.
1998 - جىلى 9 - ايدا تارىم مۇناي الابى كىلا 2 - قۇدىعىن ولشەپ سىناۋدا جوعارى ءونىمدى تابيعي گاز اعىنىنا يە بولىپ، باتىس بولىكتى قاۋىرت اشۋداعى بەلگى سيپاتتى ينجەنەريا − گازدى باتىستان شىعىسقا جەتكىزۋ ينجەرنەريا قۇرىلىسىن تىكەلەي قالىپتاستىردى. 2004 - جىلى 10 - ايدىڭ 1 - كۇنى گازدى باتىستان شىعىسقا جەتكىزۋ 1 - جەلىسى ينجەنەرياسى سالىنىپ ءبىتىپ وندىرىسكە قوسىلىپ، بۇكىل ەلدىڭ شىعىسى مەن باتىسىن ەندەي وتەتىن ەنەرگيا كۇرە تامىرى وسىعان بايلانىستى قالىپتاستى. وسىدان سوڭ ىلگەرىندى - كەيىندى گازدى باتىستان شىعىسقا جەتكىزۋ 2 - جەلىسى، 3 - جەلىسى ينجەنەرياسى سالىنىپ ءبىتتىپ وندىرىسكە قوسىلدى، 4 - جەلىسى ينجەنەرياسى سالىنۋ ۇستىندە.
گازدى باتىستان شىعىسقا جەتكىزۋ 1 - جەلىسى ينجەنەرياسى وندىرىسكە قوسىلعان 19 جىلدان بەرى تارىم مۇناي الابى مەملەكەتتىڭ ەنەرگيا حاۋىپسىزدىگىن قامتاماسىز ەتۋدى جانە تابيعي گازبەن ورنىقتى قامداۋدى باستان - اياق ماڭداي الدى ساياسي مىندەت ەتىپ، تابيعي گازبەن قامداۋدى قامتاماسىز ەتۋ قۋاتىن بار كۇشپەن جوعارىلاتتى. سوڭعى جىلدارى ىلگەرىندى - كەيىندى كىلا - كىشىن، بوز - دابەي سىندى تريلليون تەكشەمەترلىك 2 ءىرى گازدى ءوڭىرىن تياناقتاندىرىپ، ەلىمىزدىڭ قۇرلىقتاعى ەڭ تەرەڭ كىشىن 9 تابيعي گاز الابى، ەلىمىزدىڭ قۇرلىقتاعى قىسىمى ەڭ جوعارى كىشىن 13 تابيعي گاز الابى سياقتى ءبىر توپ ءىرى، ورتا مۇناي الاپتارىن ءساتتى اشىپ، ەلىمىزدەگى 3 ءىرى نەگىزگى كۇش تابيعي گاز ءوڭىرىنىڭ بىرىنە اينالدى. 2022 - جىلى تارىم مۇناي الابىنىڭ مۇناي - تابيعي گاز ءونىم مولشەرى ەكۆيۆالەنتى 33 ميلليون 100 مىڭ تونناعا جەتتى، مۇنىڭ ىشىندە تابيعي گاز ءونىم مولشەرى 32 ميلليارد 300 ميلليون تەكشەمەتر بولىپ، گازدى باتىستان شىعىسقا جەتكىزۋدى سەنىمدى گاز قاينارىمەن قامدادى.
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
