بىرلەسكەن مەملەكەتتەر ۇيىمىنىڭ ءماجىلىسى داۋىس بەرىپ ماقۇلدادى! ا ق ش - ىن بۇل ارەكەتتى توقتاتۋعا قۋزادى
2023.11.03 14:09 كەلۋ قاينارى : حالىق تورابى
جەرگىلىكتى ۋاقىت بويىنشا 11 - ايدىڭ 2 - كۇنى بىرلەسكەن مەملەكەتتەر ۇيىمىنىڭ ءماجىلىسى 187 داۋىستىڭ قولداۋى، 2 داۋىستىڭ قارسى تۇرۋى، ءبىر داۋىستىڭ قالىس قالۋى سىندى ناتيجەمەن قاۋلى قابىلداپ، ا ق ش - ىن كۋباعا قاراتقان ەكونوميكالىق، ساۋدالىق جانە فينانستىق قۇرشاۋدى توقتاتۋعا قايتالاي قۋزادى. ا ق ش پەن يزرايل قارسى داۋىس بەردى. بۇل بىرلەسكەن مەملەكەتتەر ۇيىمىنىڭ جالعاستى 31 - رەت وسى تەكتەس قاۋلىنى قابىلداۋى.
اقپارات جالعانىمى: ا ق ش - نىڭ كۋبانى قۇرساۋلاعانىنا جانە ساۋدالىق تاسىمالعا تيىم سالعانىنا 60 جىلدان استى
1959 - جىلعى كۋبا توڭكەرىسىنەن كەيىن، ا ق ش ۇكىمەتى كۋباعا جاۋلاسۋ ساياساتىن ۇستاندى. 1961 - جىلى ا ق ش مەن كۋبا ديپلوماتيالىق قاتىناسىن ءۇزدى. كەلەسى جىلى ا ق ش كۋباعا ەكونوميكالىق، فينانستىق قۇرساۋلاۋ ساياساتىن اتقاردى جانە ساۋدالىق تاسىمالعا تيىم سالدى. 1996 - جىلى 3 - ايدا ا ق ش ”حەلمۋس - بۋرتون زاڭىن“ بەلگىلەپ، كۋبامەن ەكونوميكالىق، ساۋدالىق بارىس - كەلىس جاساعان بارلىق شەتەل سەرىكتەستىكتەرىن قاتاڭ جازالاۋدى بەلگىلەدى. 2015 - جىلى 7 - ايدا ا ق ش مەن كۋبا ەكى ەل ديپلوماتيالىق قاتىناستى رەسمي قالپىنا كەلتىردى، الايدا، ا ق ش ۇكىمەتى كۋباعا قاراتقان قۇرساۋلاۋ ساياساتىن ءالى بۇكىلدەي كۇشىنەن قالدىرعان جوق.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
