جۇڭگو ب م ۇ حاۋىپسىزدىك القالار كەڭەسىنىڭ 11 - ايداعى كەزەكشى ءتوراعاسى مىندەتىن وتەيدى

2023.11.03 14:50 كەلۋ قاينارى : حالىق تورابى

　　شينحۋا اگەنتتىگىنىڭ 11 – ايدىڭ 1 – كۇنى ب م ۇ – دان بەرگەن حابارى. جۇڭگو 11 – ايدىڭ 1 – كۇنىنەن باستاپ ب م ۇ حاۋىپسىزدىك القار كەڭەسىنىڭ 11 - ايداعى كەزەكشى ءتوراعاسى مىندەتىن وتەيدى. سول كۇنى جۇڭگونىڭ ب م ۇ – داعى تۇراقتى ۋاكىلى جاڭ جۇن حاۋىپسىزدىك القالار كەڭەسىنىڭ ىشكى كەڭەسىن باسقارىپ، حاۋىپسىزدىك القار كەڭەسىنىڭ وسى ايداعى قىزمەت جوسپارىن ماقۇلدادى.

　　سۋرەتتە: 11 – ايدىڭ 1 – كۇنى، نيۋ – يوركتەگى ب م ۇ – نىڭ باس شتابىندا جۇڭگونىڭ ب م ۇ – داعى تۇراقتى ۋاكىلى جاڭ جۇن (سولدا) اقپارات قۇرالدارىنا قۇلاق قاعىس ەتۋ ماجىلىسىندە ءسوز سويلەدى. شينحۋا اگەنتتگىنىڭ ءتىلشىسى شيە- ى فوتوسى

　　جاڭ جۇن بىلاي دەدى: پالەستينا – يزرايل جاعدايى حاۋىپسىزدىك القار كەڭەسىنىڭ وسى ايداعى كەڭەس تارتىبىندەگى ماڭىزدى قىزمەتى. كوز الداعى شۇعىل مىندەت — سوعىستى توقتاۋدى ىلگەرىلەتىپ، ءتىپتى دە كوپ جاي بۇقاراىنىڭ ءولىم – ءجىتىمىنىڭ، ءتىپتى دە كولەمدى ادامگەرشىلىك اپاتى مەن قاقتىعىسىنىڭ سىرتقا جايىلۋىنىڭ الدىن الۋ. حاۋىپسىزدىك القالار كەڭەسىنىڭ كەزەكشى ءتوراعاسى رەتىندە، جۇڭگو حالىقارالىق قوعامنىڭ ۇنىنە سايكەسىپ، قاتىستى جاقتارمەن بىرگە حاۋىپسىزدىك القالار كەڭەسىنىڭ دەر كەزىندە جاۋاپكەرشىلىك ارقالايتىن، ماعىنالى كوللەكتيۆ ارەكەت قولدانۋىن ىلگەرىلەتەدى.

　　قىزمەت جوسپارىنا ساي، حاۋىپسىزدىك القالار كەڭەسى وسى ايدا پالەستينا - يزرايل، سيريا، يەمەن، بوسنيا قاتارلى كوپتەگەن ماسەلەلەردى قاراپ شىعادى. جۇڭگونىڭ دارىپتەۋىمەن حاۋىپسىزدىك القالار كەڭەسى 11 – ايدىڭ 20 – كۇنى ”بىرگە دامۋ، باياندى بەيبىتشىلىكتى جەبەۋ“ تاقىرىبىندا اشىق ايتىس وتكىزەدى.

　　حاۋىپسىزدىك القالار كەڭەسىنىڭ ءتوراعاسى مىندەتىن حاۋىپسىزدىك القالار كەڭەسىنە مۇشە 15 ەل كەزەكتەسىپ ءبىر ايدان وتەيدى. جۇڭگو الدىڭعى رەت 2022 – جىلى 8 – ايدا ءتوراعا بولعان.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved