جۇڭگو ـ قازاقستان سەلبەستىك ورتالىعىندا تۇڭعىش شەتەل قارجىسى بانكەسى قۇرىلدى
2023.11.06 15:25 كەلۋ قاينارى : حالىق تورابى
11 – ايدىڭ 3 – كۇنى قازاقستاننىڭ ورتالىق امانات - قارىز بانكەسى جۇڭگو - قازاقستان قورعاس حالىقارالىق شەكارالىق سەلبەستىك ورتالىعىنىڭ (قىسقاشا ”جۇڭگو - قازاقستان سەلبەستىك ورتالىعى“ دەلىنەدى) قازاقستان جاق رايونىنا ىرگە تەپتى. بۇل جۇڭگو (شينجياڭ) ەركىن ساۋدا سىناق رايونى ماڭدايشالىق اسقاننان كەيىن، جۇڭگو ـ قازاقستان سەلبەستىك ورتالىعىنا ىرگە تەپكەن تۇڭعىش شەتەل قارجىلاندىرعان بانكە.
”قازاقستان ورتالىق امانات ـ قارىز بانكەسى جۇڭگو ـ قازاقستان سەلبەستىك ورتالىعىندا جۇمىس باستادى، بۇل جۇڭگو ـ قازاقستان ەكى جاقتىڭ فينانس كاسىپ كۇيىن بارىنشا بايىتادى“ دەدى قورعاس قالالىق پارتكومنىڭ ورىنباسار شۋجيى، ۋاقىتتىق قالا باستىعى پي لۇيپيڭ.
قازاقستان ورتالىق امانات - قارىز بانكەسى قازاقستاندا ەڭ ەرتە قۇرىلعان ساۋدا بانكەلەرىنىڭ ءبىرى. اتالعان بانكەنىڭ جۇڭگو ـ قازاقستان سەلبەستىك ورتالىعىنىڭ بولىمشە بانكەسى جۇڭگو ـ قازاقستان ەكى جاقتى ءوز اقشاسىمەن ەسەپ جابۋ جانە ەسەپ اداقتاۋ، ناق اقشانى ساقتاۋ – شىعارىپ الۋ، شەكارا اتتاپ جوتكەۋ جانە نەگىزگى حالىقارالىق اقشانىڭ شەكارا اتتاپ ەسەپ جابۋ كاسىبى قاتارلى جۇمىستاردى جۇرگىزىپ، جۇڭگو ـ قازاقستان ەكى جاقتىڭ ساۋداگەرلەرىن، تۇرعىندارىن شەكارا اتتاعان اناعۇرلىم جان ـ جاقتى فينانستىق قىزمەت وتەۋمەن قامدايدى.
وسى رەت قازاقستان بانكەسىنىڭ ىرگە تەبۋى جۇڭگو مەن قازاقستان ەكى جاقتىڭ حالىق اقشاسى مەن تەڭگەنىڭ ناق اقشاسىن ايىرباستاۋ، ەسەپ اداقتاۋ، جوتكەۋ قىزمەتىندە ورىن تەۋىپ وتىرعان ماسەلەلەردى اناعۇرلىم ويداعىداي شەشىپ، ەكى ەل اقشاسىنىڭ اينالىم ورتاسىن جاقسارتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
