شي جينپيڭ سەربيانىڭ زۇڭليى بۋرنابيچپەن كەزدەستى
2023.11.07 16:44 كەلۋ قاينارى : حالىق تورابى
 |
11 - ايدىڭ 6 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا سەربيانىڭ زۇڭليى بۋرنابيچپەن كەزدەستى.
سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن
|
شينحۋا اگەنتتىگى، 11 - ايدىڭ 6 - كۇنى، بەيجيڭ (ءتىلشى جىڭ ميڭدا). 11 - ايدىڭ 6 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا سەربيانىڭ زۇڭليى بۋرنابيچپەن كەزدەستى.
شي جينپيڭ بىلاي دەپ اتاپ كورسەتتى: تاياۋدا زۇڭتۇڭ ۋچيچ جۇڭگوعا كەلىپ، 3 - كەزەكتى”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىنە قاتىناستى، وسى رەت زۇڭلي حانىمنىڭ جۇڭگوعا كەلىپ 6 - كەزەكتى جۇڭگو حالىقارالىق يمپورت كورمەسىنە قاتىناسۋى سەربيا جاقتىڭ جۇڭگو حالقىنا دەگەن شىنايى دوستىعىن جانە جۇڭگومەن قارىم - قاتىناسىن دامىتۋداعى بەرىك سەنىمىن ايگىلەدى. جۇڭگو مەن سەربيا − بوران - شاشىندى باستان كەشىرگەن، تار جول، تايعاق كەشۋلەردى بىرگە وتكەرگەن اينىماس دوستار. ەكى ەل قارىم - قاتىناسىنىڭ تاريحي قورداسى مول، حالىق رايى نەگىزى بەرىك، ورتاق مۇددەسى كەڭ، سەلبەستىك قوزعاۋشى كۇشى مىعىم. تاياۋ جىلداردان بەرى ەكى جاقتى قارىم - قاتىناس ءۇرتىس جوعارى دەڭگەيدە جالعاسىپ، جالپى بەتتىك ستراتەگيالىق سەرىكتەستىك قارىم - قاتىناستىڭ مازمۇنى كۇن سايىن بايىپ، ناقتى سەلبەستىكتە سۇبەلى تابىستارعا قول جەتتى. جاڭا جاعدايدا جۇڭگو جاق سەربيا جاقپەن بىرگە ەكى ەل قارىم - قاتىناسىنىڭ ساپالى دامۋىن ىلگەرىلەتىپ، ەكى ەل حالىقتارىنا ءتىپتى دە زور باقىت جاراتۋدى قالايدى.
شي جينپيڭ بىلاي دەپ دارىپتەدى: ەكى جاق ەكى ەلدىڭ سەلبەستىك ءىرى نىساندارىن ويداعىداي قۇرۋعا، ىسكە قوسۋعا بىرگە قۇلشىنىپ، جۇڭگو مەن سەربيانىڭ ەركىن ساۋدا كەلىسىمىنىڭ ەرتەرەك كۇشكە يە بولۋىن ىلگەرىلەتىپ، عىلىم - تەحنيكادا جاڭالىق اشۋ سەلبەستىگىن كۇشەيتىپ، وقۋ - اعارتۋ، دەنە تاربيە، ساياحات سياقتى سالالارداعى سەلبەستىكتى تەرەڭدەتىپ، ادامداردىڭ بارىس - كەلىسىن كەڭەيتىپ، جۇڭگو مەن سەربيانىڭ دوستىعىنا مۇراگەرلىك ەتۋى جانە ونى ساۋلەلەندىرۋى كەرەك. جۇڭگو جاق سەربيانىڭ دەربەس، ءوز - وزىنە قوجا بولۋ سىندى دامۋ جولىمەن ءجۇرۋىن قولدايدى، سەربيا جاقپەن كوپ جاقتى سايكەسۋدى، سەلبەسۋدى كۇشەيتىپ، حالىقارالىق ادىلدىك پەن ادىلەتتىلىكتى بىرگە قورعاۋدى قالايدى.
بۋرنابيچ مىنانى ءبىلدىردى: مەن 2019 - جىلى جۇڭگوعا كەلىپ شاڭحاي يمپورت كورمەسىنە قاتىناستىم، ارادا بىرنەشە جىلدان كەيىن جۇڭگوعا تاعى دا ساپارلاي كەلدىم، مەن جۇڭگونىڭ جەدەل دامىعانىنا، گۇلدەنگەنىنە، سونداي - اق ءتوراعا شي جينپيڭنىڭ ستراتەگيالىق كورەگەندىگى مەن كورنەكتى باسشىلىق قۋاتىنا ءتانتىمىن. سەربيا مەن جۇڭگونىڭ قارىم - قاتىناسى بەرىك، جاقسى، جۇڭگو سەربيانىڭ ەڭ ۇلكەن قارجى قوسۋ سەرىگىنە اينالدى، حىگاڭ سمەداريەۆسكي بولات زاۆودى سياقتى سەلبەستىك نىساندارى سەربيا ەلىنىڭ دامۋ بەت - بەينەسىن وزگەرتتى. ەكى ەل جارتى جىل ىشىندە ەركىن ساۋدا كەلىسىمىنە قول قويىپ، ەكى جاقتىڭ قارىم - قاتىناستى ونان ارى تەرەڭدەتۋگە كۇش سالۋ بەرىك بەكىمىن تولىق ايگىلەدى. جۇڭگو سەربيانىڭ مەملەكەتتىڭ يەلىك ۇقىعى مەن ار - نامىسىن قورعاۋىن باستان - اياق قولداپ كەلەدى، سەربيا حالقى بۇعان ەرەكشە العىس ايتادى. سەربيا جاق ءبىر جۇڭگو ساياساتىن باتىل اتقارادى، جۇڭگو جاقپەن ۇزدىكسىز ءوزارا قولداۋ كورسەتىپ، ”ءبىر بەلدەۋ، ءبىر جولدى“ بىرگە قۇرۋدى ۇزدىكسىز ىلگەرىلەتىپ، عىلىم - تەحنيكادا جاڭالىق اشۋ، گۋمانيتارلىق سياقتى ءار سالاداعى سەلبەستىكتى تەرەڭدەتۋدى ءۇمىت ەتەدى.
ۋاڭ ي كەزدەسۋدە بىرگە بولدى.
كەلۋ قاينارى: حالىىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
