شي جينپيڭ تۇڭعىش كەزەكتى ”ءبىر بەلدەۋ، ءبىر جول“ عىلىم - تەحنيكا اۋىس - كۇيىس جينالىسىنا قۇتتىقتاۋ حاتىن جولدادى

2023.11.07 16:50 كەلۋ قاينارى : حالىق تورابى

　　شينحۋا اگەنتتىگى، 11 - ايدىڭ 6 - كۇنى، بەيجيڭ. 11 - ايدىڭ 6 - كۇنى مەملەكەت ءتوراعاسى شي جينپيڭ تۇڭعىش كەزەكتى ”ءبىر بەلدەۋ، ءبىر جول“ عىلىم - تەحنيكا اۋىس - كۇيىس جينالىسىنا قۇتتىقتاۋ حاتىن جولدادى.

　　شي جينپيڭ بىلاي دەپ اتاپ كورسەتتى: 3 – كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرى ءساتتى وتكىزىلىپ، ”ءبىر بەلدەۋ، ءبىر جولدى“ بىرگە قۇرۋ ساپالى دامۋدىڭ جاڭا كەزەڭىنە ءوتتى. عىلىم - تەحنيكا سەلبەستىگى − ”ءبىر بەلدەۋ، ءبىر جولدى“ بىرگە قۇرۋ سەلبەستىگىنىڭ ماڭىزدى قۇرامداس بولىگى. جۇڭگو جاق بەيبىت بولۋ جانە سەلبەسۋ، اشىق جانە سيىسىمدى بولۋ، ءوزارا ۇيرەنىپ، ءبىر - بىرىنەن ۇلگى الۋ، ءوزارا پايدا جەتكىزىپ، تەڭ يگىلىكتەنۋدى وزەك ەتكەن جىبەك جولى رۋحىن ساۋلەلەندىرىپ، ”ءبىر بەلدەۋ، ءبىر جول“ عىلىم - تەحنيكادا جاڭالىق اشۋ ارەكەت جوسپارىن ىشكەرىلەي اتقارىپ، حالىقارالىق عىلىم - تەحنيكادا جاڭالىق اشۋ اۋىس - كۇيىسىن ىلگەرىلەتىپ، ءار ەلمەن بىرگە جاڭالىق اشۋ نەگىزىندە ارتۋدىڭ كومەسكى كۇشىن اشىپ، جاڭالىق اشۋ سەلبەستىگىنىڭ كومەسكى كۇشىن قاۋلاتىپ، جاڭالىق اشۋ سەرىكتەستىك قارىم - قاتىناسىن كۇشەيتىپ، جاڭالىق اشۋ جەتىستىكتەرىنىڭ ءار ەل حالقىن اناعۇرلىم كوپ يگىلىككە كەنەلتۋىن جەبەپ، ”ءبىر بەلدەۋ، ءبىر جولدى“ بىرگە قۇرۋدىڭ ساپالى دامۋىنا دەم بەرىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى.

　　تۇڭعىش كەزەكتى ”ءبىر بەلدەۋ، ءبىر جول“ عىلىم - تەحنيكا اۋىس - كۇيىس جينالىسىنىڭ نەگىزگى تاقىرىبى ”جاڭالىق اشۋ جولىن بىرگە قۇرىپ، سەلبەسىپ دامۋدى بىرگە جەبەۋ“ بولدى، عىلىم - تەحنيكا مينيسترلىگى، جۇڭگو عىلىم اكادەمياسى، جۇڭگو ينجەنەريا اكادەمياسى، جۇڭگو عىلىم - تەحنيكا قوعامى، چۇڭچيڭ قالالىق حالىق ۇكىمەتى جانە سىچۋان ولكەلىك حالىق ۇكىمەتى بىرلەسىپ ۇيىمداستىردى، مەملەكەتتىك دامۋ جانە رەفورما كوميتەتى قولداۋ كورسەتۋشى ورىن بولدى، وسى كۇنى چۇڭچيڭ قالاسىندا اشىلدى.

　　كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved