شي جينپيڭ كۋبانىڭ زۇڭليى مارەرومەن كەزدەستى
2023.11.07 16:41 كەلۋ قاينارى : حالىق تورابى
 |
11 - ايدىڭ 6 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا كۋبانىڭ زۇڭليى مارەرومەن كەزدەستى.
سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن
|
شينحۋا اگەنتتىگى، 11 - ايدىڭ 6 - كۇنى، بەيجيڭ (ءتىلشى جىڭ ميڭدا). 11 - ايدىڭ 6 - كۇنى تۇستەن كەيىن مەملەكەت ءتوراعاسى شي جينپيڭ حالىق سارايىندا كۋبانىڭ زۇڭليى مارەرومەن كەزدەستى.
شي جينپيڭ بىلاي دەپ اتاپ كورسەتتى: جۇڭگو مەن كۋبا − جاقسى دوس، جاقسى جولداس، جاقسى باۋىرلاس. جۇڭگو مەن كۋبانىڭ ءار كەزەكتى باسشىلارىنىڭ جەتەكشىلىگى مەن باۋلۋىندا، ەكى ەل ءوز ەلىنىڭ ەرەكشەلىگىنە يە سوتسياليزم قۇرۋ جولىندا قول ۇستاسا العا باسىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى قولداپ، حالىقارالىق جانە وڭىرلىك ماسەلەلەردە تىعىز سايكەسىپ، مىزعىماس سەنىم ورناتتى. جۇڭگو جاق ەكى پارتيانىڭ، ەكى ەلدىڭ ەرەكشە دوستىق قارىم - قاتىناسىنا ستراتەگيالىق تۇرعىدان جانە جالپى جاعداي تۇرعىسىنان مامىلە جاساپ جانە ونى دامىتىپ، جۇڭگو مەن كۋبانىڭ ۇزاق ۋاقىتتىق دوستىق باعىتىندا تاباندى بولادى، كۋبامەن ساياسي سەنىمدىلىكتى جانە ستراتەگيالىق سەلبەستىكتى ۇزدىكسىز تەرەڭدەتىپ، پارتيانى، مەملەكەتتى جونگە سالۋ نازارياسى جونىندەگى زەرتتەۋ - تالقى مەن تاجىريبە اۋىس - كۇيىسىن ورىستەتۋدى قالايدى. جۇڭگو جاق كۋبا حالقىنىڭ سىرتتىڭ كيلىگۋى مەن قۇرساۋلاۋىنا قارسى تۇرۋىن، مەملەكەتتىڭ يەلىك ۇقىعى مەن ۇلتتىڭ ار - نامىسىن قورعاۋىن ۇزدىكسىز باتىل قولدايدى.
شي جينپيڭ بىلاي دەپ دارىپتەدى: مەن 3 - كەزەكتى ”ءبىر بەلدەۋ، ءبىر جول“ حالىقارالىق سەلبەستىك جوعارى دارەجەلىلەر تالقى مىنبەرىندە ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى قولداۋداعى 8 ءتۇرلى ارەكەتتى جاريالادىم، كۋبا جاقتىڭ بەلسەنە ۇشتاسۋىن، اسىرەسە، اۋىل شارۋاشىلىعى، ساياحات، دەنساۋلىق ساقتاۋ، عىلىم - تەحنيكا، ينفورماتسيا، حابارلاسۋ سياقتى سالالاردا سەلبەستىكتىڭ كومەسكى كۇشىن ىشكەرىلەي اشىپ، ەكى ەل سەلبەستىگىنىڭ تەرەڭدەۋىن، ناقتىلانۋىن ىلگەرىلەتۋىن قارسى الامىن. كۋبا جاقتىڭ جۇڭگو حالىقارالىق يمپورت كورمەسى سياقتى ماڭىزدى تۇعىرلاردان ۇزدىكسىز ويداعىداي پايدالانىپ، اناعۇرلىم كوپ ەرەكشە ونىمدەردىڭ جۇڭگو بازارىنا كىرۋىن ىلگەرىلەتۋىن ءۇمىت ەتەمىن. بيىل 9 - ايدا كۋبا ”77 ەل توبى جانە جۇڭگو“ باسشىلار ءماجىلىسىن ءساتتى وتكىزىپ، وركەندەپ كەلە جاتقان ەلدەردىڭ ىنتىماعىن، سەلبەستىگىن ىلگەرىلەتۋگە ماڭىزدى ۇلەس قوستى. جۇڭگو جاق كۋبا جاقپەن بىرگە وركەندەپ كەلە جاتقان ەلدەردىڭ يەلىك ۇقىعىن، حاۋىپسىزدىگىن، دامۋ مۇددەسىن ۇزدىكسىز قول ۇستاسا قورعاۋدى قالايدى.
مارەرو راۋل جولداستىڭ جانە ءتوراعا دياس - كانەلدىڭ ءتوراعا شي جينپيڭگە جولداعان ىقىلاستى سالەمىن جەتكىزدى، ول مىنالاردى ءبىلدىردى: جۇڭگوعا كەلىپ 6 - كەزەكتى جۇڭگو حالىقارالىق يمپورت كورمەسىنە قاتىناسقانىما وتە قۋانىشتىمىن. وسى رەتكى ساپار ارقىلى مەن جۇڭگونىڭ دامۋدا قول جەتكىزگەن ۇلى جەتىستىكتەرىن، سونداي - اق جۇڭگو كوممۋنيستىك پارتياسىنىڭ جۇڭگو توڭكەرىسى مەن دامۋى بارىسىندا اتقارعان وزەكتى باسشىلىق رولىن اناعۇرلىم تەرەڭ ءتۇسىندىم، ءتوراعا شي جينپيڭنىڭ ەل باسقارۋداعى ماڭىزدى يدەياسى كۋبا مەن دۇنيە ءجۇزى جونىنەن ماڭىزدى وي سالدى جانە ۇلگى بولدى. ۇزاق ۋاقىتتان بەرى جۇڭگو جاقتىڭ كۋباعا كوپتەگەن شىنايى كومەك بەرۋى كۋبانىڭ قيىنشىلىقتاردى جەڭىپ، سوتسياليزم ىستەرىن دامىتۋىندا ماڭىزدى مانگە يە. كۋبا جۇڭگومەن ىنتىماقتى، سەلبەستىكتى ونان ارى كۇشەيتىپ، ءبىرىن - ءبىرى تاباندىلىقپەن قولداپ، داۋىرمەن بىرگە العا باسىپ، وزدەرىنىڭ سوتسياليزم ىستەرىن ويداعىداي دامىتىپ، ەكى ەل حالىقتارىنا ءتىپتى دە زور باقىت جاراتۋدى ءۇمىت ەتەدى. كۋبا جاق جۇڭگو جاقپەن ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، ءار سالاداعى ناقتى سەلبەستىكتى تەرەڭدەتىپ، حالىقارالىق جانە وڭىرلىك ىستەردە بايلانىس جاساۋدى، سەلبەسۋدى جيىلەتىپ، زورەكەرلىككە، وكتەمدىككە قارسى تۇرىپ، حالىقارالىق ادىلدىكتى، تۋراشىلدىقتى قورعاۋدى قالايدى.
ۋاڭ ي كەزدەسۋدە بىرگە بولدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
