جۇڭگو مەن كاتار توقتامعا قول قويادى!
2023.11.07 15:19 كەلۋ قاينارى : حالىق تورابى
11 – ايدىڭ 4 – كۇنى، جۇڭگو مۇناي ـ حيميا ونەركاسىبى كاتار ەنەرگيا سەرىكتەستىگىمەن سولتۇستىك گاز الابىنىڭ ەنەرگيا كەڭەيتۋ نىسانىنىڭ 2 ـ مەرزىمدىك ءبىر تۇلعالانعان سەلبەستىك كەلىسىمىنە قول قويدى، بۇل 27 جىلدىق سۇيىلتىلعان تابيعي گازدى ۇزاق ۋاقىت ساتىپ الۋ ـ ساتۋ كەلىسىمى مەن جارنا قوسۋ كەلىسىمىن قامتيدى. شەتەل مەديالارى بۇل جۇڭگونىڭ ەنەرگيا حاۋىپسىزدىگىن قامتاماسىزداندىرۋدا ىشكەرىلەي قولدانعان شاراسى دەپ باعا بەردى.
كەلىسىم بويىنشا كاتار ەنەرگيا سەرىكتەستىگى ءار جىلى جۇڭگو مۇناي – حيميا سەرىكتەستىگىنە 3 ميلليون توننا سۇيىلتىلعان تابيعي گاز بەرەدى ءارى جۇڭگو مۇناي – حيميا سەرىكتەستىگىنە بىرلەسىپ قارجى قوسقان سەرىكتەستىكتىڭ %5 جارنا ۇقىعىن وتكەرمەلەيدى. قول قويۋ سالتى سول كۇنى وتكىزىلگەن 6 ـ كەزەكتى جۇڭگو حالىقارالىق يمپورت كورمەسى جۇڭگو مۇناي ـ حيميا تاقىرىپتىق تالقى مىنبەرىندە وتكىزىلدى.
كاتار دۇنيە جۇزىندەگى ەڭ نەگىزگى سۇيىلتىلعان تابيعي گازدى ەكسپورت ەتەتىن ەلدەردىڭ ءبىرى، سولتۇستىك گاز الابىنىڭ ەنەرگيا كەڭەيتۋ نىسانىنىڭ 2 ـ مەرزىمىندە جىلىنا 16 ميلليون توننا تابيعي گاز ءوندىرۋ جەلىسى جاڭادان سالىنادى.
جۇڭگو مۇناي حيميا ونەركاسىبى مەن كاتار ەنەرگيا سەرىكتەستىگىنىڭ تاماشا سەلبەستىك نەگىزى بار. بۇل ەكى جاق قول قويعان ءۇشىنشى رەتكى سۇيىلتىلعان تابيعي گازدى ۇزاق ۋاقىت ساتىپ الۋ - ساتۋ كەلىسىمى، سونداي - اق سولتۇستىك گاز الابىنىڭ ەنەرگيا كولەمىن كەڭەيتۋ نىسانىنىڭ ءبىرىنشى مەرزىمىنەن كەيىن ەكى جاق جاساسقان ەكىنشى ءبىر تۇلعالانعان سەلبەستىك نىسانى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
