الدىڭعى 3 توقساندا شينجياڭنىڭ مال شارۋاشىلىق ءونىم قۇنى 86 ميلليارد 383 ميلليون يۋان بولدى
2023.11.09 16:15 كەلۋ قاينارى : حالىق تورابى
شينجياڭ گازەتىنىڭ 11 – ايدىڭ 8 – كۇنى تەكەستەن بەرگەن حابارى. ءتىلشىنىڭ شينجياڭ ۇيعۇر اۆتونوميالى رايونىنىڭ مال شارۋاشىلىعىنا بۇرىلىس جاساپ، جوعارى ساپالى دامۋدى جۇمىس باسىندا ىلگەرىلەتۋ ماجىلىسىنەن ۇعىسۋىنشا، الدىڭعى 3 توقساندا شينجياڭنىڭ نەگىزگى مال، قۇس ونىمدەرى بازارىنىڭ قامداۋى جەتكىلىكتى بولىپ، مال شارۋاشىلىعىنىڭ ءونىم قۇنى 86 ميلليارد 383 ميلليون يۋانعا جەتىپ، سايكەس مەزگىلدەگىدەن %7.6 ارتقان.
شينجياڭ ۇيعۇر اۆتونوميالى رايوندىق ساناق تاراۋىنىڭ ساندى مالىمەتىندە كورسەتىلۋىنشە، الدىڭعى 3 توقساندا شينجياڭدا شوشقا، سيىر، قويدىڭ ساتىلۋ سانى 34 ميلليون 546 مىڭ 100 باس (تۇياق) بولىپ، سايكەس مەزگىلدەگىدەن %9.7 ارتقان؛ شوشقا، سيىر، قوي، ءۇي قۇستارىنىڭ ەت ءونىمى ءبىر ميلليون 471 مىڭ 700 تونناعا جەتىپ، سايكەس مەزگىلدەگىدەن %11.1 ارتقان؛ ءسۇت ءونىم مولشەرى ءبىر ميلليون 692 مىڭ 100 تونناعا تونناعا جەتىپ، سايكەس مەزگىلدەگىدەن %3.3 ارتقان؛ قۇس جۇمىرتقاسىنىڭ ءونىم مولشەرى 285 مىڭ 100 توننا بولىپ، سايكەس مەزگىلدەگىدەن %4.8 ارتقان. 10 - ايدىڭ سوڭىنا دەيىن، بۇكىل شينجياڭ بويىنشا سىرتقا جيىنى 613 مىڭ ءتىرى سيىر جونەلتىلىپ، سايكەس مەزگىلدەگىدەن %108 ارتقان؛ شينجياڭنان سىرتقا جونەلتىلگەن ءتىرى شوشقا مەن شوشقا ەتى ونىمدەرىن شوشقا سانىنا سىندىرعاندا 2 ميلليون 600 مىڭ بولىپ، سايكەس مەزگىلدەگىدەن %21.6 ارتقان.
7 ـ ايدان بەرى، شينجياڭدا 12 ايماقتىڭ (وبلىس، قالا) 36 اۋدانىندا (قالا) باعىمشىلىق ۇلگىسىنە بۇرىلىس جاساۋ سىناق ءتۇيىنى قىزمەتى ورىستەتىلدى. جەر ـ جەر ءىس جۇزىندىك جاعدايمەن ۇشتاستىرىپ، تۇرگە ايىرىپ الاڭدارعا جوتكەۋ، بورداقىلاۋ ءوندىرىسىن دامىتۋ، تاۋاردى بۋدانداستىرۋ، مال شارۋاشىلىعى، مال شيپاگەرلىگى تەحنيكالىق قىزمەت وتەۋ جۇيەسىن اقاۋسىزداندىرۋ، كاسىپورىن مەن شارۋالاردىڭ مۇددەسىن بىرلەستىرۋ مەحانيزمىن كەمەلدەندىرۋ، باستاماشى كاسىپورىنداردى سۇيەمەلدەۋ، زورايتۋ سياقتى كوپتەگەن بۋىنداردان باستاپ كىرىسىپ، مال شارۋاشىلىعىنىڭ تيپىن وزگەرتىپ دامۋىن ىلگەرىلەتتى.
قازىر شينجياڭدا ساپالى جەم - ءشوپ ەگىلگەن جەر اۋدانى 11 ميلليون مۋدان استى، الدىڭعى 3 توقساندا جەم - ءشوپ پەن جەم - ءشوپ قوسپاسىنىڭ ءونىم مولشەرى 3 ميلليون تونناعا جەتتى. شينجياڭنىڭ ايماق، اۋدان ەكى دارەجەلى مال شيپاگەرلىك تاجىريبەحانالارىنىڭ تەكسەرۋ قابىلەتى جالپى تۇلعالىق ۇيلەسىمدىلىكتەن 3.84 پايىز جوعارىلادى. شينجياڭنىڭ مال شارۋاشىلىق ونىمدەرىن، مال دارىلەرىن، جەم - ءشوپتى تەكسەرۋدەگى تولىمدىلىق مولشەرى جەكە ـ جەكە %99.9، %98.8، %98.5 كە جەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
