حان جىڭ 6 - كەزەكتى جاڭالىق اشۋ ەكونوميكالىق تالقى مىنبەرىنىڭ اشىلۋ سالتىنا قاتىناستى ءارى ارقاۋ ءسوز سويلەدى
2023.11.09 16:48 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 8 – كۇنى، سينگاپور. 11 - ايدىڭ 8 - كۇنى مەملەكەت ءتوراعاسىنىڭ ورىنباسارى حان جىڭ سينگاپوردا وتكىزىلگەن 6 - كەزەكتى جاڭالىق اشۋ ەكونوميكالىق تالقى مىنبەرىنىڭ اشىلۋ سالتىنا قاتىناستى ءارى ارقاۋ ءسوز سويلەدى.
حان جىڭ مىنالاردى اتاپ كورسەتتى: دۇنيە ءجۇزىنىڭ وزگەرىسى، ءداۋىردىڭ وزگەرىسى، تاريحتىڭ وزگەرىسى الدىندا، ءتوراعا شي جينپيڭ ادامزاتتىڭ تاعدىرلاس ورتاق تۇلعاسىن قۇرۋ كەلەلى ۇستانىمىن العا قويىپ، دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن العا قويىپ، ”ءبىر بەلدەۋ، ءبىر جولدى“ بىرگە قۇرۋدىڭ ساپالى دامۋدىڭ جاڭا كەزەڭىنە ءوتۋىن ىلگەرىلەتىپ، بۇكىل ادامزاتتىڭ ورتاق سىن - سايىسىنا توتەپ بەرۋگە، اناعۇرلىم كوركەم دۇنيە قۇرۋعا جۇڭگو جوباسىن ارنادى. جۇڭگو دۇنيە جۇزىندەگى ءار ەلمەن بىرگە ءداۋىردىڭ دامۋ ورايىن يگەرىپ، حاۋىپ - قاتەر مەن سىن - سايىسقا قول ۇستاسا توتەپ بەرىپ، ادامزاتتىڭ اناعۇرلىم كوركەم بولاشاعىن بىرگە اشۋدى قالايدى.
حان جىڭ ءۇش ءتۇرلى باستامانى ورتاعا قويدى. ءبىرىنشى، ەسىك اشۋ ارقىلى سەلبەستىكتى جەبەۋدە تاباندى بولۋ. جۇڭگو باستان - اياق ەكونوميكانىڭ جاھاندانۋىنىڭ قولداۋشىسى، ات سالىسۋشىسى، يگىلىگىن كورۋشىسى. 45 جىلدىق رەفورما جاساپ، ەسىك اشۋ ارقىلى جۇڭگو ەكونوميكاسى دۇنيە ءجۇزى ەكونوميكاسىمەن ىشكەرىلەي توعىستى. جۇڭگو جوعارى دەڭگەيدەگى سىرتقا ەسىك اشۋدى تاباندىلىقپەن ىلگەرىلەتەدى، اناعۇرلىم كوپ بازار ورايىمەن، قارجى قوسۋ ورايىمەن قامداپ، ءار ەل كاسىپورىندارىمەن جۇڭگونىڭ تۇزىمدىك ەسىك اشۋ پايداسىنان بىرگە يگىلىكتەنۋدى قالايدى. ەكىنشى، جاڭالىق اشۋ ارقىلى قوزعاۋشى كۇش قاراستىرۋدا تاباندى بولۋ. جاڭالىق اشۋ − ەكونوميكانىڭ جەدەل قالپىنا كەلۋىنىڭ، ورنىقتى العا باسۋىنىڭ قوزعاۋشى كۇش قاينارى. جۇڭگو ءار ەلمەن جاڭالىق اشۋ جەتىستىكتەرىنەن بىرگە يگىلىكتەنۋدى كۇشەيتىپ، كليمات وزگەرىسىنىڭ سىن - سايىسىنا بىرگە توتەپ بەرىپ، دۇنيە ءجۇزى ەكونوميكاسىنىڭ ارتۋىنا جاڭا قوزعاۋشى كۇش قوسادى. ءۇشىنشى، بەيبىتشىلىك ارقىلى دامۋدى جەبەۋدە تاباندى بولۋ. ءار ەل حالقىنىڭ تاعدىرى ءبىر، ەتەنە، ءار ەلدىڭ حاۋىپسىزدىگى ءوزارا بايلانىستى، ءبىر - بىرىنە ىقپال جاسايدى. جۇڭگو ۇلگىسىندەگى وسىزامانداندىرۋ − بەيبىت دامۋ جولىمەن جۇرەتىن وسىزامانداندىرۋ. جۇڭگو دۇنيە جۇزىندەگى ءار ەلمەن بىرگە دۇنيە ءجۇزىنىڭ بەيبىتشىلىگى مەن حاۋىپسىزدىگىن بىرگە قورعاپ، ءار ەلدىڭ دامۋى مەن گۇلدەنۋىن بىرگە جوسپارلاپ، ادامزاتتىڭ ءبىر - بىرىمەن بىتە قايناسقان، بىرگە العا باسقان تاعدىرلاس ورتاق تۇلعاسىن قۇرۋدى قالايدى.
حان جىڭ بىلاي دەپ اتاپ كورسەتتى: تاياۋدا جۇڭگو مەن امەريكا اراسىندا ورىستەتىلگەن كەيبىر ماڭىزدى جوعارى جىكتەگىلەردىڭ بارىس - كەلىسى حالىقارالىق قوعامنىڭ بولاشاقتاعى جۇڭگو - امەريكا قارىم - قاتىناسىنىڭ جاقسارۋى جونىندەگى ۇنامدى مەجەسىن جوعارىلاتتى. جۇڭگو جاق باستان - اياق ءتوراعا شي جينپيڭ العا قويعان ءوزارا قۇرمەت ەتۋ، بەيبىت قاتار تۇرۋ، سەلبەسىپ تەڭ يگىلىككە كەنەلۋ سىندى 3 پرينسيپ بويىنشا جۇڭگو - امەريكا قارىم - قاتىناسىنا مامىلە جاسايدى جانە ونى ءبىر جاقتى ەتەدى. ءبىز امەريكامەن ءار جىكتەگى قارىم - قاتىناستى، تىلدەسۋدى كۇشەيتىپ، ءوزارا ءتيىمدى سەلبەستىكتى ىلگەرىلەتىپ، الاۋىزدىقتاردى ۇيلەسىمدى تىزگىندەپ، دۇنيە جۇزىلىك سايىستارعا تىزە قوسا توتەپ بەرۋدى قالايمىز.
وسى كەزەكتى تالقى مىنبەرى ”ورنىقسىزدىقپەن قاۋىشۋدى“ نەگىزگى تاقىرىپ ەتىپ، دۇنيە ءجۇزىنىڭ ساياسي، ساۋدا، عىلىم سالالارىنداعى قايراتكەرلەردى قاتىناسۋعا ۇسىنىس ەتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
