لي چياڭ اۆستراليانىڭ زۇڭليى البانيسپەن كەڭەس وتكىزدى
2023.11.08 16:02 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 7 - كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 11 - ايدىڭ 7 - كۇنى تۇستەن بۇرىن حالىق سارايىندا جۇڭگوعا رەسمي ساپارلاي كەلگەن اۆستراليانىڭ زۇڭليى البانيسپەن كەڭەس وتكىزدى.
لي چياڭ مىنالاردى ءبىلدىردى: ءتوراعا شي جينپيڭ زۇڭلي مىرزامەن ناتيجەلى كەڭەس وتكىزىپ، جاڭا داۋىردەگى جۇڭگو - اۆستراليا قارىم - قاتىناسىنىڭ دامۋىنا ستراتەگيالىق جەتەكشىلىك ەتتى. جۇڭگو جاق اۆستراليا جاقپەن بىرگە ءوزارا قۇرمەت ەتۋ، ءوزارا ءتۇسىنۋ رۋحى بويىنشا، پىكىرلەسۋدى، تىلدەسۋدى ونان ارى كۇشەيتىپ، ساياسي سەنىمدىلىكتى تەرەڭدەتىپ، الاۋىزدىقتاردى ۇيلەسىمدى ءبىر جاقتى ەتىپ، سەلبەستىكتى ۇزدىكسىز جۇڭگو - اۆستراليا قارىم - قاتىناسىنىڭ نەگىزگى اعىمىنا اينالدىرىپ، تەڭ يگىلىككە كەنەلۋدى ەكى جاق سەلبەستىگىنىڭ ءار سالاسىندا ايگىلەپ، جۇڭگو مەن اۆستراليانىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ باياندى، ورنىقتى دامۋىن ىلگەرىلەتىپ، ەكى ەل حالىقتارىنا ءتىپتى دە كوپ ىرىس - قۇت جاراتۋدى قالايدى.
لي چياڭ مىنالاردى اتاپ كورسەتتى: جۇڭگو مەن اۆستراليا سەلبەستىگىنىڭ كومەسكى كۇشى زور، جۇڭگو اۆستراليامەن بىرگە ەكونوميكالىق زاڭدىلىققا بويسۇنىپ، بازار پرينسيبىندە تاباندى بولىپ، ەنەرگيا، كەن سياقتى ءداستۇرلى سالالارداعى سەلبەستىكتى بەكەمدەپ، كۇشەيتىپ، جاسىل دامۋ، سيفرلى ەكونوميكا، عىلىم - تەحنيكادا جاڭالىق اشۋ، سالاماتتىق كاسىبى سياقتى جاڭادان گۇلدەنگەن سالالارداعى سەلبەستىكتى كەڭەيتىپ، ەكونوميكا - ساۋدا ماسەلەسىن جاپپاي ساياسيلاندىرۋدان، جاپپاي حاۋىپسىزدەندىرۋدەن ساقتانىپ، تەڭ يگىلىككە كەنەلەتىن دامۋدى جۇزەگە اسىرىپ، ءوڭىردىڭ گۇلدەنۋىن جەبەۋدى قالايدى. جۇڭگو جاق اۆستراليا جاقپەن وقۋ -اعارتۋ، مادەنيەت، ساياحات، جەرگىلىكتى ورىن، جاستار قاتارلى سالالارداعى اۋىس – كۇيىس پەن سەلبەستىكتى ىلگەرىلەتىپ، ەكى جاق ادامدارىنىڭ بارىس - كەلىسىنە ءتىپتى دە قولايلىلىق جاراتىپ، جۇڭگو - اۆستراليا دوستىعىن ەكى مەملەكەت ادامدارىنىڭ كوكەيىنە تەرەڭ ۇيالاتۋدى قالايدى.
البانيس مىنالاردى ءبىلدىردى: ۋيترام زۇڭلي جۇڭگوعا ساپارلاي كەلگەن 50 جىلدان بەرى اۆستراليا - جۇڭگو قارىم - قاتىناسى باياندى دامىپ، ەكى ەل حالىقتارىنا وراسان زور ىرىس – قۇت جاراتتى. جۇڭگو − اۆستراليانىڭ ماڭىزدى سەلبەستىك سەرىگى، اۆستراليا مەن جۇڭگونىڭ قارىم - قاتىناسىنا الاۋىزدىق ارقىلى انىقتاما بەرۋگە بولمايدى. اۆستراليا جاق ءبىر جۇڭگو ساياساتىن اتقارادى، جۇڭگو جاقپەن ءوزارا ءتۇسىنىسۋدى تەرەڭدەتىپ، ساۋدا، قارجى قوسۋ، عىلىم - تەحنيكا، ادامگەرشىلىك قاتارلى سالالارداعى سەلبەستىكتى تەرەڭدەتىپ، پىكىر الماستىرۋ، سۇحباتتاسۋ ارقىلى الاۋىزدىقتاردى ۇيلەسىمدى مەڭگەرىپ، كىليمات وزگەرىسى، استىق حاۋىپسىزدىگى، مەملەكەت اتتاعان ۇيىمدىق قىلمىس سياقتى دۇنيە جۇزىلىك سايىستارعا ورتاق قارسى تۇرىپ، رايوننىڭ جانە دۇنيە ءجۇزىنىڭ تىنىشتىعى مەن گۇلدەنۋىن قورعاپ، اۆستراليا مەن جۇڭگونىڭ جالپى بەتتىك ستراتەگيالىق سەرىكتەستىك قارىم - قاتىناسىنىڭ بەلسەندى، ورنىقتى، سىندارلى باعىتقا قاراي دامۋىن ىلگەرىلەتۋدى قالايدى.
كەڭەستەن بۇرىن لي چياڭ حالىق سارايىنىڭ سولتۇستىك زالىندا البانيستى قارسى الۋ سالتىن وتكىزدى.
ۋ جىڭلۇڭ جوعارىداعى قيمىلدارعا قاتىناستى.
البانيس جۇڭگودا ساپاردا بولعان مەزگىلدە ەكى جاق «جۇڭگو - اۆستراليا زۇڭليلەرىنىڭ جىلدىق كەزدەسۋى بىرلەسپە تابىسى مالىمدەمەسىن» جاريالادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
