شينجياڭدا اۆتوكولىك ساتىپ العاندارعا ەڭ جوعارى بولعاندا 6000 يۋان قوسىمشا قاراجات بەردى
2023.11.08 16:19 كەلۋ قاينارى : حالىق تورابى
ءتىلشىنىڭ شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنىڭ 11 - ايدىڭ 7 - كۇنى اشقان ”اۆتونوميالى رايوننىڭ تۇتىنۋ كومەسكى كۇشىن ىشكەرىلەي اشىپ، كوپ ءتۇرلى شارانى قاتار قولدانىپ، تۇتىنۋدىڭ جاقسارۋىن، ورلەۋىن جەدەلدەتۋى“ جونىندەگى اقپار جاريالاۋ ماجىلىسىنەن ۇعىسۋىنشا، شينجياڭنىڭ اۆتوكولىك تۇتىنۋ كومەسكى كۇشىن تولىق اشىپ، باسقا سالالارداعى تاۋار تۇتىنۋىن بىرلەسىپ جەبەۋ ءۇشىن، شينجياڭ ۇيعۇر اۆتونوميالى رايوندىق دامۋ جانە رەفورما كوميتەتى شينجياڭ ۇيعۇر اۆتونوميالى رايوندىق ساۋدا مەڭگەرمەسى سياقتى تاراۋلارمەن بىرگە 2023 ـ جىلى 11 ـ ايدان 2024 ـ جىلى 1 ـ ايعا دەيىن بۇكىل شينجياڭدا اۆتوكولىك تۇتىنۋعا قوسىمشا قاراجات بەرۋ قيمىلىن ورىستەتۋدى جوسپارلادى.
وسى رەتكى اۆتوكولىك تۇتىنۋ قوسىمشا قاراجاتى قيمىلى تاراتقان ۇكىمەتتىك تۇتىنۋ بەلەتى اۆتوكولىك ساتىپ الۋ تالونىنداعى باعا بويىنشا، ءار ادام 4000 يۋان دا 6000 يۋان بويىنشا دارەجەگە ءبولىپ تۇتىنۋشىلارعا بەرەدى. تۇتىنۋشىلار تەك جۇڭگو بانكە بىرلەستىگى يۇنشانفۋ كليەنتى ارقىلى عانا تۇتىنۋ بەلەتىن ءوتىنىش ەتۋ، تەكسەرىپ كورۋ، الۋ جانە پايدالانۋ بارلىق بۋىندارىن ورىنداي الادى، سونداي - اق يۇنشانفۋ كليەنتىنىڭ ەسكەرتۋىنە ساي، سايكەستى سالاداعى ساۋدا دۇكەندەرىندە انىقتاپ ەسەپتەن شىعارىپ پايدالانادى.
”وسى رەتكى اۆتوكولىك تۇتىنۋ قوسىمشا قاراجاتى قوسىمشا قاراجات ولشەمى جوعارى، قارجى قوسۋ تەبىنى زور، الۋعا، پايدالانۋعا قولايلى بولۋداي ەرەكشەلىككە يە“ دەدى شينجياڭ ۇيعۇر اۆتونوميالى رايوندىق دامۋ جانە رەفورما كوميتەتىنىڭ 2 ـ دارەجەلى شارلاۋشىسى يان جياڭ.
ەڭ جاڭا شىعارىلعان «شينجياڭ ۇيعۇر اۆتونوميالى رايونىنىڭ 2023 ـ جىلعى اۆتوكولىك تۇتىنۋعا قوسىمشا قاراجات بەرۋ قيمىلىن اتقارۋ جوباسىنا» ساي، جەكە تۇتىنۋشىلاردىڭ شينجياڭ كولەمىندەگى اۆتوكولىك ساتۋ كاسىپورىندارىنان 9 ادامدىقتان تومەنگى جاڭا ءمىنىس اۆتوكولىگىن ساتىپ السا ءارى تيجاراتقا جاتپايتىن قاتىناۋ كۋالىگىن بىتىرسە، سونىمەن بىرگە ارتقان قۇن سالىعى جەكە اۆتوكولىگىنىڭ باعاسى 80 ـ 300 مىڭ يۋان ارالىعىندا بولسا؛ قازىنادان قوسىمشا قاراجات رەتىندە تۇتىنۋ بەلەتىن الۋىنا بولادى.
ەسكەرتە كەتۋگە ءتيىستىسى: تۇتىنۋ بەلەتى الدىمەن كەلگەندەرگە بەرىلەدى، تاۋسىلعانشا تاراتىلادى، ءار ادام ەڭ جوعارى بولعاندا 6000 يۋاندىق تۇتىنۋ بەلەتىن الا الادى. جەر - جەردىڭ قيمىل باستالعان ناقتى ۋاقىتى سول جەردىڭ حابارلاندىرۋىن ولشەم ەتەدى، بيڭتۋاننىڭ اۆتوكولىك ساتۋ كاسىپورىندارى بيڭتۋاندا ورىستەتىلگەن اۆتوكولىك ساتىپ الۋعا قوسىمشا قاراجات بەرۋ ساياساتىن اتقارادى.
بۇل كەزەكتى اۆتوكولىك تۇتىنۋ قوسىمشا قاراجاتىن اۆتونوميالى رايون جانە ايماق، وبلىس، قالالاردىڭ قازىناسى ورتاق ۇستىنە الادى. مۇنىڭ ىشىندە: اۆتونوميالى رايون قازىنادان ەڭ جوعارى بولعاندا 50 ميلليون يۋان قارجى قوسادى، ايماق، وبلىس، قالالار مەجەمەن 40 ميلليون يۋان قارجى قوسادى، ايماق، وبلىس، قالالار ءار دارەجەلى قازىنالىق قارجىدان ءبىرتۇتاس پايدالانىپ، قيمىل ورىستەتۋگە ۇيىمداستىرادى.
تۇتىنۋدىڭ قالپىنا كەلۋىن، كەڭەيۋىن جەبەۋ ءۇشىن، شينجياڭ ۇيعۇر اۆتونوميالى رايوندىق دامۋ جانە رەفورما كوميتەتى شينجياڭنىڭ اۆتوكولىك ساتۋ كاسىپورىندارىن بىرگە كۇش سالۋعا شابىتتاندىرىپ، وسى رەتكى قيمىلعا قاتىناسقان جەكە تۇتىنۋشىلارعا ماي قۇيۋ كارتچكاسى سياقتى اۆانسالانعان تۇتىنۋ كارتچكاسىن تاراتىپ، باسقا سالالارداعى تاۋار تۇتىنۋىن بىرلەسىپ جەبەپ، تۇتىنۋشىلاردىڭ اناعۇرلىم كوپ يگىلىككە كەنەلۋىنە مۇمكىندىك جاسادى.
ساناققا نەگىزدەلگەندە، 1 ـ ايدان 9 ـ ايعا دەيىن بۇكىل شينجياڭدا شەكتى سومادان جوعارى اۆتوكولىك تۇرلەرىنىڭ بولشەك ساتۋ سوماسى 48 ميلليارد 51 ميلليون يۋانعا جەتىپ، سايكەس مەزگىلدەگىدەن %25.5 ارتقان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
