تاعى دا سۋىق اعىس ءجۇرىپ جاۋىن – شاشىن بولادى
شينجياڭنىڭ باسىم كوپ بولەگىنىڭ تەمپەراتۋراسى 5 سەلتسي گرادۋس اينالاسىندا تومەندەيدى
2023.11.09 15:55 كەلۋ قاينارى : حالىق تورابى
قىس باسى امالىنىڭ كەلۋىنە بايلانىستى، شينجياڭدا تاعى دا سۋىق اعىس جۇرەدى.
شينجياڭ اۋا رايى ستانسياسىنىڭ مالىمەتىنە قاراعاندا، 11 ـ ايدىڭ 9 ـ كۇنى تۇننەن 11 ـ ايدىڭ 11 ـ كۇنى كۇندىزگە دەيىن سولتۇستىك شينجياڭنىڭ باسىم كوپ بولەگى، تيانشان تاۋلى ءوڭىرى جانە وڭتۇستىك شينجياڭنىڭ باتىسى، بايىنعولين وبلىسىنىڭ سولتۇستىگى، كۇنلۇن تاۋىنىڭ سولتۇستىك بەتكەيى سياقتى جەرلەردىڭ ءىشىنارا وڭىرلەرىندە سەبەزگى جاڭبىر نەمەسە جاڭبىر ارالاس قار جاۋىپ، سوڭى قارعا اينالادى. مۇنىڭ ىشىندە سولتۇستىك شينجياڭنىڭ باتىس بولەگى، تارباعاتاي ايماعىنىڭ سولتۇستىك بولەگى، تيانشان تاۋلى رايونى، وڭتۇستىك شينجياڭنىڭ باتىس بولەگىندەگى تاۋلى رايوندار، بايىنعولين وبلىسىنىڭ سولتۇستىك بولەگى قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ جاڭبىر جاۋادى نەمەسە قار جاۋادى، تاۋلى وڭىرلەردىڭ ءىشىنارا جەرلەرىندە قالىڭ قار جاۋادى. تەمپەراتۋرا 5 سەلتسي گرادۋس اينالاسىندا تومەندەيدى.
ناقتىلاپ ايتقاندا:
11 – ايدىڭ 9 – كۇنى تۇننەن 10 – كۇنى كۇندىزگە دەيىن، سولتۇستىك شينجياڭنىڭ باتىس بولەگى، تارباعاتاي ايماعى، التاي ايماعىنىڭ باتىس بولىگى، تيانشان تاۋلى ءوڭىرى، وڭتۇستىك شينجياڭنىڭ باتىس بولىگى، اقسۋ ايماعىنىڭ باتىس بولىگىندەگى تاۋلى وڭىرلەر سياقتى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى نەمەسە جاڭبىر ارالاس قار جاۋىپ سوڭى قارعا اينالادى، مۇنىڭ ىشىندە ىلە وبلىسى، بۇراتالا وبلىسىنىڭ باتىس بولىگى، تارباعاتاي ايماعىنىڭ سولتۇستىگى، وڭتۇستىك شينجياڭنىڭ باتىسىنداعى تاۋلى رايون قاتارلى جەرلەردىڭ ءبىر ءبولىم وڭىرىندە ورتاشادان باستاپ قالىڭ جاڭبىر نەمەسە قار جاۋادى، تارباعاتاي ايماعىنىڭ سولتۇستىگىندەگى تاۋلى وڭىرلەردىڭ ءىشىنارا جەرلەرىندە ەرەكشە قالىڭ قار جاۋادى؛ جوعارىدا ايتىلعان ءبىر ءبولىم وڭىرلەردە 5 بال شاماسىنداعى باتىس سولتۇستىك جەلى سوعادى، سولتۇستىك شينجياڭ، شىعىس شينجياڭنىڭ جەل وتتەرىندە جەل كۇشى 9 ~ 10 بالعا جەتەدى، بۇكىل شينجياڭنىڭ باسىم كوپ بولەگىنىڭ تەمپەراتۋراسى 5 سەلتسي گرادۋس شاماسىندا تومەندەيدى.
11 - ايدىڭ 10 - كۇنى تۇننەن 11 - كۇنى كۇندىزگە دەيىن، سولتۇستىك شينجياڭنىڭ باسىم كوپ جەرى، تيانشان تاۋلى ءوڭىرى، اقسۋ ايماعىنىڭ باتىس سولتۇستىك بولىگى، بايىنعولين وبلىسىنىڭ سولتۇستىگى، كۇنلۇن تاۋىنىڭ سولتۇستىك بەتكەيى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر نەمەسە جاڭبىر ارالاس قار جاۋىپ، سوڭى قارعا اينالادى، تيانشان تاۋلى ءوڭىرىنىڭ ءىشىنارا وڭىرلەرىندە ورتاشادان باستاپ قالىڭ جاڭبىر نەمەسە قار جاۋادى؛ وڭتۇستىك شينجياڭنىڭ ورتا، شىعىس بولەگى مەن شىعىس شينجياڭنىڭ ءىشىنارا وڭىرلەرىندە قيىس شىعىستان 5 تە 6 بال بوران سوعادى، جەل وتتەرىندەگى جەل كۇشى 9 بال شاماسىندا بولادى، ءىشىنارا وڭىرلەردە قۇمدى اۋا رايى قوسانجارلايدى.
ءۇرىمجى قالالىق اۋا رايى ستانسياسىنىڭ مالىمەتىنە قاراعاندا، الداعى جۇما كۇنى كەشتە ءۇرىمجى قالا رايونىندا جاڭبىر جاۋادى، نانشان تاۋىندا قار جاۋادى، اپتا سوڭىندا تەمپەراتۋرا ءسال تومەندەيدى.
اۋا رايى بولجامىنان قاراعاندا، الداعى بىرنەشە كۇندە ۇرىمجىدە ەڭ جوعارى تەمپەراتۋرا 5 سەلتسي گرادۋس اينالاسىندا، تومەن تەمپەراتۋرا 0 سەلتسي گرادۋس اينالاسىندا بولادى، بيىل ۇرىمجىدە قىستىڭ ءتۇسۋى بۇرىنعى جىلدارداعىدان جايىراق بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
