3000 يۋاننان 30000 يۋانعا دەيىن قۇتقاۋ كومەك قاراجاتى بەرىلەدى
شينجياڭدا تۋما كەمىستىگى بار بالالاردىڭ 3 ءتۇرلى قۇتقارۋ نىسانىن ءوتىنىش ەتۋىنە بولادى
2023.11.10 15:31 كەلۋ قاينارى : حالىق تورابى
شينجياڭ تورابىنىڭ حابارى. ءتىلشىنىڭ شينجياڭ ۇيعۇر اۆتونوميالى رايوندىق انالار مەن بالالاردىڭ دەنساۋلىعىن قورعاۋ شيپاحاناسىنان ۇعىسۋىنشا، قازىر شينجياڭدا تۇقىم قۋالاۋ زات الماسۋ اۋرۋى، تۋما قۇرىلىمدىق كەمىستىك پەن فۋنكسيالىق كەمىستىك قاتارلى 3 تۇردەگى تۋما كەمىستىگى بار ەكونوميكالىق قينشىلىعى بار وتباسىنىڭ بالالارىنىڭ ”تۋما كەمىستىكتەن قۇتقارۋ – كومەك بەرۋ“ (出生缺陷干预救助) ۋيچات شاعىن پروگرامماسى ارقىلى توراپتا ءوتىنىش ەتۋگە بولادى. شارتقا ۇيلەسەتىندەرى 3000 يۋاننان 30000 يۋانعا دەيىنگى ەمدەلۋ كومەك قاراجات الىپ، وتباسىنىڭ ەمدەلۋ اۋىرتپالىعىن جەڭىلدەتۋگە بولادى.
تۋما كەمىستىك سالدارىنان مۇگەدەك بولۋدى ازايتىپ، جان سانىنىڭ ساپاسىن جوعارىلاتۋ ءۇشىن، مەملەكەتتىك دەنساۋلىق ساقتاۋ، سالاماتتىق كوميتەتىنىڭ انالار مەن بالالار مەڭگەرمەسى مەن جۇڭگو تۋما كەمىستىكتەن قۇتقارۋ قور قوعامىنىڭ جەتەكشىلىگى مەن كومەگىندە، 2018 ـ جىلى شينجياڭدا ىلگەرىندى ـ كەيىندى تۋما قۇرىلىمدىق كەمىستىكتەن قۇتقارۋ ـ كومەكتەسۋ نىسانىن، تۇقىم قۋالاۋ زات الماسۋ اۋرۋىنا كومەك بەرۋ نىسانىن، فۋنكسيالىق تۋما كەمىستىكتەن قۇتقارۋ نىسانىن ىسكە قوستى.
بيىل، شينجياڭ ۇيعۇر اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ تاپسىرۋىمەن، شينجياڭ ۇيعۇر اۆتونوميالى رايوندىق انالار مەن بالالار دەنساۋلىعىن قورعاۋ شيپاحاناسى نىسان باسقارۋشى ورىن رەتىندە بۇكىل شينجياڭدا كەڭ كولەمدە ۇگىتتەۋ، كاسىپتىك باۋلۋ ورىستەتۋ سياقتىلارعا جاۋاپتى بولدى، سونىمەن بىرگە بۇل شيپاحانا تۋما قۇرىلىمدىق كەمىستىككە كومەك بەرۋدى اتقارۋشى ورىن رەتىندە، سۇيەك ءبولىمىنىڭ، اس قورىتۋ جۇيەسىنىڭ قۇرىلىمىنداعى كەمىستىكتەرگە قاراتا، مىسالى، تۋما ۇرشىق بۋىنىنىڭ جەتىلۋى جاقسى بولماۋ، ۆورونكا كەۋدە، كىندىك جارىعى بار بالالارعا كومەك بەرەدى. قازىرگە دەيىن، بۇكىل شينجياڭنان 192 ادام كومەككە يە بولىپ، كومەك قارجىسى 2 ميلليون 190 مىڭ يۋانعا جەتتى.
شينجياڭ ۇيعۇر اۆتونوميالى رايوندىق انالار مەن بالالاردىڭ دەنساۋلىعىن قورعاۋ شيپاحاناسىنىڭ قاتىستى جاۋاپتىسى بىلاي دەپ تانىستىردى: نىساننىڭ اتقارىلۋ تەبىنىن اناعۇرلىم ارتتىرۋ ءۇشىن، بيىل 9 ـ ايدا بۇل نىساننىڭ شينجياڭداعى قۇتقارۋ ـ كومەكتەسۋ، اتقارۋ ورىندارى بۇرىنعى 10 عا جەتپەيتىن ورىننان بۇكىل شينجياڭداعى بارلىق ايماقتاردى (وبلىس، قالا) قامتىدى، ايماقتارعا (وبلىس) سۇيەنىپ، اۋداندىق (قالا) انالار مەن بالالاردىڭ دەنساۋلىعىن قورعاۋ قۇرىلىمدارى مەن ۋنيۆەرسال ەمدەۋ قۇرىلىمدارى 132 گە جەتتى.
قۇتقارۋ – كومەك قاراجاتىن ءوتىنىش ەتۋشى ناۋقاس بالا مىناداي شارتتاردى ءبىر ۋاقىتتا قاناعاتتاندىرۋى كەرەك:
كلينيكادا تۇقىم قۋالاۋ زات الماسۋ اۋرۋى، تۋما قۇرىلىمدىق كەمىستىك، تۋما فۋنكسيالىق كەمىستىك اۋرۋى بار دەپ دياگنوز قويىلعان. ناقتى كومەك بەرىلەتىن اۋرۋ تۇرلەرى جونىندە سول جەردەگى (وبلىس)، اۋداندىق (قالالىق) انالار مەن بالالاردىڭ دەنساۋلىعىن قورعاۋ قۇرىلىمدارىنان اقىل - كەڭەس سۇراۋعا بولادى
جاسى 18 دەن (قامتىلادى) تومەن بولۋى كەرەك
وتباسى تۇرمىسىنداعى قيىنشىلىعى اۋىر بولىپ، ەڭ تومەنگى تۇرمىسى قامتاماسىزداندىرىلۋ انىقتاماسى، تومەن كىرىس انىقتاماسى، ەرەكشە قيىنشىلىق انىقتاماسى نەمەسە قىستاق (تۇرعىندار) كوميتەتى قاتارلىلارى ورىندار بەرگەن وتباسى ەكونوميكالىق جاعدايى جونىندەگى تۇسىندىرمەنىڭ ءتۇپ نۇسقاسى بولۋى كەرەك
اتقارۋ قۇرىلىمدارىندا دياگنوز قويۋ، ەمدەۋ، وپەراتسيا جاساۋ جانە ساۋىعۋدى قابىلداۋى كەرەك
ەمدەۋ قاراجاتىنىڭ ءوزى تولەيتىن بولەگى 3000 يۋاننان (قامتيدى) اسۋى كەرەك
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
