شيۇڭ شۋە پارتيادان ايدالدى!
2023.11.14 14:53 كەلۋ قاينارى : حالىق تورابى
ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ – تەكسەرۋ كوميتەتى چۇڭچيڭ قالالىق حالىق ۇكىمەتى پارتگرۋپپاسىنىڭ بۇرىنعى مۇشەسى، ورىنباسار قالا باستىعى شيۇڭ شۋەنىڭ تارتىپكە، زاڭعا اۋىر قايشىلىق جاساۋ ماسەلەسىنە قاراتا دەلو تۇرعىزىپ تەكسەرۋ جۇرگىزدى.
تەكسەرۋ ارقىلى مىنانى انىقتادى: شيۇڭ شۋە مۇرات – سەنىمنەن ايرىلىپ، اۋەلگى ماقسات پەن بورىشقا قايشى كەلىپ، ساياسي تانىمى سولعىنداپ، كەلەلى پرينسيپتىك ماسەلەلەردە پارتيا ورتالىق كوميتەتىمەن ءبىراۋىزدىقتى ساقتاماعان، ”جەتى ءتۇرلى نىسايمەن“ شۇعىلدانىپ، توپ قۇرىپ، ساياسي ناتيجە كوزقاراسى بۇرمالانعان، فورماشىلدىق ىستەپ، وتىرىك مالىمەت بەرىپ جالعاندىق ىستەگەن، ۇيىمنىڭ تەكسەرۋىنە قارسى تۇرىپ، سوقىر سەنىممەن اينالىسقان؛ ورتالىقتىڭ سەگىز تارماقتى بەلگىلەمەسىنىڭ رۋحىنا قايشىلىق جاساپ، ۇكىمەت قىزمەتىن ءادىل اتقارۋعا ىقپال جاساۋى مۇمكىن بولعان قوناعاسى مەن قىزمەت وتەۋدى قابىلداعان؛ پارتياعا ادال بولماعان، شىنايى بولماعان، ۇيىم حات ارقىلى اڭگىمەلەسكەندە ماسەلەسىن قاز – قالپىندا تاپسىرماعان، جەكە باسىنا قاتىستى ىستەردى جاسىرعان؛ بەلگىلەمەگە قايشىلىق جاساپ تارتۋ – تارالعى، اقشا قابىلداعان، جۇرتقا قارىز بەرىپ سونان قوماقتى پايداعا يە بولعان؛ مىندەتىن دۇرىس وتەمەگەن؛ وتباسى سالتى دۇرىس بولماعان، جۇبايىن باسقارماعان، تاربيە بەرمەگەن؛ جەمەڭگەرلىك ىستەپ، ءىرىپ - شىرىپ، ازعىنداپ، زاڭسىز ساۋداگەرلەرمەن استاسىپ، الەۋمەتتىك ۇقىقتى جەكە پايداعا كەنەلۋدىڭ قۇرالىنا اينالدىرىپ، ۇقىق - اقشا ساۋداسىن بارىنشا جۇرگىزىپ، قىزمەت قولايلىلىعىنان پايدالانىپ، باسقالارعا قۇرىلىستى كوتەرمەگە الۋ، جەر بەكىتۋ سياقتى جاقتاردان پايدا جەتكىزىپ، قىرۋار مال - مۇلىكتى زاڭسىز قابىلداعان.
شيۇڭ شۋە پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، قىزمەت تارتىبىنە جانە تۇرمىس تارتىبىنە اۋىر قايشىلىق جاساپ، قىزمەت مىندەتىندە زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 – قۇرىلتايىنان كەيىن دە تيىلماعان، قولىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى» «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى» «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنە اكىمشىلىك جازا بەرۋ زاڭى» سياقتى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ ءارى ج ك پ ورتالىق كوميتەتىنىڭ بەكىتۋىمەن شيۇڭ شۋەگە پارتيادان شىعارۋ جازاسىن بەرۋدى ۇيعاردى؛ بەلگىلەمە بويىنشا يگىلىكتەنەتىن مامىلەسى كۇشىنەن قالدىردى؛ تارتىپكە، زاڭعا قايشى تابىسىن تاركىلەدى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزدى، ساياتىن مال - مۇلىكتەرىن بىرگە وتكىزىپ بەردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
