كۇز بەن قىس ماۋسىمىندا ۇنەمى كەزدەسەتىن اۋرۋلاردى ەمدەۋدە ءدارىنى قالاي پايدالانۋ كەرەك؟ مەملەكەتتىك ءدارى - دارمەكتى باقىلاۋ - باسقارۋ مەكەمەسى ەسكەرتۋ جاريالادى
2023.11.14 14:19 كەلۋ قاينارى : حالىق تورابى
مەملەكەتتىك ءدارى - دارمەكتى باقىلاۋ - باسقارۋ مەكەمەسى ۇيىمداستىرعان ”ءدارى - دارمەكتەن حاۋىپسىز پايدالانۋ جاعىنداعى مەملەكەت كولەمىندەگى 2023 -جىلعى اپتالىق قيمىل“ 11 - ايدىڭ 13 - كۇنى بەيجيڭدە باستالدى، باستى تاقىرىبى — ”جۇرتشىلىقتىڭ دەنساۋلىعىن قورعاپ، ءدارى - دارمەكتەن حاۋىپسىز پايدالانۋدى ۇگىتتەۋ“. قيمىل مەزگىلىندە ءدارى - دارمەكتەن پايدالانۋ جونىندە ەسكەرتۋ جاريالاپ، ماماندار كۇز بەن قىس مەزگىلىندە ۇنەمى كەزدەسەتىن اۋرۋلاردى ەمدەۋگە باعىتتاي وتىرىپ، باعىتتامالى تۇردە تۇسىنىك بەردى.
كۇز مەزگىلىندە ءىش وتسە، دەر كەزىندە شارا قولدانىپ، دەنساۋلىقتى قورعاعان ءجون
كۇز بەن قىس مەزگىلىندە جوتەلۋ ءجيى تۋىلادى، مامانداردىڭ تانىستىرۋىنشا، جوتەلگەندە قاقىرىقتى وڭاي شىعارىپ تاستاۋعا مۇمكىندىك بولماسا، قاقىرىق تۇسىرەتىن تۇرلىشە تيپتەگى دارىلەردى قولدانىپ، اۋرۋ بەلگىسىنە قاراي ەمدەگەن ءجون.
كۇز مەزگىلىندە ءىش ءوتۋ جونىندە ماماندار بىلاي دەدى: كۇز مەزگىلىندە ءىش ءوتۋ 10 - ايدان 12 - ايعا دەيىن ءجيى تۋىلادى، ادەتتە دوڭعالاق فورمالى ۆيرۋسپەن جۇعىمدالۋدان تۋىلعان شۇعىل ىشەك جولى جۇقپالى اۋرۋى سانالادى، ەگەر ءىش ءوتۋ سىندى اۋرۋ بەلگىسى بايقالسا، ءوز جاعدايىمەن ۇشتاستىرا وتىرىپ، ەمدەيتىن ءدارىنى تاڭداعان ءجون.
كۇز بەن قىس مەزگىلىندە جوعارى قان قىسىمى بار، قانداعى ماي قۇرامى جوعارى ناۋقاستار دارىدەن پايدالانۋعا كوڭىل بولگەنى ءجون
مۇنان سىرت، مامانداردىڭ ەسكەرتۋىنشە، كۇز بەن قىس مەزگىلىندە جوعارى قان قىسىمى بار ناۋقاستار اۋا رايىنىڭ وزگەرىسىنە كوڭىل ءبولۋى، دەنساۋلىقتى تەكسەرۋ ساندى مالىمەتىن باقىلاۋدى ويداعىداي ىستەۋى كەرەك.
استانا مەديتسينا داشۋەسىنىڭ قاراماعىنداعى بەيجيڭ انجىن ەمحاناسى ءدارى - دارمەك ىستەرى ءبولىمىنىڭ مەڭگەرۋشىسى لين ياڭ بىلاي دەدى: وزگەرىس تۋىلعان جاعدايدا، ءبىز دارىدەن تۇتىنۋ جاعدايىنا رەتتەۋ جۇرگىزۋىمىز كەرەك. ەندەشە، كەيبىر ناۋقاستار پايدالاناتىن ءدارىنىڭ دوزاسى ارتتىرىلادى، كەيبىر ناۋقاستار پايدالاناتىن ءدارىنىڭ ءتۇرى كوبەيتىلەدى، وسى ارقىلى ەڭ سوڭىندا قان قىسىمىنىڭ ورنىقتى كۇيىنە قول جەتكىزۋگە بولادى.
اۋا رايى سۋىق بولعاندىقتان، قان قويۋلانادى، قانداعى ماي قۇرامى جوعارى ناۋقاستار دا تەكسەرىلۋ كورسەتكىشىنىڭ وزگەرىسىنە نازار اۋدارىپ وتىرعانى ءجون.
استانا مەديتسينا داشۋەسىنىڭ قاراماعىنداعى بەيجيڭ انجىن ەمحاناسى ءدارى - دارمەك ىستەرى ءبولىمىنىڭ مەڭگەرۋشىسى لين ياڭ بىلاي دەدى: قانداعى ماي قۇرامىن رەتتەيتىن ەرەكشە نەگىزگى ءدارى — ستاتين، ستاتين ءدارىسىنىڭ ءوزارا ىقپال جاساۋ رولى ءبىرشاما كوپ، بىرىنشىدەن، ءدارىنى جۇيەلى پايدالانۋ قاجەت، مۇنان سىرت، كەيبىر ازىقتىقتاردىڭ وعان جاسايتىن ىقپالىنا نازار اۋدارعان ءجون، مىسالى، تيسترۋس جەمىسىنىڭ شىرىنىن ىشەتىن بولساق، ستاتين ءدارىسىنىڭ ەمدىك ونىمدىلىگىنە ىقپال جاسايدى، سوندىقتان، بۇل ءدارىنى تۇتىنعان كەزدە تيسترۋس شىرىنىنان جاسالعان سۋسىندىقتاردى تۇتىنۋدان ساقتانعان ءجون.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
