ەڭ جوعارى بولعاندا 500 مىڭ يۋان سيلىق بەرىلەدى! قوعام حاۋىپسىزدىگى ورگاندارى بيرمانىڭ سولتۇستىگىندەگى تەلەكوم مەن ينتەرنەتتەن پايدالانىپ الدامكوستىك ىستەيتىن توپتىڭ باستى 4 اتامانىنىڭ ۇستىنەن قۋعىنداۋ بۇيرىعىن شىعارعان
2023.11.13 15:53 كەلۋ قاينارى : حالىق تورابى
جۇڭگو اقپارات تورابىنىڭ ءتىلشىسى گو چاۋكاي 11 - ايدىڭ 22 - كۇنى بەيجيڭنەن حابارلايدى. ءتىلشىنىڭ 11 - ايدىڭ 12 - كۇنى قوعام حاۋىپسىزدىگى مينيسترلىگىنەن ۇعىسۋىنشا، قوعام حاۋىپسىزدىگى مينيسترلىگى بيرمانىڭ سولتۇستىگىندەگى گوگان اۆتونوميالى رايونىنداعى تەلەكوم مەن ينتەرنەتتەن پايدالانىپ الدامكوستىك ىستەيتىن قىلمىستىق توپتىڭ باستى اتاماندارى ميڭ شۋەچاڭ، ميڭ گوپيڭ، ميڭ جۇيلان، ميڭ جىنجىنداردىڭ ۇستىنەن قۋعىنداۋ بۇيرىعىن شىعارعان. ءونىمدى دەرەكتەرمەن قامداعاندارعا جانە تۇتقىنداۋعا سايكەسىپ ەڭبەك كورسەتكەندەرگە قوعام حاۋىپسىزدىگى مينيسترلىگى حالىق اقشاسى بويىنشا 100 مىڭ يۋاننان 500 مىڭ يۋانعا دەيىن اقشالاي سيلىق بەرەدى.
قازىر بيرمانىڭ سولتۇستىگىندەگى تەلەكوم مەن ينتەرنەتتەن پايدالانىپ ەلىمىزگە باعىتتالعان الدامكوستىك ىستەۋ قىلمىسىنىڭ جاعدايى اۋىر، قوعامدىق زالالى اۋىر، حالىق بۇقاراسىنىڭ اڭىسى كۇشتى. جىجياڭ ولكەسى ۋىنجوۋ قالالىق قوعام حاۋىپسىزدىگى ورگاندارىنىڭ بارلاۋ - تەكسەرۋ بارىسىندا بايقاۋىنشا، ميڭ شۋەچاڭ، ميڭ گوپيڭ، ميڭ جۇيلان، ميڭ جىنجىندار بيرمانىڭ سولتۇستىگىندەگى گوگان اۆتونوميالى رايونىندا ەلىمىزگە باعىتتالعان تەلەكوم مەن ينتەرنەتتەن پايدالانىپ الدامكوستىك ىستەۋ قىلمىستىق توبىنىڭ اتاماندارى، ميڭ شۋەچاڭ باس بولعان قىلمىستىق توپ ۇزاق ۋاقىت بويى الدامكوستىك اپانىن قۇرۋعا ادامداردى ۇيىمداستىرعان، الدامكوستەردى اشىق تۇردە قارۋلى كۇشپەن قورعاعان، جۇڭگو ازاماتتارىنا باعىتتالعان تەلەكوم مەن ينتەرنەتتەن پايدالانعان الدامكوستىك قىلمىستىق ارەكەتتەرىن ورىستەتكەن، الدامكوستىكپەن قولعا كەلتىرگەن قاراجات سوماسى وتە قوماقتى، قوعام حاۋىپسىزدىگى ورگاندارى قاتاڭ سوققى بەرىپ، جوعارى قىسىم كورسەتكەن جاعدايدا دا ايىلىن جيماعان، قولىن تارتپاعان، زاڭعا قايشى قىلمىستىق ارەكەتتەردى جالعاستى قۇتىرىنا ۇيىمداستىرعان، سونىمەن بىرگە، قاساقانا ادام ءولتىرۋ، قاساقانا زيانداۋ، زاڭعا قايشى تۇردە قاماپ قويۋ قاتارلى ءتۇرلى اۋىر زورلىق - زومبىلىق قىلمىسىن وتكىزگەن، قىلمىسى وتە سۇرقيا، زاردابى وتە اۋىر بولعان.
قازىر ميڭ شۋەچاڭ، ميڭ گوپيڭ، ميڭ جۇيلان، ميڭ جىنجىن سىندى 4 ادامنىڭ قىلمىس فاكتتەرى انىق، دالەلدەر بۇلتارتپاستاي تولىق، جىجياڭ ولكەسى ۋىنجوۋ قالالىق قوعام حاۋىپسىزدىگى مەكەمەسى ولاردىڭ ۇستىنەن اشىق تۇردە سيلىقتى قۋعىنداۋ بۇيرىعىن شىعارۋدى ماقۇلداعان. قوعام حاۋىپسىزدىگى ورگاندارى قىلمىس كۇماندىلارى ميڭ شۋەچاڭ، ميڭ گوپيڭ، ميڭ جۇيلان، ميڭ جىنجىن سىندى 4 ادامدى جاعدايدى ايقىن تانىپ، تىزگىنىن تارتۋعا، ىرىقتىلىقپەن قىلمىستارىن مويىنداپ، ءوزىن مالىمدەۋگە، كەڭشىلىكپەن ءبىر جاقتى ەتۋگە قول جەتكىزۋگە قۋزايدى. سونىمەن بىرگە، قوعامنىڭ ءار سالاسىنداعىلاردىڭ جانە بارشا حالىق بۇقاراسىنىڭ بەلسەندىلىكپەن اشكەرەلەۋىن، قىلمىس كۇماندىلارىن ۇستاۋعا سايكەسۋىن ءۇمىت ەتەدى. ءونىمدى دەرەكتەرمەن قامداعان جانە تۇتقىنداۋعا سايكەسىپ، ەڭبەك كورسەتكەندەرگە قوعام حاۋىپسىزدىگى ورگاندارى حالىق اقشاسى بويىنشا 100 مىڭ يۋاننان 500 مىڭ يۋانعا دەيىن اقشالاي سيلىق بەرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
