2024 - جىلى وقۋ بىتىرەتىن ستۋدەنتتەرگە جاقسى حابار، شينجياڭداعى مەملەكەت مەنشىگىندەگى بۇل سەرىكتەستىككە 1050 قىزمەتكەر قابىلدانادى
2023.11.14 14:22 كەلۋ قاينارى : حالىق تورابى
انار بۇلت \ شينجياڭ گازەتىنىڭ ءتىلشىسى ما بەي حابارلايدى. جۋىردا مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگى دامۋ قاجەتىنە نەگىزدەلە وتىرىپ، سەرىكتەستىك قاراماعىنداعى 24 ورىنعا 2024 - جىلى جاي جوعارى مەكتەپتەردەن وقۋ تاۋىساتىن ستۋدەنتتەردەن 1050 ادامدى قىزمەتكە قابىلدايدى، تىزىمدەلۋ ۋاقىتى 11 - ايدىڭ 20 - كۇنىنە دەيىن.
وسى رەتكى قىزمەتكە قابىلداۋ وبيەكتىلەرى جاي جوعارى مەكتەپتەردەگى ارناۋلى كۋرس جانە ودان جوعارى وقۋ ماعلۇماتىنا يە 2024 - جىلى وقۋ بىتىرەتىن ستۋدەنتتەر، وقۋ ماعلۇماتى، كاسىبى جانە وقىعان مەكتەبىنىڭ تيپى مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگىنىڭ 2024 - جىلى جوعارى مەكتەپتەردەن وقۋ تاۋىسقانداردان قىزمەتكەر قابىلداۋ جوسپارىنداعى تالاپتارعا ساي كەلۋى، وقۋشىلىق ينفورماتسياسىن جۇڭگو جوعارى دارەجەلى وقۋ - اعارتۋى وقۋشىلار ينفورماتسياسى تورابىنان تەكسەرۋگە بولاتىن بولۋى، باستى وقىعان كاسىبى قىزمەتكەر قابىلداۋ تالابىنا ۇيلەسەتىن بولۋى قاجەت.
شارتقا ۇيلەسەتىن، قىزمەتكە قابىلدانۋدان ۇمىتكەر وقۋ بىتىرەتىن ستۋدەنتتەر مەملەكەتتىك ەلەكتر تورى شەكتى سەرىكتەستىگى ادام كۇشى بايلىعى جانە قىزمەتكەر قابىلداۋ تەكشەسىنە (国家电网有限公司人力资源招聘平台) تىركەلىپ، جەكەلىك ينفورماتسيالارىن كىرگىزىپ، قىزمەتكە قابىلدانعىسى كەلەتىن ورىندى تاڭداپ، وقۋشىلىق ينفورماتسياسىن كۋالاندىرۋ مالىمەتى، ناتيجە كەستەسى قاتارلى قاتىستى ماتەريالداردىڭ سكانەرلەنگەن نۇسقاسىن شىعارۋى كەرەك. تىزىمدەلۋ جاعدايىنا قاراي وتىرىپ، سەرىكتەستىك ۇزدىكتەرىن تاڭداپ، شارتقا ۇيلەسەتىن ۇمىتكەرلەردى مەملەكەتتىك ەلەكتر تورى شەكتى سەرىكتەستىگى ءبىرتۇتاس ۇيىمداستىرعان ەمتيحانعا قاتىناسۋعا شاقىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
