بىرلەسكەن مەملەكەتتەر ۇيىمىنىڭ حاۋىپسىزدىك القالار كەڭەسى گازانىڭ جاعدايى جونىندەگى قاۋلىنى ماقۇلدادى
2023.11.17 16:20 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى شاڭ شۇيچيان 11 - ايدىڭ 15 - كۇنى بىرلەسكەن مەملەكەتتەر ۇيىمىنان حابارلايدى. بىرلەسكەن مەملەكەتتەر ۇيىمى حاۋىپسىزدىك القالار كەڭەسى 11 - ايدىڭ 15 - كۇنى 2712 - ءنومىرلى قاۋلىنى ماقۇلداپ، بۇكىل گازا وڭىرىندە ادامگەرشىلىك ماقساتىندا سوعىستى ۋاقىتشا توقتاتۋدى شۇعىل اتقارۋ، ادامگەرشىلىك ءدالىزىن ورناتۋ جونىندە ۇندەۋ جاريالاعان. بۇل 10 - ايدىڭ 7 - كۇنى پالەستين مەن يزرايل اراسىندا جاڭا كەزەكتى قاقتىعىس تۋىلعاننان بەرى، حاۋىپسىزدىك القالار كەڭەسى تۇڭعىش رەت ماقۇلداعان قاتىستى قاۋلى سانالادى.
قاۋلىدا بۇكىل گازا وڭىرىندە ادامگەرشىلىك ماقساتىندا سوعىستى ”كۇن سانى جەتكىلىكتى“ ۇزاق مەرزىمدە ۋاقىتشا توقتاتۋدى شۇعىل اتقارۋ ءارى ادامگەرشىلىك ءدالىزىن ورناتۋ، وسى ارقىلى ادامگەرشىلىك ماقساتىنداعى كىرۋدى قامتاماسىزداندىرۋ؛ بۇكىل گازا ءوڭىرىن اۋىز سۋ، ەلەكتر قۋاتى، جانارزات، ازىق - تۇلىك، ءدارى - دارمەك ماتەريالدارىن قامتىعان نەگىزدىك زاتتارمەن جانە قىزمەت وتەۋ تۇرلەرىمەن اناعۇرلىم قولايلى فورمادا قامداۋ؛ وزەكتى نەگىزدىك قۇرىلعىلاردى جوندەۋدى ىلگەرىلەتۋ؛ بۇلدىرىلگەن ۇيلەردەن دەرەكسىز كەتكەن بالالاردى ىزدەۋ جانە جارالانعان بالالار مەن ولاردى كۇتىمدەۋشىلەردى ەمحاناعا جەتكىزۋ قاتارلى شۇعىل قۇتقارۋ مەن قالپىنا كەلتىرۋ قىزمەتىن قامتاماسىزداندىرۋ جونىندە ۇندەۋ جاريالانعان.
قاۋلىدا ءارقايسى جاقتاردان حالىقارالىق زاڭدا بەلگىلەنگەن مىندەتتەرىن، وتە - موتە، جاي بۇقارانى قورعاۋ، اسىرەسە بالالاردى قورعاۋ جاعىنداعى ەرەجەلەردى اتقارۋدى تالاپ ەتكەن. قاۋلىدا پالەستين يسلام قارسىلىق قوزعالىسى (حاماس) جانە باسقا ۇيىمداردى بارىمتالاعان ادامداردى دەرەۋ شارتسىز بوساتۋعا قۋزاعان. قاۋلىدا ءارقايسى جاقتاردى گازاداعى جاي بۇقارانىڭ ءومىر سۇرۋىنە قاجەتتى نەگىزدىك قىزمەت وتەۋ تۇرلەرى مەن ادامگەرشىلىك كومەكتى تارتىپ الۋدان ساقتانۋعا قۋزاعان.
قاۋلىنىڭ العاشقى نۇسقاسىن مالتا مەملەكەتى جاساعان، حاۋىپسىزدىك القالار كەڭەسىنىڭ 15 مۇشەسىنىڭ ىشىندە 122 مۇشە قولداعان. ا ق ش، انگليا، رەسەي داۋىس بەرۋدەن قالىس قالعان. حاۋىپسىزدىك القالار كەڭەسىنىڭ قاۋلى جوباسىنا داۋىس بەرۋ الدىندا، رەسەي قاۋلى جوباسىنا وزگەرىس ەنگىزۋ جوباسىن اۋىزشا ورتاعا قويىپ، ادامگەرشىلىك ماقساتىندا سوعىستى ۇزاق مەرزىمدى، باياندى تۇردە توقتاتۋدى دەرەۋ ىسكە اسىرۋعا، وسى ارقىلى جاۋلاسقان جاقتاردىڭ ارەكەتىن توقتاتۋدى ىلگەرىلەتۋگە ۇندەگەن. رەسەيدىڭ وزگەرىس ەنگىزۋ جوباسى جەتكىلىكتى ماقۇلداعان داۋىسقا يە بولمادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
